پوسٹ کرنے کی تاریخ:
30 MAY 2021 2:31PM by PIB Delhi
نئی دہلی،30 مئی 2021،: مرکزی وزیر داخلہ جناب امت شاہ نے وزیراعظم جناب نریندر مودی جی کی قیادت میں مرکزی حکومت کی حصول یابیوں کے 7 سال مکمل ہونے پر وزیر اعظم جناب مودی کو مبارک باد پیش کی ۔ اپنے ٹویٹ پیغامات میں جناب امت شاہ نے کہا کہ "مودی حکومت نے ترقی، سلامتی، عوامی فلاح و بہبود اور تاریخی اصلاحات کی نے نظیر اور منفرد مثال قائم کی ہے"۔
مرکزی وزیر داخلہ نے کہا کہ "ان 7 برسوں میں مودی جی نے اپنے عزم اور ہمہ گیر اور فلاحی پالیسیوں سے غریبوں، کسانوں اور پسماندہ لوگوں کو ترقی کے مرکزی دھارے سے جوڑ کر غریبوں، کسانوں اور پسماندہ طبقات کی زندگیوں کو بہتر بنایا ہے جب کہ دوسری طرف اپنی مضبوط قیادت سے بھارت کو ایک طاقت ور قوم بنایا ہے"۔
جناب امت شاہ نے مزید کہا کہ ''گذشتہ 7 سال سے ملک کے عوام نے مودی جی کی خدمت اور لگن پر مسلسل اپنے غیر متزلزل اعتماد کا اظہار کیا ہے جس کے لیے میں اہل وطن کو سلام کرتا ہوں۔ مجھے یقین ہے کہ مودی جی کی دور اندیشانہ قیادت میں ہم ہر چیلنج پر قابو پاکر بھارت کے ترقیاتی سفر کو جاری رکھیں گے"۔
***
U.No.4985
(ش ح - ع ا - ر ا)