প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা ইন্সতিত্যুৎ ওফ কোস্ত একাউন্তেন্তস ওফ ইন্দিয়া (আই.সি.ও.এ.আই.) অমসুং ইন্সতিত্যুৎ ওফ কম্পেনী সেক্রেতরিজ ওফ ইন্দিয়া (আই.সি.এস.আই.)না মপান লৈবাকশিং.লুপশিংগা খুৎয়েক পীনখিবা মেমোরেন্দম ওফ অন্দরস্তেন্দিংশিং (এম.ও.য়ু.শিং) এক্স-পোস্ত ফেক্তোগী অয়াবা পীখ্রে‍।

ইন্সতিত্যুৎ ওফ কোস্ত একাউন্তেন্তস ওফ ইন্দিয়া (আই.সি.ও.এ.আই.) অমসুং ইন্সতিত্যুৎ ওফ কম্পেনী সেক্রেতরিজ ওফ ইন্দিয়া (আই.সি.এস.আই.) অনিনা মপান লমগী লুপশিং মমিং ওইনা ইন্সতিত্যুৎ ওফ পব্লিক একাউন্তেন্তস (আই.পি.এ.), ওস্ত্রেলিয়া, চার্তর্দ ইন্সতিত্যুৎ ফোর সিক্যুরিতিজ এন্দ ইনভেস্তমেন্ত, য়ু.কে. (সি.আই.এস.আই.), চার্তর্দ ইন্সতিত্যুৎ ওফ পব্লিক ফাইনান্স এন্দ একাউন্তেন্সী (সি.আই.পি.এফ.এ.), য়ু.কে., ইন্সতিত্যুৎ ওফ সর্তিফাইদ মেনেজমেন্ত একাউন্তেন্তস, স্রি লঙ্কা অমসুং ইন্সতিত্যুৎ ওফ চার্তর্দ সেক্রেতরিজ এন্দ এদমিনিস্ত্রেতর্স (আই.সি.এস.এ.) য়ু.কে.গা এম.ও.য়ু.শিং খুৎয়েক পীনখিবনি‍।

মেমোরেন্দম ময়াম অসিনা ক্বালিফিকেসনশিং অমগা অমগা শকখঙনবা অমদি ৱাখল লৌশিং, থেংনরকপা ৱাফমশিং তাথোক তাশিন, তৌনবা পুন্না পায়খৎমিন্নগদবা থৌওং কয়া পায়খৎনবা অমদি মখোয় মখোয়গী চুনবা লমশিংদা চহীগী মীফম/ ত্রেনিং প্রোগ্রামশিং/ ৱর্কসোপ, সেমিনার অমসুং অপুনবা থিজিন হুমজিনবগী প্রোজেক্তশিংদা পুন্না শরুক য়ামিন্নবগী মওংদা তেক্নিকেলগী ওইবা তেংবাংনবগী থবক পায়খৎমিন্ননবা ৱাফম থম্লি‍।

শাফু:

খুৎয়েক পীনখিবা এম.ও.য়ু.শিং অসিনা কান্নবা ফংমিন্নগদৌরিবা লৈবাকশিংগী মরক্তা ইকুইতী, পব্লিক একাউন্তেবিলিতী অমসুং ইনোভেসনগী লমদা থম্লিবা পান্দমশিং খুমাঙ চাওশিলহনবদা মতেং ওইগনি‍।

নুংগী ৱাফম:

ইন্সতিত্যুৎ ওফ কোস্ত একাউন্তেন্তস ওফ ইন্দিয়া (আই.সি.ও.এ.আই.) অসি পার্লিয়ামেন্তগী অখন্নবা এক্ত অমা ওইরিবা, দি কোস্ত এন্দ ৱর্ক্স একাউন্তেন্তস এক্ত, ১৯৫৯গী মখাদা কোস্ত একাউন্তেন্সীগী শিন্ফম রিগুলেত তৌনবা স্তেতুতরী প্রোফেসনেল বোদী অমা ওইনা লিংখৎখিবনি‍। ইন্সতিত্যুৎ অসি কোস্ত একাউন্তেন্সীগী লমদা অখন্ননা স্পিসিএলাইজ তৌরবা ভারতকী অমত্তা ঙায়রবা শকখঙলবা স্তেতুতরী প্রোফেসনেল ওর্গনাইজেসন অমসুং লাইসেন্সিং বোদীনি‍।

ইন্সতিত্যুৎ ওফ কম্পেনী সেক্রেতরিজ ওফ ইন্দিয়া (আই.সি.এস.আই.) অসি ভারতকী পার্লিয়ামেন্তকী এক্ত হায়বদি, দি কম্পেনী সেক্রেতরিজ এক্ত, ১৯৮০ (এক্ত নম্বর ৫৬ ওফ ১৯৮০)গী মখাদা ভারত্তা কম্পেনী সেক্রতরীগী শিন্ফম শেমগৎনবা অমদি রিগুলেত তৌনবা লিংখৎখিবা স্তেতুতরী বোদী অমনি‍।

*****