ଗତ ୨୪ ଘଣ୍ଟା ମଧ୍ୟରେ ଭାରତରେ ଦୈନିକ ନୂଆ କରୋନା ମାମଲା ୧,୦୦,୬୩୬ ଆସିଛି  । ଗତ ଦୁଇ ମାସ ମଧ୍ୟରେ ଏହା ସର୍ବନିମ୍ନ । କ୍ରମାଗତ ୧୧ ଦିନ ଧରି ଦୈନିକ ନୂଆ ସଂକ୍ରମଣ ୨ ଲକ୍ଷ ତଳେ ରହିଛି । କେନ୍ଦ୍ର ଏବଂ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ସରକାରଙ୍କ ମିଳିତ ପ୍ରଚେଷ୍ଟାରେ ଏହା ସମ୍ଭବ ହୋଇପାରିଛି ।

ଭାରତରେ ସକ୍ରିୟ କରୋନା ମାମଲା କ୍ରମାଗତ ଭାବେ ହ୍ରାସ ପାଇବାରେ ଲାଗିଛି । କ୍ରମାଗତ ଦ୍ୱିତୀୟ ଦିନରେ ଦେଶରେ ସକ୍ରିୟ କରୋନା ମାମଲା ୧୫ ଲକ୍ଷ ତଳେ ରହିଛି; ଆଜି ଏହା ୧୪,୦୧,୬୦୯ ରହିଛି । କ୍ରମାଗତ ୭ ଦିନ ଧରି ସକ୍ରିୟ କରୋନା ମାମଲା ୨୦ ଲକ୍ଷ ତଳେ ରହିଛି ।

ଗତ ୨୪ ଘଣ୍ଟା ମଧ୍ୟରେ ସକ୍ରିୟ ମାମଲାରେ ୭୬,୧୯୦ ହ୍ରାସ ହୋଇଛି । ଏବେ ସକ୍ରିୟ ମାମଲା ଦେଶର ମୋଟ ପଜିଟିଭ୍ ମାମଲାର ମାତ୍ର ୪.୮୫% ରହିଛି ।

କୋଭିଡ-୧୯ରୁ ଅଧିକରୁ ଅଧିକ ଲୋକ ସୁସ୍ଥ ହେଉଥିବାରୁ, ଭାରତରେ କ୍ରମାଗତ ୨୫ ଦିନ ଧରି ଦୈନିକ ସୁସ୍ଥଙ୍କ ସଂଖ୍ୟା ଦୈନିକ ସଂକ୍ରମଣ ସଂଖ୍ୟାକୁ ପଛରେ ପକାଇଛି । ଗତ ୨୪ ଘଣ୍ଟା ମଧ୍ୟରେ ୧,୭୪,୩୯୯ ଜଣ ସୁସ୍ଥ ହୋଇଛନ୍ତି ।

ଗତ ୨୪ ଘଣ୍ଟା ମଧ୍ୟରେ ନୂଆ ମାମଲା ତୁଳନାରେ ଅଧିକ ୭୩,୭୬୩ ଜଣ ସୁସ୍ଥ ହୋଇଛନ୍ତି ।

ଦେଶରେ କରୋନା ମହାମାରୀ ଆରମ୍ଭ ହେବା ପରେ ଏ ପର୍ଯ୍ୟନ୍ତ ମୋଟ ୨,୭୧,୫୯,୧୮୦ ଜଣ ଲୋକ କୋଭିଡ-୧୯ରୁ ସୁସ୍ଥ ହୋଇପାରିଛନ୍ତି । ଏହା ଫଳରେ ଭାରତରେ ମୋଟ ସୁସ୍ଥତା ହାର ରହିଛି ୯୩.୯୪%, ଯାହାକି କ୍ରମାଗତ ଭାବେ ବୃଦ୍ଧି ପାଇ ଚାଲିଛି ।

ଗତ ୨୪ ଘଣ୍ଟା ମଧ୍ୟରେ ଦେଶରେ ୧୫,୮୭,୫୮୯ ଟେଷ୍ଟ କରାଯାଇଛି ଏବଂ ଭାରତରେ ଏ ପର୍ଯ୍ୟନ୍ତ ମୋଟ ୩୬.୬ କୋଟି (୩୬,୬୩,୩୪,୧୧୧)ରୁ ଅଧିକ ଟେଷ୍ଟ ହୋଇଛି ।

ଦେଶରେ ଏକ ପକ୍ଷଷର ଟେଷ୍ଟିଂ ବୃଦ୍ଧି କରାଯାଇଥିବା ବେଳେ ପଜିଟିଭିଟି ହାର କ୍ରମାଗତ ଭାବେ ହ୍ରାସ ପାଉଥିବା ପରିଲକ୍ଷିତ ହୋଇଛି । ଆଜି ଦୈନିକ ପଜିଟିଭିଟି ହାର ରହିଛି ୬.୩୪% । କ୍ରମାଗତ ୧୪ ଦିନ ଧରି ଏହା ୧୦% ତଳେ ରହିଛି ।

ଟିକାକରଣ କ୍ଷେତ୍ରରେ ଦେଶବ୍ୟାପୀ ଚାଲିଥିବା ଟିକାକରଣ ଅଭିଯାନରେ ଏ ପର୍ଯ୍ୟନ୍ତ ୨୩.୨୭ କୋଟି ଡୋଜ୍ ଟିକା ଦିଆଯାଇଛି ।

ଆଜି ସକାଳ ୭ଟା ସୁଦ୍ଧା ୩୨,୬୮,୯୬୯ ସେସନରେ ମୋଟ ୨୩,୨୭,୮୬,୪୮୨ ଡୋଜ୍ ଟିକା ଦିଆଯାଇଛି ।

SR