ভারত সরকারনা ফর্তিলাইজর মেনুফেকচররশিং/ইমপোর্তরশিংদগী লৌমীশিংদা হারশিং মমিং ওইনা হায়রবদা দাই-এমোনিয়ম ফোস্ফেৎ (দি.এ.পি.), মুরিয়েৎ ওফ পোতাশ(এম.ও.পি.) অমসুং সিঙ্গল সুপরফোস্ফেৎ(এস.এস.এস.) য়াওনা ফোস্ফেতিক অমসুং পোতাসিক(পি অমসুং কে) হারশিংগী গের্দ ২২ অমসুং য়ুরিয়া হারশিং লৌমীশিংদা সবসিদাইজ ওইবা মমলদা ফংহল্লি৷ পি অমসুং হারশিংদা পীরিবা সবসিদি অসি ০১.০৪.২০১০দগী হৌদুনা এন.বি.এস. স্কিমনা গভর্ন তৌরি৷

ফার্মর ফ্রেন্দলি এপ্রোচকা মরী লৈননা, সরকার অসিনা পি অমসুং কে হারশিং অহোংবা মমলদা লৌমীশিংদা ফংহন্নবা য়াম্না কন্না হোৎনরি৷ হারগী কম্পেনীশিংনা হারশিং অসি অহোংবা মমলদা লৌমীশিংদা ফংহন্নবা ন্যুত্রিন্ত বেজ সবসিদি পোৎশিংগী মতুং ইন্না সবসিদি অসি হারগী কম্পেনীশিংদা রিলিস তৌখ্রে৷

হৌখিবা থা খরা অসিদা, দি.এ.পি. অমসুং অতোপ্পা হারশিং শাবদা চংলিবা রো মেতরিয়েলশিংগী মালেমগী ওইবা মমল চাং ৱাংনা হেনগৎলকখ্রে৷ মালেমগী মার্কেৎতা শুংবা লোইরবা দি.এ.পি.গী মমলশিং অদুসু চাং মান্ননা হেনগৎলকখ্রে৷ হারশিং অসিগী মমলশিং অসি হেনগৎচবা তারবসু, মমাংগী থা ফাওবদি ভারততা দি.এ.পি.গী মমলশিং অসি কেম্পনীশিংনা হেনগৎখিদে৷ অদুমওইনমক, হৌজিক্তি কম্পেনী খরনা দি.এ.পি.গী মমল অসি হেনগৎখ্রে৷

লৈরিবা ফিভম অসি ভারত সরকারনা য়াম্না কুপথনা য়েংশিল্লি৷ লৌমীশিং অসিগী য়াইফননবগীদমক সরকার অসিনা য়াম্না সেন্সিতিব ওইনা হোৎনরি অমসুং পি. অমসুং কে.(দি.এ.পি. য়াওনা) হারশিংগী মমল হেনগৎলকপা অসিনা পীরিবা ইফেক্তশিং অসিদগী ফার্মিং কম্ম্যুনিতী অসিবু ফিভম অসি লাকশিন্দুনা কনবা ঙম্নবা সরকারনা মাংজৌননা খোংথাং কয়া লৌখৎখ্রে৷

অহানবা খোংথাং অমা ওইনা, হায়রিবা হারশিং অসি লৌমীশিংগীদমক মার্কেৎতা মরাং কাইনা ফংহন্নবা হারগী কম্পেনীশিংদা মাংজৌননা সরকারনা খঙহনখ্রে৷ লৈবাক অসিদা ফংলিবা হারশিংগী চাং অসি নুংতি-নুমিৎ খুদিংগী সরকার অসিনা য়েংশিল্লি৷

দি.এ.পি.গী প্রাইসিং মতাংদা, হারগী কম্পেনী পুম্নমক্না মখোয় মখোয়গী হান্নগী লৈরিবা দি.এ.পি. স্তোকশিং অদু হান্নগী মমলশিং অদু খক্তদা য়োন্নবা সরকারনা খঙহনখ্রে৷ অসিগীসু মথক্তা, লৌমীশিং অসিবু সপোর্ত তৌদুনা মখোয়দা পীরিবা শেলগী পোৎলুম অসি হন্থননবগীদমক পি অমসুং কে হারশিং অমসুং দি.এ.পি. শাবদা চংলিবা রো মেতরিয়েলশিংগী মমল মালেমগী ওইনা হেনগৎলক্লিবা অসি বেলেন্স তৌননবা ভারত সরকারনা লৌমীশিংদা সবসিদি পীনবা সবসিদি রেতশিংসু খন্নখি৷

কোবিদ লাইনা-লাইচৎকি লুরবা মতম অসিদা, লৌমীশিংগী ইন্তরেস্ত ঙাক শেন্নবা সরকার অসিনা তঙাই ফদবা খোংথাং পুম্নমক লৌখৎলি৷

                                                                                             *****