কোবিদ-১৯ লাইনা-লাইচৎকি হৌজিক লৈরিবা ৱেব অসি লান্থেংননবা প্রধান মন্ত্রী ভার্তিয়া জনঔশধি কেন্দ্রশিং(পি.এম.বি.কে.জে.শিং), ব্যুরো ওফ ফার্ম পি.এস.য়ু. ওফ ইন্দিয়া(বি.পি.পি.আই.), দিস্ত্রিব্যুতরশিং অমসুং অতোপ্পা স্তেকহোল্দরশিং অমতা ওইনা খুৎশম্নখ্রে অমসুং লাইচৎ অসি লান্থেংনবদা অচৌবা থৌদাং লৌরি৷

১৩.০৫.২০২১ ফাওবদা,  লৈবাক অসিগী রাজ্য/য়ু.তি. ৩৬তা লৈরিবা জিলা পুম্নমক্তা প্রধান মন্ত্রী ভার্তিয়া জনঔশধি কেন্দ ৭৭৩৩ মথৌ তৌরি৷ মসিগী পি.এম.বি.জে.কে.শিং অসি শিজিন্নদুনা য়োন্ননবগীদমক পি.এম.বি.জে.পি.গী বাস্কেৎতা হিদাক লাংথক ১৪৪৯ অমসুং কঞ্জুমেবলশিং অমসুং সর্জিকেল২০৪ ফংলি৷ লৈবাক অসিদা লৈরিবা পি.এম.বি.জে.কে.শিং অসিদা মরু ওইবা হিদাক-লাংথকশিং অমসুং অতোপ্পা পোৎলমশিং খুদম ওইনা ফেস মাক্সশিং অমসুং সেনিতাইজরশিং য়াম্না লাইনা ফংলি৷ পি.এম.বি.জে.পি.গী মখাদা, পি.এম.বি.জে.কে. পুম্নমক্তা খ্বাইদগী ক্বালিতী লৈরিবা এন. ৯৫ ফেসমাক্স য়ুনিৎ অমদা শুপ্নতগী লুপা ২৫দা ফংলি৷

হৌজিক চৎলিবা ফাইনান্সিয়েল চহি ২০২১-২২ অসিগী ১৩.০৫.২০২১ ফাওদা, বি.পি.পি.আই.না লুপা কোতি ৮০.১৮গী মমল ওইগদবা পোৎলমশিং য়োনখিবা অসিনা প্রজাশিংদা চাওরাক্না লুপা কোতি ৫০০রোমগী শেনফম কনবা ঙমখ্রে৷

লোজিস্তিক সিস্তেম অসি হেন্না মপাঙ্গল লৈহল্লি৷ হৌজিক হৌজিক দ্রগশিং থম্নবা অমসুং য়েন্থোক্ননবগীদমক গুরুগ্রাম, গুৱাহাতি অমসুং চেন্নাইদা মোদর্ন ৱেয়রহাউস অহুম মথৌ তৌরি অমসুং মরিশুবা অমনা সুরাততা য়াম্না কন্না শেমগৎলি৷ মখাতানা, মনুং হঞ্জিনবা অমসুং খুঙ্গংগী মফমশিংদা হিদাক-লাংথকশিং সপ্লাই তৌরিবা অসিদা মতেং পাংননবা লৈবাক অসিদা লৈরিবা দিস্ত্রিব্যুতর ৩৭ খনখ্রে৷

কোবিদ-১৯ ক্রাইসিস হৌরকপা মতম ২০২০-২১ চহি অসিদা, প্রধান মন্ত্রী ভারতিয়া জনঔশধি পরিয়োজনা(পি.এম.বি.জে.পি.)না লৈবাক অসিদা মরু ওইবা সর্ভিসশিং পীখি৷  স্তোরশিং লোকদাউন মনুংদা অদুমক হাংখি অমসুং মীয়ামশিংদা হিদাক-লাংথক লেপ্তনা অৱাৎপা অমতা য়াওদনা ফংহনখি৷

পি.এম.বি.জে.পি.গী মখাদা লৈরিবা হিদাক-লাংথক অমগী মমল অসি মকোক থোংবা ব্রান্দেদ মেদিসিন অহুমগী এভরেজ প্রাইসকি য়াম্লবদা ৫০%দা লেপ্পি৷ মরম অদুনা, জন ঔশাধিগী হিদাক-লাংথকশিংগী মমল অসি ব্রান্দেদ ওইবা হিদাক-লাংথকশিং অদুগী মার্কেৎ প্রাইসকী য়ামদ্রবদা ৫০% অমসুং করিগুম্বা কেস খরদা ৮০%দগী ৯০% য়ৌনা হোংই৷

২০২০-২১ শেঞ্জাগী চহি অসিদা, বি.পি.পি.আই.না লোকদাউন অমসুং তেস্তিংগী মতম অসিদা লুপা কোতি ৬৬৫.৮৩গী পোৎলমশিং য়োনবা ঙমখ্রে৷ মসিনা ভারততা লৈরিবা প্রজাশিংগী চাওরাক্না লুপা কোতি ৪০০০গী শেনফম মাংখিগদৌবদগী কনবা ঙমখ্রে৷ বি.পি.পি.আই.না  দিমান্দ য়াম্না লৈরিবা হিদাক-লাংথকশিং খুদম ওইনা ফেস মাক্স, হাইদ্রোক্সি ক্লোরোক্বুইন, পেরাসিতামোল অমসুং এজিথ্রোমাইসিনগী স্তোক মরাং কাইনা থমখি৷ বি.পি.পি.আই.না শেঞ্জাগী চহি ২০২০-২১ অসিদা লৈবাক অসিদা লৈরিবা জন ঔশাধি কেন্দ্র ৭৫০০হেনবগী খুৎথাংদা ফেস মাক্স লাখ ২৫ রোম, সেনিতাইজর য়ুনিৎ লাখ ১.২৫, হাইদ্রোক্সি ক্লোরোক্বুইন তেব্লেত লাখ ১৩৭ অমসুং পেরাসিতামোল তেব্লেত লাখ ৩২৩রোম অহোংবা মমলদা য়োনখি৷ বি.পি.পি.আই.না মরুপ-মপাং ওইরিবা লৈবাকশিং অসিদা য়েন্থোক্ননবগীদমক এক্সতর্নেল এফিয়র্স মন্ত্রালয়দা(এম.ই.এ.) লুপা কোতি ৩০রোমগী মমল ওইগদবা দ্রগশিংসু সপ্লাই তৌখ্রে৷ কোবিদ-১৯  লাইয়েংবদা শিজিন্নরিবা  হিদাক-লাংথক অমসুং ও.তি.সি. পোৎলম কয়া অমা পি.এম.বি.জে.পি. বাস্কেৎতা ফংলি৷

লৈবাক অসিদা লৈরিবা মীওই পুম্নমক্কি (নুপী অমসুং অঙাংশিং য়াওনা) ইম্ম্যুনিতি অসি ফগৎহনবদা মতেং পাংলিবা ন্যুত্রাক্যুতিকেল প্রদক্ত কয়ামরোম প্রধান মন্ত্রী ভারতিয়া জন ঔশাধি পরিয়োজনানা হাপচিনখি৷  হায়রিবা পোৎলম পুম্নমক অসিগী  পি.এম.বি.জে.পি. মমলশিং অসি কৈথেলদা ফংলিবা পোৎলম অদুমক্তগী মমলদগী ৫০%-৯০% হেন্না তাথৈ৷

হৌখিবা চহিদা, লোকদাউনগী মতমদা, প্রধান মন্ত্রী ভার্তিয়া জনঔশধি কেন্দ্রশিং(পি.এম.বি.জে.কে.শিং) অসিনা লৈবাক অসিদা লৈরিবা প্রজাশিংদা ক্বালিতী লৈবা জেনেরিক মেদিসিনশিং অহোংবা মমলদা মীয়ামশিং অসিগী থোংজিনদা ফংহন্দুনা য়াম্না মরু ওইবা সর্ভিসশিং পীখ্রে৷ “স্বাস্থ কি সিপাহি” হায়না খঙনরিবা কেন্দ্রগী ফার্মাসিস্তশিং অসিনা পেসেন্তশিং অমসুং অহল ওইরবা মীওইশিংদা মখোয় মখোয়গী থোংজিলদা হিদাক-লাংথকশিং ফংহনখ্রে৷

******