نئی دہلی،16 مئی 2021/کورونا کے خلاف جاری جنگ میں آنے والی رکاوٹوں پر   قابو پانے اور نئے حل تلاش کرنے کے لئے   ہندستانی ریلوے ملک بھر کی  مختلف ریاستوں میں لیکویڈ میڈیل آکسیجن  (ایل ایم او) پہنچا کر   لوگوں کو راحت دینے کا کام  کررہا ہے۔  ہندستانی ریلوے   اب تک  ملک کی  مختلف ریاستوں  میں  590 ٹینکروں کے ذریعہ  9440 میٹرک ٹن سے زیادہ لیکوڈ  میڈیکل آکسیجن  پہنچا چکا ہے۔

قابل غور ہے کہ   اب تک  150 آکسیجن ٹرینیں    اپنا سفر   مکمل کرچکی ہیں اور اس سے   ملک کی   متعدد ریاستوں کو  کافی مدد اور راحت  ملی ہے۔

اس پریز ریلیز  کے لکھے جانے  تک  55 ٹینکروں میں 970 میٹرک  ٹن میڈیکل آکسیجن لے کر   12 آکسیجن  ایکسپریس ٹرینیں  ابھی راستے میں ہیں اور  اپنا سفر  طے کررہی ہیں۔

کیرل ، آندھراپردیش،  تلنگانہ ، کرناٹک  اور تمل ناڈو جیسی  جنوبی ہندستانی ریاستوں کو   آکسیجن کے معاملے میں   بڑی راحت  ملی ہے،  کیونکہ  کئی آکسیجن ٹرینوں   نے ان ریاستوں میں  کل اور آج  کافی مقدار میں  لیکوڈ میڈیکل آکسیجن کی سپلائی   کی ہے۔

اتفاق  سے دہلی این سی آر علاقے میں  5000 میٹرک ٹن سے زیادہ   آکسیجن کی ڈیلیوری  کو پار کرلیا ہے۔  اسے آگے  متعلقہ اسپتالوں/تنظیموں یا اداروں وغیرہ کو  تقسیم کیا جاتا ہے۔

آکسیجن  ایکسپریس ٹرین گزشتہ کچھ دنوں سے  لگاتار ہر روز    تقریباً 800 میٹرک ٹن  لیکوڈ میڈیکل  آکسیجن  ملک کی  مختلف  ریاستوں /مرکز کے  زیر انتظام  علاقوں میں  پہنچا رہی ہے۔

ہندستانی ریلوے کی کوشش ہے کہ  درخواست کنندہ   ریاستوں کو  کم سے کم وقت میں  زیادہ سے زیادہ   لیکوڈ میڈیکل آکسیجن پہنچائی جاسکی۔

کیرل کے   ایرنااکلم میں 118 میٹرک ٹن  لیکوڈ میڈیکل آکسیجن لے کر   پہلی آکسیجن ٹرین   پہنچ گئی ہے۔

اس ریلیز کے لکھے جانے کے وقت تک     آکسیجن ایکسپریس   ٹرین سے مہاراشٹر کو 521 میٹرک ٹن، اترپردیش کو تقریباً 2525 میٹرک ٹن، مدھیہ پردیش  کو 430 میٹرک ٹن ، ہریانہ کو 1228 میٹرک ٹن، تلنگانہ کو 389 میٹرک ٹن،راجستھان کو 40 میٹرک ٹن،کرناٹک کو 361 میٹرک ٹن، اتراکھنڈ کو  200 میٹرک ٹن،  کیرل کو 118 میٹرک ٹن،تمل ناڈو کو 151 میٹرک ٹن، آندھراپردیش کو 116 میٹرک ٹن اور دہلی کو  3320 میٹرک ٹن سے زیادہ آکسیجن  پہنچائی گئی ہے۔

نئی آکسیجن ایکسپریس ٹرین کا چلانا  کافی متحرک  ہے،  اور اس  سلسلہ میں  اعدادوشمار بھی مسلسل تبدیل ہورہے ہیں۔ یہی وجہ ہے کہ   آج دیر رات تک  آکیسجن ٹینکر لےکر  کچھ دیگر آکسیجن ٹرینوں کے سفر شروع کرنے کی    توقع ہے۔

ریلوے نے  آکسیجن  سپلائی والے   مقامات پر  آکسیجن پہنچانےکے لئے   مطالبات کی   میپنگ کی ہے،  اور  ریاستوں  میں   آکسیجن کی کسی بھی  ہنگامہ ضرورت سے  نپٹنے کے لئے  خود   کو تیار رکھا ہے۔  غور طلب ہے کہ   لیکوڈ میڈیکل  آکسیجن لانے کے لئے  متعلق ہ ریاست   ہندستانی ریلوے کو ٹینکر مہیا کرتے ہیں۔

ش ح۔ ش ت۔ج

Uno-4547