হকশেল অমসুং য়াইফ-য়ুম্বাল মন্ত্রালয়

এন.ই.জি.ভি.এ.সি.গী অনৌবা রিকম্মেন্দেসনশিং কেন্দ্রগী হকশেল মন্ত্রালয়না অয়াবা পীখ্রে

এন.ই.জি.ভি.এ.সি.গী অনৌবা রিকম্মেন্দেসনশিংগী মতুং ইন্না, কোবিদ-১৯ লাইচৎতগী মপুং ফানা ফরবা থা ৩গী মতুংদা ভেক্সিন অসি কাপকদবনি

অহানবা ভেক্সিন দোজ কাপ্লবা মতুংদা কোবিদ নারক্লবা তারবদি, কোবিদ-১৯ লাইচৎ অসিদগী মপুং ফানা ফরবা মতুংগী থা ৩ লৈরবা অনিশুবা দোজ অদু কাপকদবনি

শঙ্গোম পীথক্লিবা নুপী পুম্নমক্কী ওইনা কোবিদ-১৯ ভেক্সিন কাপ্পা য়াহনখ্রে

কোবিদ-১৯ ভেক্সিন কাপত্রিঙৈগী মমাংদা রেপিদ এন্তিজেন তেস্ত(আর.এ.তি.)না ভেক্সিন কাপকদৌরিবা মীওইশিং অদু স্ক্রিনিং তৌররোই

Posted On: 19 MAY 2021 4:17PM by PIB Imphal

নেস্নেল এক্সপর্ত গ্রুপ ওন ভেক্সিন এদমিনিস্ত্রেসন ফোর কোবিদ-১৯(এন.ই.জি.ভি.এ.সি.)না কোবিদ-১৯ ভেক্সিনেসন অসিগা মরী লৈননা পুথোরক্লিবা অনৌবা রিকম্মেন্দেসনশিং অদু হকশেল অমসুং য়াইফ-য়ুম্বালগী কেন্দ্রগী মন্ত্রালয়দা সেয়র তৌরকখ্রে৷ হায়রিবা রিকম্মেন্দেসনশিং অসি হৌজিক লৈরিবা কোবিদ-১৯ লাইনা-লাইচৎকি ওইরক্লিবা ফিভম অমসুং থোক্লক্লিবা গ্লোবেল সাইন্তিফিক ইভিদেন্স অমসুং এক্সপরিয়েন্সকি মতুং ইন্না শেমখিবনি৷

মখাদা পীরিবা হায়রিবা রিকম্মেন্দেসনশিং অসি হকশেল অমসুং য়াইফ-য়ুম্বালগী কেন্দ্রগী মন্ত্রালয়না অয়াবা পীখ্রে অমসুং হায়রিবা রিকম্মেন্দেসনশিং অসি রাজ্যশিং অমসুং য়ু.তি.শিংদসু খঙহনখ্রে:

মখাদা পিরিবা সিনারিও অসিদা কোবিদ-১৯ ভেক্সিন কাপ্পা চোন্থহনবা:

    1. সার্স-২ কোবিদ-১৯ লাইনা নারে হায়না লেব তেস্তনা তাক্লবা মীওইশিং: লাইচৎ অসিদগী মপুং ফানা ফরবা থা ৩গী মতুংদা কোবিদ-১৯ ভেক্সিন কাপ্লগনি৷
    2. এন্তি-সার্স-২ মোনোক্লোনেল এন্তিবোদীশিং নত্রগা কনবালেসেন্ত প্লাস্ম কাপখ্রবা সার্স-২ কোবিদ-১৯ পেসেন্তশিং: পেসেন্ত অদুনা হোস্পিতালদগী দিসচার্জ তৌখিবা নুমিৎ অদুদগী থা ৩গী মতুংদা কোবিদ-১৯ ভেক্সিন কাপকদবনি৷
    3. অহানবা দোজ কাপলুরবা মীওইশিং অমসুং দোশিং স্কেদ্যুল অদু মপুং ফানা লোইদ্রিঙৈগী মমাংদা কোবিদ-১৯ নারকপা: মীওই অদুনা কোবিদ-১৯ লাইনাদগী মপুং ফানা ফরক্লবা থা ৩গী মতুংদা অনিশুবা দোজ অদু কাপকদবনি৷
    4. হোস্পিতেলাইজেসন নত্রগা আই.সি.য়ু. দরকার ওইরিবা অতোপ্পা অরুবা লাইনা নারিবা মীওইশিংনা কোবিদ-১৯ ভেক্সিন অসি কাপত্রিঙৈ চয়োল ৪-৮ ফাওবা ঙাইগদবনি৷

কোবিদ-১৯ ভেক্সিন কাপলুরবা মীওইশিং নত্রগা কোবিদ-১৯ লাইনা অসি নারুবদগী আর.তি.-পি.সি.আর. নেগেতিব ফংলবা মীওইশিংনা নুমিৎ ১৪নিগী মতুংদা ই দোনেত তৌবা য়াগনি৷

শঙ্গোম পীথক্লিবা নুপী পুম্নমক কোবিদ-১৯ ভেক্সিন কাপ্পা য়ারে৷

কোবিদ-১৯ ভেক্সিন কাপত্রিঙৈগী মমাংদা রেপিদ এন্তিজেন তেস্ত(আর.এ.তি.)না ভেক্সিন কাপকদৌরিবা মীওইশিং অদু স্ক্রিনিং তৌবগী মথৌ তাদ্রে৷

মীরোনবী নুপীশিংদা কোবিদ-১৯ ভেক্সিন কাপ্পা অসিগা মরী লৈননা, নুপীশিং অসিদা ভেক্সিন কাপ্পগী থবক অসি য়াম্না কন্না নৈনরি অমসুং মখাতানা নেস্নেল তেক্নিকেল এদভাইজরী গ্রুপ ওন ইম্ম্যুনাইজেসন(এন.তি.এ.জি.আই.) কুপথনা খন্নরি৷

হায়রিবা রিকম্মেন্দেসনশিং অসি মরী লৈনবা ওফিসিয়েলশিংদা খঙহন্নবা অমসুং রিকম্মেন্দেসনশিং অসি য়াম্না ইফেক্তিব ওইনা চৎনহন্ননবগীদমক তঙাই ফদবা এক্সন লৌখৎনবা কেন্দ্রগী হকশেল মন্ত্রালয়না রাজ্যশিং অমসুং য়ু.তি.শিংদা চিথি ইদুনা খঙহনখ্রে৷ লোকেল লেঙ্গুৱেজতা লৈরিবা ইনফোর্মেসন অমসুং কম্ম্যুনিকেসনগী চেনেল পুম্নমক শিজিন্নদুনা সর্ভিস পীরিবা অমসুং জেনেরেল পব্লিক অসিদা ইনফোর্মেসন অসি ইফেক্তিব ওইনা খঙহন্নবা রাজ্যশিংদা খঙহনখ্রে৷ লেবেল খুদিংমক্তা ভেক্সিনেসন স্তাফশিং অসি ত্রেনিং ফংহন্নবা রাজ্যশিংদসু খঙহনখ্রে৷

 ******



(Release ID: 1720163) Visitor Counter : 132