نئی دہلی ،26مئی :بھارت کی قومی شاہراہوں کی اتھارٹی نے ٹول پلازہ پر گاڑیوں کے بلارکاوٹ اورجلد گذرنے کو یقینی بنانے کے لئے کچھ رہنما خطوط جاری کئے ہیں ، جن کا مقصد اس بات کو یقینی بناناہے کہ قومی شاہراہوں پر ٹول پلازہ سے گذرنے والی کسی بھی گاڑی کو 10سیکنڈسے زیادہ نہ لگیں ۔

نئے رہنماخطوط سے ٹول پلازہ پر گاڑیوں کو 100میٹرسے زیادہ کی لائن میں نہ لگنا پڑے جس سے ان گاڑیوں کی بلارکاوٹ آمدورفت یقینی ہوجائے گی ۔اگرچہ زیادہ ترٹول پلازہ پر100فیصد فاسٹ ٹیگ کو لازمی قراردیئے جانے کے بعد گاڑیوں کو انتظارنہیں کرناپڑتالیکن پھربھی اگرکسی وجہ سے گاڑیوں کو 100میٹرسے زیادہ کی لائن میں لگناپڑتاہے تو ان گاڑیوں کو ٹول اداکئے بغیر اس وقت تک گزرنے کی اجازت ہوگی جب تک یہ لائن ٹول بوتھ سےزیادہ سے زیادہ   100میٹرتک نہ ہوجائے ۔ اس مقصد سے ٹول بوتھ سے 100میٹرکے فاصلے پرایک پیلی لائن ، ہرایک ٹول لین میں کھینچ دی جائے گی ۔ اس سے ٹول پلازہ آپریٹرس میں مزید جواب دہی کا احساس پیداہوگا۔

چونکہ این ایس اے آئی نے فروری 2021کے وسط سے 100بغیرنقدی کی ٹول ادائیگی شروع کردی ہے لہذااین ایس اے آئی ٹول پلازہ پرمجموعی طورپر فاسٹ ٹیگ کی تعداد 96فیصد تک ہوگئی ہے۔ اوربہت سے ٹول پلازہ پریہ تعداد 99فیصد ہے ۔ ملک میں بڑھتی ہوئی  الیکٹرانک ٹول کلیکشن (ای ٹی سی ) کے پیش نظراس بات پر خاص توجہ دی جارہی ہے کہ آئندہ ٹول پلازہ کے نئے ڈیزائن بنائے جائیں اور ان کے مطابق ان کی تعمیرکی جائے جیسا کہ ایک مستعد ٹول کلیکشن نظام کی خاطر اگلے 10سال کے لئے ٹریفک نظام کا لائحہ عمل تیارکیاگیاہے ۔

جیساکہ جسمانی دوری ایک نیا معمول بن گیاہے لہذا آمدورفت کرنے والے اب زیادہ سے زیادہ فاسٹ ٹیگ کا استعمال کررہے ہیں چونکہ اس سے ڈرائیوروں اورٹول آپریٹروں کے درمیان کسی بھی براہ راست رابطے کے امکانات دورہوجاتے ہیں ۔ شاہراہوں کے استعمال کرنے والوں کے ذریعہ فاسٹ ٹیگ کا زیادہ سے زیادہ استعمال اوراسے کافی بڑی تعداد میں اپنایاجاناایک حوصلہ افزابات ہے اوراس سے ٹول پرکام کاج میں مزید استعداد پیداکرنے میں مدد ملے گی ۔

*************

)27.05.2021 (ش ح ۔ا س ۔ع آ

U-4866