প্রধানমন্ত্রীগী লোইশঙ

পি.এম. মোদীনা সাইক্লোন তোক্তেনা শোকহল্লবা গুজরাতকী মফমশিংগী এরিয়েল সর্ভে চত্থখ্রে

পি.এম.না রাজ্য অসিদা পাইখৎলিবা তেংবাং পীবগী থবক য়েংশিনখ্রে

পি.এম. মোদীনা গুজরাতকী মীয়ামগা লোইননা লেপ্পী হায়না ফোঙদোকখ্রে

পি.এম.না রাজ্য অসিদা খুদক্কী ওইবা তেংবাং পীনবগী থবক-থৌরমশিংগীদমক লুপা করোর ১,০০০গী শেলগী তেংবাং লাউথোকখ্রে

কেন্দ্র সরকারনা রাজ্য অসিদা অমাং অতা কয়া য়াম্না থোকখি হায়বা য়েংশিন্নবা রাজ্য অসিদা চৎনবা ইন্তর-মিনিস্ত্রিএল তীম অমা দিপ্লোই তৌরগনি

শোকহল্লবা মফমশিংদা ইনফ্রাস্ত্রকচর শেমজিন-শাজিন্নবা মতেং পুম্নমক কেন্দ্রনা পীগনি হায়না থাজবা পীখ্রে

পি.এম.না গুজরাত্তা কোবিদ-১৯গী ওইরিবা ফীভমগী মতাংদসু য়েংশিনখ্রে

সাইক্লোন তোক্তেনা মরম ওইরগা ভারতকী শোকহল্লবা মফম পুম্নমক্তা শীখিবা অদুগী ইমুংগী মীওইদা লুপা লাখ ২গী ক্ষেতিপুরন অমসুং অশোক অপন নংখ্রবশিংদা লুপা ৫০,০০০ পীরগনি

কেন্দ্রদা মখোয়গী এসেসমেন্তশিং থারক্লবা মতুংদা শোকহল্লবা রাজ্য পুম্নমক্তা খুদক্কী ওইনা শেলগী তেংবাং পীরগনি

Posted On: 19 MAY 2021 4:30PM by PIB Imphal

প্রধান মন্ত্রী শ্রী নরেন্দ্র মোদীনা ঙসি সাইক্লোন তোক্তেনা ওইহল্লিবা ফীভম য়েংশিন্নবা গুজরাত্তা চৎখ্রে। প্রধান মন্ত্রীনা গুজরাত অমসুং দিয়ুগী  উনা (গীর-সোমথাথ), জফরাবাদ (অমরেলি), অমসুং মহুৱা (ভাবনগর) হায়রিবা সাইক্লোন্না শোকহনখ্রবা মফমশিং অসিদা এরিয়েল সর্ভে অমা চত্থখ্রে।

মসিগী মতুংদা মহাক্না গুজরাত অমসুং দিয়ুদা পাইখৎলিবা রিলিফ অমসুং রিহেবিলিতেসনগী খোঙথাংশিং য়েংশিন্নবা অহমদাবাদতা পাঙথোকপা মীফম অমদা ময়াই তাংবল লৌখ্রে।

মহাক্না গুজরাত্তা খুদক্কী ওইবা তেংবাং পীনবগী থবক-থৌরমশিংগীদমক লুপা করোর ১,০০০গী শেলগী তেংবাং অমা লাউথোকখ্রে। মসিগা ইরোইননা কেন্দ্র সরকারনা রাজ্য অসিদা অমাং অতা কয়া য়াম্না থোকখি হায়বা য়েংশিন্নবা রাজ্য অসিদা চৎনবা ইন্তর-মিনিস্ত্রিএল তীম অমা দিপ্লোই তৌরগনি, মসিদা য়ুম্ফম ওইরগা মখা তাবা তেংবাং পীগনি।

প্রধান মন্ত্রীনা রাজ্য অসিগী মীয়ামদা কেন্দ্র সরকারনা অৱাবা তানফম অসিদা রাজ্য সরকারগা খুৎশম্নদুনা থবক তৌমিন্নগনি, শোকহল্লবা মফমশিংদা ইনফ্রাস্ত্রকচর শেমজিন-শাজিন্নবা পাংবা য়াবা মতেং পুম্নমক পীগনি হায়না থাজবা পীখ্রে।

মহাক্কী খোঙচৎ অদুদা মহাক্না কোবিদ লাইচৎকা মরী লৈননা ওইরিবা ফীভমসু য়েংশিনখ্রে। রাজ্য সরকারনা পি.এম.দা পাইখৎলিবা খোঙথাংশিংগী মতাংদা পাউদমখ্রে অমসুং পি.এম.না চেকশিল থৌরাংশিং পাইখৎপা মথৌ তাই হায়নসু অকনবা ৱাফম থমখ্রে।

মহাক্কী গুজরাতকী খোঙচৎ অদুদা মুখ্য মন্ত্রী শ্রী বিজয় রুপানি অমসুং অতৈ ওফিসিএলশিং য়াওখি।

প্রধান মন্ত্রীনা ভারতকী তোঙান তোঙানবা শরুকশিংদা সাইক্লোন্না মরম ওইদুনা অৱাবা নংখ্রবা পুম্নমক্কা মহাক্না লেপ্পী হায়না ফোঙদোকখ্রে অমসুং খুদোংথিবা অসিদা মখোয়গী মরী-মতা কাইনখ্রবা ইমুং-মনুংশিংদা অৱাবা ফোঙদোকখ্রে।

মহাক্না কেরেলা, কর্নাতকা, গোৱা, মহারাস্ত্র, গুজরাত, রাজস্থান অমসুং দমন অমসুং দিয়ু অমদি দদ্রা অমসুং নগর হবেলিগী য়ু.তি.শিংদা সাইক্লোন অসিনা মরম ওইরগা লৈখিদ্রবা মীওইগী ইমুংগী মীওইদা লুপা লাখ ২গী ক্ষেতিপুরন অমসুং শাথিনা অশোক অপন নংখ্রবশিংদা লুপা ৫০,০০০ পীগনি হায়না লাউথোকখ্রে।

প্রধান মন্ত্রীনা হায় সাইক্লোন অসিগী মতুংদা ওইহৌরিবা ফীভম অসিদা কেন্দ্রনা শোকহল্লবা রাজ্য সরকারশিংগা খুৎশম্নদুনা থবক পাইখৎলি। কেন্দ্রদা মরী লৈনবা রাজ্য সরকারশিংনা মখোয়গী এসেসমেন্তশিং থারক্লবা মতুংদা শোকহল্লবা রাজ্য পুম্নমক্তা খুদক্কী ওইনা শেলগী তেংবাং পীরগনি।

পি.এম. মোদীনা হায় ঐখোয়না দিজাস্তর মেনেজমেন্তগা মরী লৈনবা সাইন্তিফিক স্তদীশিংদা মখা তানা হেন্না মীৎয়েং চংগদবনি। শোকহল্লবা মফমশিংদগী থুনা ইভাক্যুএসন তৌনবা ইন্ত্রা-স্তেৎ কোওর্দিনেসন লোইননা মোদর্ন কম্ম্যুনিকেসন তেকনিকশিং শীজিন্নবা হেনগৎপদা অহেনবা মীৎয়েং চংনবা মহাক্না ফোঙদোকখ্রে। শোকহল্লবা মফমশিংদা লৈরিবা অমাং অতা থোকখ্রবা য়ুমশিং অমদি লনথুমশিং শেমজিন্নবা খুদক্কী ওইবা মীৎয়েং চংনবসু খঙহনখ্রে।

*****



(Release ID: 1719964) Visitor Counter : 36