ભારતમાં કોવિડમાંથી કુલ સાજા થનારા દર્દીઓનો આંકડો આજે 2,07,95,335 સુધી પહોંચી ગયો છે. રાષ્ટ્રીય સાજા થવાનો સરેરાશ દર 84.25% થયો છે.

છેલ્લા 24 કલાકમાં દેશમાં વધુ 3,62,437 દર્દી સાજા થયા હોવાનું નોંધાયું છે. ભારતમાં છેલ્લા છ દિવસમાં પાંચમી વખત એક દિવસમાં સાજા થનારા દર્દીઓની સંખ્યા એક દિવસમાં નવા નોંધાયેલા દર્દીઓ કરતા વધારે રહી છે.

નવા સાજા થયેલામાંથી 70.94% દર્દીઓ દસ રાજ્યોમાંથી છે.

બીજી તરફ, આજે ભારતમાં કુલ સક્રિય કેસોનું ભારણ ઘટીને આજે 36,18,458 સુધી પહોંચી ગયું છે. દેશમાં નોંધાયેલા કુલ પોઝિટીવ કેસોમાંથી સક્રિય કેસોનું ભારણ 14.66% રહ્યું છે.

છેલ્લા 24 કલાકમાં સક્રિય કેસોની સંખ્યામાં 55,344 દર્દીઓનો ચોખ્ખો ઘટાડો નોંધાયો છે.

ભારતમાં કુલ સક્રિય કેસોમાંથી 74.69% દર્દીઓ 10 રાજ્યોમાંથી હોવાનું નોંધાયું છે.

નીચે આપેલો આલેખ છેલ્લા 24 કલાકમાં રાજ્યોમાં સક્રિય કેસોની સંખ્યામાં થયેલા ફેરફાર પર પ્રકાશ પાડે છે.

પોઝિટીવિટી દરમાં પણ સતત ઘટાડાનું વલણ જોવા મળી રહ્યું છે. નીચે દર્શાવ્યા અનુસાર હાલમાં પોઝિટીવિટી દર 16.98% છે.

દેશવ્યાપી કોવિડ રસીકરણ અભિયાનના તબક્કા-3 અંતર્ગત દેશમાં આજદિન સુધીમાં આપવામાં આવેલા કોવિડ-19 વિરોધી રસીના કુલ ડોઝનો આંકડો આજે 18.22 કરોડથી વધારે થઇ ગયો છે.

આજે સવારે 7 વાગે પ્રાપ્ત થયેલા હંગામી અહેવાલ અનુસાર દેશભરમાં આજદિન સુધીમાં સંયુક્ત રીતે કુલ 26,55,003 સત્રોનું આયોજન કરીને રસીના કુલ 18,22,20,164 ડોઝ આપવામાં આવ્યા છે. આમાંથી 96,42,278 HCWs એ પ્રથમ ડોઝ અને 66,41,047 HCWs એ બીજો ડોઝ લીધો છે. આ ઉપરાંત, 1,44,25,044 FLWs એ પ્રથમ ડોઝ અને 81,86,568 FLWs એ બીજો ડોઝ લીધો છે. 18થી 45 વર્ષના વયજૂથના 48,25,799 લાભાર્થીએ પ્રથમ ડોઝ લીધો છે, 45 થી 60 વર્ષ સુધીના વયજૂથમાં 5,71,61,076 લાભાર્થીએ પ્રથમ ડોઝ અને 90,66,862 લાભાર્થીએ બીજો ડોઝ લીધો છે અને 60 વર્ષથી વધુ ઉંમરના 5,44,69,599 લાભાર્થીએ પ્રથમ ડોઝ જ્યારે 1,78,01,891 લાભાર્થીએ બીજો ડોઝ લીધો છે.

દેશમાં આજદિન સુધીમાં આપવામાં આવેલા કુલ ડોઝમાંથી 66.76% ડોઝ દસ રાજ્યોમાં આપવામાં આવ્યા છે.

છેલ્લા 24 કલાકમાં 18 થી 44 વર્ષની વયજૂથના 5,62,130 લાભાર્થીએ કોવિડ રસીનો પ્રથમ ડોઝ લીધો હતો અને આ વયજૂથમાં સમગ્ર દેશમાં 32 રાજ્યો/કેન્દ્રશાસિત પ્રદેશોમાં આપવામાં આવેલા કુલ ડોઝની સંખ્યા 48,25,799 થઇ ગઇ છે. નીચે આપેલા કોષ્ટકમાં 18 થી 44 વર્ષના વયજૂથના લાભાર્થીઓને આજદિન સુધીમાં આપવામાં આવેલા ડોઝની વિગતવાર માહિતી આપી છે.

દેશમાં છેલ્લા 24 કલાકમાં રસીના 17 લાખથી વધારે ડોઝ આપવામાં આવ્યા છે. કોવિડ-19 વિરોધી રસીકરણ કવાયતના 120મા દિવસે (15 મે 2021ના રોજ) દેશભરમાં રસીના કુલ 17,33,232 ડોઝ આપવામાં આવ્યા હતા. આમાં, 16,027 સત્રોનું આયોજન કરીને 11,30,928 લાભાર્થીને પ્રથમ ડોઝ જ્યારે 6,02,304 લાભાર્થીને રસીનો બીજો ડોઝ આપવામાં આવ્યો હતો.

તારીખ: 15 મે, 2021 (દિવસ-120)

દેશમાં છેલ્લા 24 કલાકમાં વધુ 3,11,170 દર્દીઓ પોઝિટીવ નોંધાયા છે.

છેલ્લા 24 કલાકમાં નવા નોંધાયેલા દર્દીઓમાંથી 74.7% કેસ દસ રાજ્યોમાં નોંધાયા છે.

દેશભરમાં દૈનિક ધોરણે સૌથી વધારે 41,664 પોઝિટીવ કેસ કર્ણાટકમાં નોંધાયા છે. તે પછીના ક્રમે, મહારાષ્ટ્રમાં એક દિવસમાં 34,848 જ્યારે તમિલનાડુમાં 33,658 નવા દર્દી નોંધાયા છે.

હાલમાં રાષ્ટ્રીય મૃત્યુદર 1.09% છે.

છેલ્લા 24 કલાકમાં દેશમાં કુલ 4,077 દર્દીનાં મૃત્યુ નોંધાયા છે.

નવા નોંધાયેલા મૃત્યુઆંકમાંથી 75.55% દર્દી દસ રાજ્યોમાં મૃત્યુ પામ્યા છે. મહારાષ્ટ્રમાં દૈનિક ધોરણે સૌથી વધુ મૃત્યુ (960) નોંધાયા છે. તે પછીના ક્રમે, કર્ણાટકમાં એક દિવસમાં 349 દર્દીના મૃત્યુ નોંધાયા છે.

આ ઉપરાંત, કોવિડ-19ના ડામવા માટે વિદેશમાંથી સહાયરૂપે પ્રાપ્ત થઇ રહેલી રાહત સામગ્રીને ઝડપથી મંજૂરી આપીને તાકીદના ધોરણે રાજ્યો/કેન્દ્રશાસિત પ્રદેશોમાં વહેંચવામાં આવી રહી છે. આજદિન સુધીમાં કુલ મળીને, 10,953 ઓક્સિજન કોન્સન્ટ્રેટર; 13,169 ઓક્સિજન સિલિન્ડર; 19 ઓક્સિજન જનરેશન પ્લાન્ટ; 6,835 વેન્ટિલેટર/Bi PAP અને રેમડેસિવીરની 4.9 લાખ કરતાં વધારે શીશીઓનો જથ્થો જમીન અને હવાઇમાર્ગે પહોંચાડવામાં આવ્યો છે/રવાના કરવામાં આવ્યો છે.

SD/GP/JD