आरोग्य आणि कुटुंब कल्याण मंत्रालय
डॉ. हर्ष वर्धन यांनी कोविड-19 ला सार्वजनिक आरोग्य प्रतिसाद आणि 9 राज्ये / केंद्रशासित प्रदेशांमधील लसीकरणाच्या प्रगतीचा आढावा घेतला.
"गेले 8 दिवस सातत्याने नवीन सक्रिय रुग्णांमधील बरे होणाऱ्यांची संख्या वाढत आहे."
आगामी महिन्यांमध्ये लसीची उपलब्धतता लक्षणीयरित्या वाढलेली दिसेल : डॉ. हर्ष वर्धन
प्रविष्टि तिथि:
21 MAY 2021 9:48PM by PIB Mumbai
केंद्रीय आरोग्य आणि कुटुंब कल्याण मंत्री डॉ. हर्ष वर्धन यांनी आज कोविड-19 चा सार्वजनिक आरोग्य प्रतिसाद आणि 9 राज्ये / केंद्रशासित प्रदेशांच्या लसीकरणाच्या प्रगतीचा आढावा घेतला. केंद्रीय आरोग्य आणि कुटुंब कल्याण राज्यमंत्री श्री अश्विनीकुमार चौबे यांच्या उपस्थितीत त्यांनी छत्तीसगड, गोवा, हिमाचल प्रदेश, पुदुच्चेरीचे आरोग्य मंत्री आणि अंदमान आणि निकोबार बेटे, चंदीगढ , दादरा नगर हवेली, दमण आणि दीव, लद्दाख आणि लक्षद्वीप यांचे नायब राज्यपाल / प्रशासक यांच्याशी संवाद साधला.
लसीकरण मोहिमेचे निर्णायक महत्त्व विशद करीत मंत्र्यानी अधोरेखित केले की, भारताने आपल्या नागरिकांना लसीच्या एकूण 19,18,89,503 मात्रा दिल्या आहेत.ते म्हणाले की , देशात लस उपलब्धता वाढविण्यासाठी सरकार लस उत्पादकांना पाठिंबा देण्याच्या सक्रिय प्रक्रियेत सरकार आहे. त्यानंतरच्या महिन्यांत देशात लसीच्या उत्पादनात घसघशीत वाढ होईल, अशी अपेक्षा त्यांनी व्यक्त केली. ते पुढे म्हणाले की, ऑगस्ट ते डिसेंबर 2021 या कालावधीत भारत लसीच्या 216 कोटी मात्रा खरेदी करेल तर यावर्षी जुलैपर्यंत 51 कोटी मात्रांची खरेदी केली जाईल. केंद्रीय आरोग्यमंत्र्यांनी असेही म्हटले आहे की, वर्षाच्या अखेरीला देशात किमान सर्व प्रौढ लोकसंख्येचे लसीकरण झाल्याची स्थिती असेल.
***
M.Chopade/S.Chavan/P.Kor
***
सोशल मिडियावर आम्हाला फॉलो करा: 
@PIBMumbai 
/PIBMumbai 
/pibmumbai 
pibmumbai[at]gmail[dot]com
(रिलीज़ आईडी: 1720773)
आगंतुक पटल : 257