దేశంలో గత 24 గంటలలో  1,20,529 కొత్త కోవిడ్ కేసులు వచ్చాయి.  ఇది గత 58 రోజులలో అత్యల్పం. వరుసగా 9రోజులుగా రజుకు 2 లక్షలలోపే కేసులు నమోదవుతూ వస్తున్నాయి. కేంద్రంతో కలిసి రాష్ట్రాలు, కేంద్ర పాలిత ప్రాంతాలు చేస్తున్న ఉమ్మడి కృషివలన ఇది సాధ్యమైంది.

దేశంలో చికిత్సలో ఉన్న కేసులు క్రమంగా తగ్గుతూనే ఉన్నాయి. ప్రస్తుతం ఆ సంఖ్య  15,55,248 గా ఉంది. గత 5 రోజులుగా ఈ సంఖ్య 20 లక్షలలోపే ఉంటోంది.  గత 24 గంటలలో చికిత్సలో ఉన్న కేసులు 80,745 తగ్గాయి. మొత్తం పాజిటివ్ కేసులలో చికిత్సలో ఉన్నవి   5.42%.

వరుసగా 23వ రోజుకూడా కొత్త కేసులకంటే కోలుకున్నవారే ఎక్కువగా ఉన్నారు. గత 24 గంటలలో 1,97,894  మంది కోలుకున్నారు. అంతకుముందు రోజు కంటే 77,365 మంది అదనంగా కోలుకోవటం గమనార్హం.

మొత్తం ఇప్పటిదాకా కోవిడ్ బారిన పడినవారిలో 2,67,95,549 మంది కోలుకోగా గత 24 గంటలలో కోలుకున్నవారు 1,97,894 మంది. దీంతో మొత్తం కోలుకున్నవారి 93.38% కి పెరిగింది.  గత 24 గంటలలో 20,84,421 పరీక్షలు జరపగా ఇప్పటిదాకా జరిపిన పరీక్షల సంఖ్య  36,11,74,142 కు చేరింది.  ఒకవైపు దేశంలో కోవిడ్ పరీక్షల సంఖ్య పెరుగుతూ ఉండగా వారపు పాజిటివిటీ తగ్గుతున్న ధోరణి కనబడుతోంది. ప్రస్తుతం వారపు పాజిటివిటీ 6.89% కాగా రోజువారీ పాజిటివిటీ 5.78% గా నమోదైంది. 12 రోజులుగా ఇది 10% లోపే ఉంటూ వస్తోంది.  

దేశవ్యాప్త టీకాల కార్యక్రమంలో భాగంగా ఇచ్చిన మొత్తం టీకా డోసుల సంఖ్య 22.78 కోట్లు దాటింది. గత 24 గంటలలో  36,50,080 టీకా డోసుల పంపిణీ జరిగింది. ఇప్పటివరకు 32,00,677 శిబిరాల ద్వారా 22,78,60,317 డోసుల పంపిణీ జరిగినట్టు ఈ ఉదయం 7 గంటలవరకు అందిన సమాచారం తెలియజేస్తోంది.  అందులో:

***