కోవిడ్ మీద పోరులో భాగంగా భారతదేశం ఈరోజు మరో మైలురాయి దాటింది. ఇప్పటిదాకా 23 కోట్లు దాటి సాయంత్ర  7 గంటలకు అందిన సమాచారం ప్రకారం   23,10,89,241 టీకాల పంపిణీ చేసినట్టయింది. పరీక్షించటం, అనవాలు పట్టుకోవటం, చికిత్స అందించటం, కోవిడ్ నియంత్రణ అనుకూల ప్రవర్తనను ప్రోత్సహించటంతోబాటు టీకాలు వేయటాన్ని కోవిడ్ మీద పోరు వ్యూహంలో భాగంగా చేసుకున్న సంగతి తెలిసిందే. మూడో దశ టీకాల కార్యక్రమాన్ని మరింత వేగవంతం చేస్తూ ఉదారంగా చేపట్టటం మే 1న మొదలైంది.

ఈ రోజు 18-44 వయోవర్గంలో 16,19,504 మంది లబ్ధిదారులు టీకాలు తీసుకున్నారు. అదే వయోవర్గంలో 41,058 మంది రెండో డోస్ తీసుకున్నారు.  దీంతో మూడో దశ టీకాల కార్యక్రమంలో భాగంగా 37 రాష్టాలు, కేంద్రపాలిత ప్రాంతాలకు చెందిన ఈ వయోవర్గం వారు ఇప్పటిదాకా  తీసుకున్న మొదటి డోసుల సంఖ్య  2,76,35,937 కు, రెండో డోసుల సంఖ్య 1,60,406 కు చేరింది.  ఇందులో బీహార్, ఢిల్లీ, గుజరాత్, హర్యానా, కర్నాటక,  మధ్యప్రదేశ్, మహారాష్ట్ర, రాజస్థాన్, తమిళనాడు, ఉత్తరప్రదేశ్, పశ్చిమ బెంగాల్ రాష్ట్రాలలో పదేసి లక్షలకు మించి ఈ వయోవర్గం లబ్ధిదారులు టీకాలు తీసుకున్నారు. ఆ వివరాలు రాష్ట్రాలవారీగా ఈ క్రింది పట్టికలో ఉన్నాయి

మొత్తం ఇప్పటిదాకా 23,10,89,241 టీకాలివ్వగా ఇందులో ఆరోగ్య సిబ్బంది తీసుకున్న  99,62,728 మొదటి డోసులు, 68,53,413 రెండో డోసులు, కోవిడ్ యోధులు తీసుకున్న 1,61,57,437 మొదటి డోసులు, 86,58,805 రెండో డోసులు, 18-44 వయోవర్గానికి చెందినవారు తీసుకున్న  2,76,35,937 మొదటి డోసులు, 1,60,406 రెండో డోసులు,  45-60 ఏళ్లవారు తీసుకున్న  7,06,41,613 మొదటి డోసులు, 1,12,93,868 రెండో డోసులు, 60 ఏళ్ళు పైబడ్డవారు తీసుకున్న 6,05,25,195 మొదటి డోసులు, 1,91,99,839 రెండో డోసులు ఉన్నాయి.      

టీకాల కార్యక్రమం మొదలైన 141వ రోజైన జూన్ 5న  31,20,451 టీకా డోసులిచ్చారు. ఇందులో 28,70,693 మంది లబ్ధిదారులు  మొదటి డోస్, 2,49,758 మంది రెండో డోస్ తీసుకున్నట్టు సాయంత్రం 7 గంటలకు అందిన సమాచారాన్నిబట్టి తెలుస్తోంది.   

తేదీ: జూన్ 5, 2021 ( 141వ రోజు) 

దేశంలో వ్యాధిబారిన పడే అవకాశం మెండుగా ఉన్న ప్రజలను కాపాడే ఆయుధం కోవిడ్ టీకా గనుక అత్యున్నత స్థాయిలో ఈ టీకాల కార్యక్రమాన్ని ఎప్పటికప్పుడు  క్రమం తప్పకుండా పర్యవేక్షిస్తున్నారు

****