ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವಾಲಯ

ಡಿ.ಬಿ.ಟಿ-ಐ.ಎಲ್.ಎಸ್.ನಿಂದ  ಪ್ರಾಣಿ ಸವಾಲು ಅಧ್ಯಯನ ವೇದಿಕೆ ಸ್ಥಾಪನೆ

Posted On: 07 JUN 2021 5:54PM by PIB Bengaluru

ಕೋವಿಡ್ -19 ಪ್ರಮುಖ ಜಾಗತಿಕ ಸಾಂಕ್ರಾಮಿಕವಾಗಿ ಕಾಡುತ್ತಿದೆ. ವೈಜ್ಞಾನಿಕ ಮತ್ತು ಕ್ಲಿನಿಕಲ್ ಸಮುದಾಯವು ಸಮರ್ಪಕವಾದ ತಡೆ ಮತ್ತು ಚಿಕಿತ್ಸಾ ವಿಧಾನಗಳನ್ನು ಅಭಿವೃದ್ಧಿ ಮಾಡುವಲ್ಲಿ ಕ್ರಿಯಾತ್ಮಕವಾಗಿ ತೊಡಗಿಸಿಕೊಂಡಿದೆ. ಕೊರೊನಾ ವೈರಸ್ ಜಾಗತಿಕ ಸಾಂಕ್ರಾಮಿಕದಿಂದ ಮಾನವರನ್ನು ರಕ್ಷಿಸಲು ಪ್ರಮುಖ ತಂತ್ರವೆಂದರೆ ಸಮರ್ಪಕ ಪರಿಣಾಮಕಾರಿಯಾದ ಲಸಿಕೆಗಳ ಮತ್ತು ಚಿಕಿತ್ಸಾ ವಿಧಾನಗಳ ಅಭಿವೃದ್ಧಿ. ಪ್ರಸ್ತುತ ಅನೇಕ ಕ್ಲಿನಿಕಲ್ ಪ್ರಯೋಗಗಳು ನಡೆಯುತ್ತಿವೆಯಾದರೂ, ಅದಕ್ಕೆ ಸಮಾನಾಂತರವಾಗಿ ಕ್ಲಿನಿಕಲ್ ಪೂರ್ವ ಸಂಶೋಧನೆಯು ಪ್ರನಾಳದಲ್ಲಿನ  ಮತ್ತು ಮಾದರಿ ಜೀವಿಗಳ ಮೇಲೆಯೂ ನಡೆಯಬೇಕಾದ ಅವಶ್ಯಕತೆ ಇದೆ. ವೈರಸನ್ನು ಅರಿತುಕೊಳ್ಳಲು ಮತ್ತು ಸುರಕ್ಷೆ ಹಾಗು ಪರಿಣಾಮಕಾರಿ  ಚಿಕಿತ್ಸಾ ಏಜೆಂಟ್ ಗಳನ್ನು ಪರೀಕ್ಷೆ ಮಾಡಲು ಇದು ಅಗತ್ಯ. ಮಾನವರಲ್ಲಿ ಸಾರ್ಸ್-ಕೋವ್-2 ಪ್ರೇರಿತ ರೋಗಗಳನ್ನು ಉಂಟು ಮಾಡುವ ರೋಗಕಾರಕಗಳನ್ನು ನಿಕಟವಾಗಿ ಹೋಲುವ ಪ್ರಾಣಿ ಮಾದರಿಗಳು  ರೋಗ ವ್ಯವಸ್ಥೆ ಸಂಶೋಧನೆಗೆ ಮತ್ತು ಸಮರ್ಪಕ ಲಸಿಕೆ ಹಾಗು ವೈರಸ್ ನಿರೋಧಿ ಔಷಧಿಗಳ ಮೌಲ್ಯಮಾಪನಕ್ಕೆ ಅವಶ್ಯ. ಸಣ್ಣ ಪ್ರಾಣಿಗಳಾದ ಇಲಿ, ದಂಶಕ ವಂಶಕ್ಕೆ ಸೇರಿದ ಸಿರಿಯನ್ ಹ್ಯಾಮ್ ಸ್ಟರ್ (ಒಂದು ಜಾತಿಯ ಹೆಗ್ಗಣ)ಗಳು ಸಾರ್ಸ್ ಕೋವ್ -2 ಅಧ್ಯಯನಕ್ಕೆ ಬಹೂಪಯೋಗಿಗಳಾಗಿರುತ್ತವೆ, ಕಾರಣ ಅವುಗಳು ತ್ವರಿತವಾಗಿ ವಂಶಾಭಿವೃದ್ಧಿ ಮಾಡುತ್ತವೆ ಮತ್ತು ಕೋವಿಡ್ -19 ರೋಗಲಕ್ಷಣಗಳನ್ನು ಪುನರುತ್ಪಾದನೆ ಮಾಡುತ್ತವೆ. ಲಭ್ಯ ಇರುವ ವಿವಿಧ ಪ್ರಾಣಿ ಮಾದರಿಗಳಲ್ಲಿ, ಇದುವರೆಗೆ ಹ್ಯಾಮ್ ಸ್ಟರ್ ಗಳನ್ನು ಸಾರ್ಸ್ ಕೋವ್-2 ಸೋಂಕು ಅಧ್ಯಯನಗಳಲ್ಲಿ ಬಳಸಲಾಗಿದೆ. ಕೋವಿಡ್ -19 ಹ್ಯಾಮ್ ಸ್ಟರ್ ಮಾದರಿಯು ಮಾನವನಿಗೆ ಬರುವ,   ಪೂರ್ಣ ಪ್ರಮಾಣದಲ್ಲಿ ಗುಣವಾಗುವಂತಹ ಸೌಮ್ಯ ಮಾದರಿಯನ್ನು ಅನುಕರಿಸುತ್ತದೆ

ಪ್ರಾಣಿಗಳ ಮೇಲೆ ನಡೆಯುವ ಪ್ರಯೋಗ ಪರೀಕ್ಷೆಗಳಿಗೆ ಬಹುತಜ್ಞತೆಯ ಜನರ ಅವಶ್ಯಕತೆ ಇದೆ ಮತ್ತು ವಿಶೇಷವಾದ ಪ್ರಾಣಿ ಜೈವಿಕಸುರಕ್ಷಾ ಹಂತ 3 ಪ್ರಯೋಗಾಲಯಗಳ (.ಬಿ.ಎಸ್.ಎಲ್. 3) ಅವಶ್ಯಕತೆ ಇದೆ. ಸಾರ್ಸ್ ಕೋವ್ -2, ಇದಕ್ಕೆ ಸಂಬಂಧಿಸಿ ವೈರಸ್ ನಿರೋಧಿ ಮತ್ತು ಲಸಿಕಾ ಅಭ್ಯರ್ಥಿಗಳನ್ನು ಅಭಿವೃದ್ಧಿ ಮಾಡಬೇಕಾದ ಅಗತ್ಯವನ್ನು ಮತ್ತು ಮಹತ್ವವನ್ನು ಮನಗಂಡು, ಭುವನೇಶ್ವರದಲ್ಲಿರುವ ಜೀವ ವಿಜ್ಞಾನಗಳ ಸಂಸ್ಥೆಯು (ಭಾರತ ಸರಕಾರದ ಜೈವಿಕ ತಂತ್ರಜ್ಞಾನ ಇಲಾಖೆಯ ಸ್ವಾಯತ್ತ ಸಂಶೋಧನಾ ಸಂಸ್ಥೆ) ಪ್ರಾಣಿ ಮಾದರಿಗಳನ್ನು ಮತ್ತು .ಬಿ.ಎಸ್.ಎಲ್.-3 ಪ್ರಯೋಗಾಲಯವನ್ನು ಸ್ಥಾಪಿಸಿದೆ. .ಎಲ್.ಎಸ್. ವೇದಿಕೆಯನ್ನು ಕೋವಿಡ್ ಸುರಕ್ಷಾ ಆಂದೋಲನದ ಅಡಿಯಲ್ಲಿ ಜೈವಿಕ ತಂತ್ರಜ್ಞಾನ ಕೈಗಾರಿಕಾ ಸಂಶೋಧನಾ ಸಹಾಯ ಮಂಡಳಿ (ಬಿ..ಆರ್..ಸಿ.) ನೆರವಿನಿಂದ ಸ್ಥಾಪಿಸಲಾಗಿದೆ.

ಸಂಸ್ಥೆಯ ಕೋವಿಡ್ -19 ಸಂಶೋಧನಾ ತಂಡವು ಇತ್ತೀಚೆಗೆ ಸ್ಥಳೀಯವಾಗಿ ಪ್ರತ್ಯೇಕವಾಗಿ ಬೆಳೆಸಿದ ವೈರಸ್ ಬಳಸಿ  ಸಾರ್ಸ್ ಕೋವ್ -2 ಸೋಂಕಿನ ಹ್ಯಾಮ್ ಸ್ಟರ್ ಮಾದರಿಗಳನ್ನು ರೂಪಿಸಿತು.ಎಲ್.ಎಸ್. ನಲ್ಲಿ ಅಧ್ಯಯನಕ್ಕೆ ಒಳಪಡಿಸಲಾದ ಪ್ರೋಟೀನ್ ಅಧ್ಯಯನಗಳು ಮಾನವರಲ್ಲಿ ಮತ್ತು ಹ್ಯಾಂಸ್ಟರ್ ಗಳಲ್ಲಿ ಕಂಡುಬರುವ ಸಾರ್ಸ್ ಕೋವ್ -2 ಸೋಂಕಿನಲ್ಲಿ ಸಾಮ್ಯತೆಗಳಿರುವುದನ್ನು ಪತ್ತೆ ಹಚ್ಚಿತು. ಕ್ಲಿನಿಕಲ್ ಮಾನದಂಡಗಳ ಅನ್ವಯ ನಡೆಸಲಾದ ವಿಶ್ಲೇಷಣೆಗಳು ಕೂಡಾ ಅಂಗಾಂಶ ಮಾದರಿಗಳಲ್ಲಿ ಸಾರ್ಸ್ ಕೋವ್ -2 ಸೋಂಕಿಗೂ ಮೊದಲು ಕೋವಿಡ್ -19 ರೋಗಿಗಳಲ್ಲಿ ವರದಿಯಾದ ಸೋಂಕಿಗೂ ಸಮಾನತೆ ಇರುವುದನ್ನು ತೋರಿಸಿತು. ಇದು ಕೋವಿಡ್ -19 ಸಂಶೋಧನೆಯಲ್ಲಿ ಮಾದರಿಯ ಕ್ಲಿನಿಕಲ್ ಪ್ರಸ್ತುತತೆಗೆ ಬಲವಾದ ಆಣ್ವಿಕ ಸಾಕ್ಷ್ಯವನ್ನು ಒದಗಿಸಿತು ಅಧ್ಯಯನದ ಫಲಿತಗಳನ್ನು ಇತ್ತೀಚೆಗೆ ಪ್ರತಿಷ್ಠಿತ ಎಫ್..ಎಸ್..ಬಿ. ಅಮೆರಿಕನ್ ನಿಯತಕಾಲಿಕದಲ್ಲಿ ಪ್ರಕಟಿಸಲಾಗಿದೆ. .ಎಲ್.ಎಸ್. ವೇದಿಕೆಯ ಪ್ರಸ್ತುತ ಬಳಕೆದಾರರಲ್ಲಿ ಎನ್..ಆರ್.ಆರ್. ಎಚ್, ಮುಂಬಯಿ, ..ಟಿ. ಇಂದೋರ್, ಎನ್.ಸಿ.ಬಿ.ಎಸ್.-ಇನ್ಸ್ಟೆಮ್ ಬೆಂಗಳೂರು, ಎನ್.ಸಿ.ಎಲ್., ಪುಣೆ, ಸಿ...ಬಿ. ಮೊಹಾಲಿ ಇತ್ಯಾದಿಗಳು ಸೇರಿವೆ.

ಅಧ್ಯಯನವನ್ನು ಡಾ. ಶತಿಭೂಷಣ್ ಸೇನಾಪತಿ ಮತ್ತು ಡಾ. ಗುಲಾಂ ಸಯೀದ್ ನೇತೃತ್ವದ ತಂಡ ಕೈಗೊಂಡಿತ್ತು. ಸಂಸ್ಥೆಯ ನಿರ್ದೇಶಕ ಡಾ. ಅಜಯ್ ಪರಿದಾ ಅವರು ಸಂಸ್ಥೆಯ ಪ್ರಾಣಿ ಮಾದರಿ ಮತ್ತು .ಬಿ.ಎಸ್.ಎಲ್.3 ಸೌಲಭ್ಯವು ಸಾರ್ಸ್- ಕೋವ್ -2, ಇದಕ್ಕೆ ಸಂಬಂಧಿಸಿ ಪರೀಕ್ಷೆ ಮತ್ತು ಔಷಧದ ಮೌಲ್ಯಮಾಪನ ಹಾಗು ಲಸಿಕಾ ಅಭ್ಯರ್ಥಿಗಳ ಸೇವೆಯನ್ನು ಒದಗಿಸುವಲ್ಲಿ ಪ್ರಮುಖ ಪಾತ್ರ ವಹಿಸುವ ಆಶಯವನ್ನು ವ್ಯಕ್ತಪಡಿಸಿದ್ದಾರೆ. .ಎಲ್.ಎಸ್. ಸಂಸ್ಥೆಯು ಕೆ 18-h .ಸಿ..2  ಜೀವಾಂತರ ಇಲಿಗಳ ಕಾಲನಿಗಳನ್ನು ಸ್ಥಾಪಿಸಿದೆ ಮತ್ತು ಇದು ಮೌಲ್ಯಮಾಪನ ಪ್ರಯತ್ನಗಳಿಗೆ ಪೂರಕವಾಗಿರಲಿದೆ ಎಂದೂ ಡಾ. ಫರಿದಾ ಹೇಳಿದ್ದಾರೆ. ಸೌಲಭ್ಯವು ಸೇವೆಗೆ ಶುಲ್ಕ  ಮಾದರಿಯಲ್ಲಿ ಅಥವಾ ಪಾಲುದಾರಿಕೆ ಮಾದರಿಯಲ್ಲಿ ಕಾರ್ಯಾಚರಿಸುತ್ತದೆ ಮತ್ತು ಸಂಶೋಧಕರಿಗೆ, ಕೈಗಾರಿಕೆಗಳಿಗೆ, ಭಾರತದ ಮತ್ತು ವಿದೇಶಗಳ ನವೋದ್ಯಮಗಳಿಗೆ ಇದು ಲಭ್ಯ ಇರುತ್ತದೆ.


ಹೆಚ್ಚಿನ ವಿವರಗಳಿಗೆ : ಸಂಪರ್ಕಿಸಿ, ಡಿ.ಬಿ.ಟಿ/ಬಿ..ಆರ್..ಸಿ. ಸಂಪರ್ಕ ಕೋಶ

•         @DBTIndia@BIRAC_2012

www.dbtindia.gov.inwww.birac.nic.in

***



(Release ID: 1725268) Visitor Counter : 39


Read this release in: English , Urdu , Hindi , Odia , Telugu