ইনকম তেক্স বিভাগনা জুন ৭, ২০২১দা মখোয়গী অনৌবা ই-ফাইল্লিং পোর্তেল www.incometax.gov.in লোঞ্চ তৌরগনি। অনৌবা ই-ফাইলিং পোর্তেল (www.incometax.gov.in) অসিনা তেক্সপেয়রদা খুদোংচাহন্নবা অমসুং তেক্সপেয়রশিংদা মতমগা চুনবা, অপনবা লৈতবা এক্সপরিয়েন্স ফংহন্নবা পান্দম থমখি:

• তেক্সপেয়রদা খুদোংচাহনগদবা অনৌবা পোর্তেল অসিদা তেক্সপেয়রশিংদা রিফন্দশিং খোঙজেল য়াংনা পীনবা ইনকম তেক্স রিতর্নস (আই.তি.আর.শিং) খুদক্তা প্রোসেস তৌবগা ইন্তিগ্রেৎ তৌবা;
• ইন্তরেক্সন অমসুং অপলোদ নত্ত্রগা পন্দুনা লৈবা এক্সন পুম্নমক তেক্সপেয়রগী ফোলো-অপ এক্সনগীদমক দেশবোর্দ অমা খক্তদা দিস্প্লে তৌগনি;
• দেতা এন্ত্রীগী থবক হন্থহন্নবা তেক্সকী লৌশিং অমত্তা লৈত্রবসু, প্রি-ফাইল্লিং তৌদুনা তেক্সপেয়রশিংনা আই.তি.আর. ফাইল তৌবদা মতেং পাংনবা নুংঙাইরবা ৱাহংশিংগা লোইননা ওনলাইন অমসুং ওফলাইন্দা শেল তিংদনা আই.তি.আর. শেম্নবা সোফৱেয়র ফংহনবা;
• এফ.এ.ক্যু.শিং, ত্যুতোরিএলশিং, ভিদিওশিং অমসুং চেৎবুৎ/লাইব এজেন্তগা লোইননা তেক্সপেয়রগী খঙনীংবশিংগী খুদক্তা পাউখুম পীদুনা তেক্সপেয়রগী মতেং পাংনবা অনৌবা কোল সেন্তর থম্বা;
• দেস্কতোপ্তা য়াওবা মরু ওইবা পোর্তেল ফঙ্কসন পুম্নমক মোবাইল এপ্তা ফংহল্লগনি মসিনা মোবাইল নেৎৱর্কতা মতম অমা হেক্তদা মপুং ফানা এক্সেস তৌবা ঙমহনগনি;
• তেক্সশিং অরায়বা মওংদা তেক্সপেয়রনা বেঙ্ক অমগী একাউন্ত অমা হেক্তদগী নেৎবেঙ্কিং, য়ু.পি.আই., ক্রেদিৎকার্দ  অমসুং আর.তি.জি.এস./এন.ই.এফ.তি. শিজিন্নদুনা অনৌবা পেমেন্ত ওপ্সন কয়াগা লোইননা অনৌবা পোর্তেলদা অনৌবা ওনলাইন তেক্স পেমেন্ত সিস্তেম লৈহল্লগনি।

লোঞ্চ অসি তৌনবা অমদু মাইগ্রেসনগী থবক-থৌরমশিং শেম শাবগী থবক চত্থবনা হৌজিক লৈরিবা বিভাগ অসিগী পোর্তেল www.incometaxindiaefiling.gov.in  অসি তেক্সপেয়রশিং লোইননা অতৈ এক্সতর্নেল স্তেকহোল্দরশিংদা নুমিৎ ৬নিগী অতেনবা মতম হায়বদি জুন ১, ২০২১দগী জুন ৬, ২০২১ ফাওবা শিজিন্নবা য়াখিরোই।

তেক্সপেয়রশিংদা খুদোংচাবা অমত্তা থোকহনদনবা, বিভাগ অসিনা হায়রিবা মতম অসিগী মনুংদা কম্প্লাইন্সকী তাংশিং লেপ্পোই মখা তানা তেক্সপেয়রশিংদা অনৌবা সিস্তেম অসিদা রেস্পোন্দ তৌনবগী মতম পীনবা জুন ১০, ২০২১ গী মতুংদগী কেসশিং নত্ত্রা কম্প্লাইন্সকী হিয়রিং লেপ্নবা য়াথং পীখ্রে। করিগুম্বা ওনলাইন্দা সবমিসন মথৌ তাবা হিয়রিং নত্ত্রগা কম্প্লাইন্স অসি হায়রিবা মতম অসিগী মনুংদা সেদ্যুল্দ তৌবা তারবদি হায়রিবা অদু প্রিপোন্দ তৌবা নত্ত্রগা এদজোর্ন তৌগদবনি অমসুং ৱার্ক আইতেমশিং অসি হায়রিবা মতম অসিগী মতুংদা রিসেদ্যুল্দ তৌগদবনি।

বিভাগ অসিনা পেন ভেরিফিকেসন অসিনচিংবা সর্ভিসশিং পীবা বেঙ্কশিং, এম.সি.এ., জি.এস.তি.এন., দি.পি.আই.আই.তি., সি.বি.আই.সি., জি.ই.এম., দি.জি.এফ.তি. য়াওনা এক্সতর্নেল এন্তিতীশিংদা সর্ভিস অসি ফংদবগী মতাংদা পাউ পীখ্রে অমসুং মরিগা মরী লৈনবা থবক থৌরম অসি ব্লেকআউৎ পিরিয়দকী মমাংদা নত্ত্রগা মতুংদা লোইশিন্নবা মখোয়গী কস্তমরশিং/স্তেকহোল্দরশিংদা মসিগী মতাংদা খঙহন্নবা থৌরাংশিং পাইখৎনবা খঙহনখ্রে।

তেক্সপেয়রশিংদা ব্লেকআউৎ পিরিয়দকী মনুংদা খুদোংচাদবা থোক্তনবা জুন ১, ২০২১গী মমাংদা সবমিসন তৌবা, অপলোদ তৌবা নত্ত্রগা দাউনলোদ তৌবা মথৌ তাবা অথুবগী থবক পুম্নমক লোইশিন হৌনবা খঙহনখ্রে।

বিভাগনা তেক্সপেয়রশিং অমসুং অতৈ স্তেকহোল্দরশিংদা অনৌবা ই-ফাইল্লিং পোর্তেল অসিদা হোংদোক্লিঙৈ মনুংদা ৱাখল ফাথনা লৈনবা অমসুং মসিগী মতুং তারকপগী হৌরকপা মতম অদু ফাওবদা অনৌবা সিস্তেম অসি খুৎলোইনবা খঙহনখ্রে। মসি সি.বি.দি.তি.না মাগী তেক্সপেয়রশিং অমসুং অতৈ স্তেকহোল্দরশিংদা ইজ ওফ কম্প্লাইন্স পীনবা অতোপ্পা থৌরাং অমনি।

*****