ఇస్రో (భారత అంతరిక్ష పరిశోధన సంస్థ) అంతరిక్ష సాంకేతిక పరిజ్ఞానం ద్వారా ఈశాన్య ప్రాంత అభివృద్ధి ప్రాజెక్టులకు సహాయం చేస్తుందని, ఈశాన్య ప్రాంతంలోని ఎనిమిది రాష్ట్రాలలో మౌలిక సదుపాయాల ప్రాజెక్టులను మెరుగుగా ముందుకు తీసుకెళ్లడానికి శాటిలైట్ ఇమేజింగ్ మరియు ఇతర స్పేస్ టెక్నాలజీ అనువర్తనాలను వాంఛనీయ వినియోగం అందించడం ద్వారా సహకరిస్తామని కేంద్ర ఈశాన్య ప్రాంతాల అభివృద్ధి (డోనర్), పీఎంఓ, సిబ్బంది, ప్రజా సమస్యలు, పెన్షన్లు, అణు శక్తి, అంతరిక్షం శాఖల సహాయ మంత్రి డాక్టర్ జితేంద్ర సింగ్ ఈ రోజు చెప్పారు.

ఈశాన్య ప్రాంత అభివృద్ధి మంత్రిత్వ శాఖ ఉన్నతాధికారులు, ఇస్రో శాస్త్రవేత్తలు పాల్గొన్న ఉన్నతస్థాయి సమావేశానికి కేంద్ర మంత్రి అధ్యక్షత వహించారు. ఇస్రో అమలు చేయడానికి ఇప్పటికే ఆరు ఈశాన్య రాష్ట్రాలు తమ ప్రతిపాదనలు పంపాయని, మరో రెండు రాష్ట్రాలు సిక్కిం, అసోం త్వరలోనే తమ ప్రతిపాదనలు పంపనున్నాయని మంత్రి చెప్పారు. 

కేంద్ర మంత్రిత్వ శాఖ నిధులతో మొత్తం 8 రాష్ట్రాల్లోని 221 సైట్లలో ఇస్రో ఇప్పటికే 67 ప్రాజెక్టులను పర్యవేక్షిస్తోందని, జియో-ట్యాగింగ్ కూడా చేస్తున్నట్లు డాక్టర్ జితేంద్ర సింగ్ తెలియజేశారు. అభివృద్ధి ప్రాజెక్టుల కోసం డేటాను మ్యాపింగ్ చేయడంలో, పంచుకోవడంలో ఇస్రో సంస్థాగత ప్రమేయం ఉందని, ఇతర రాష్ట్రాలకు కూడా ఇది ఒక నమూనాగా మారగలదని, మొత్తం దేశంలో ఇదే మొదటిదని ఆయన అన్నారు. డాక్టర్ జితేంద్ర సింగ్ అన్నారు మోడీ పాలనలో ఎన్నో కీలక అంశాలు అమలులోకి వచ్చాయని, గత ఏడు సంవత్సరాలలో, భారత అంతరిక్ష పరిశోధన సంస్థ (ఇస్రో) ప్రధానంగా ఉపగ్రహాల ప్రయోగానికి మాత్రమే పరిమితం కాలేదు, కానీ అభివృద్ధి కార్యకలాపాల్లో ఇది తన పాత్రను నిరంతరం విస్తరిస్తోంది అని ఆయన అన్నారు. తద్వారా ప్రధానమంత్రి నరేంద్రకు దార్శనికత అయినా "ట్రాన్స్ఫార్మింగ్ ఇండియా" సాకారం అయ్యేలా ఇవి సహకరిస్తున్నాయని కేంద్ర మంత్రి తెలిపారు.

కేంద్ర హోంమంత్రి శ్రీ అమిత్ షా ఈ ఏడాది జనవరిలో షిల్లాంగ్‌ను సందర్శించి నార్త్ ఈస్టర్న్ స్పేస్ అప్లికేషన్స్ సెంటర్ (నేసాక్) సొసైటీతో సమావేశం నిర్వహించినట్లు డాక్టర్ జితేంద్ర సింగ్ తెలిపారు. అటవీ అంతరాల ప్రాంతాల మ్యాపింగ్, ఉద్యానవన అభివృద్ధికి భూభాగం విస్తరించడం, చిత్తడి నేలలను గుర్తించడం మరియు పునరుజ్జీవనం చేయడం మరియు వరదనీటిని మళ్లించడం, జీవనోపాధి అవసరాలకు వెదురు వనరులను అంచనా వేయడం వంటి పనులు పురోగతిలో ఉన్నాయి. ప్రాజెక్టుల పురోగతిని సమీక్షించడానికి హోంమంత్రి జూలైలో మళ్లీ కేంద్రాన్ని సందర్శించే అవకాశం ఉందని మంత్రి చెప్పారు. కోవిడ్ ప్రభావం ఉన్నప్పటికీ, ఈ ప్రాజెక్టుల అమలులో చాలా ప్రగతి ఉందని ఆయన అన్నారు.

<><><><><>