রেলৱে মন্ত্রালয়
নুমিৎ ২০নিদা ওক্সিজেনগী এম.তি. ১২৬তগী এম.তি. ৭৯০০দা; অহানবা দেলিভরী এপ্রিল ২৪দগী তৌখিবা হৌদুনা রেলৱেজনা রাজ্য ১২দা ওক্সিজেন রিলিফ দেলিভর তৌনবা মখোয়গী ওক্সিজেন এক্সপ্রেস ওপরেসনশিং হেনগৎহনখ্রে
অন্ধ্র প্রদেশকী অহানবা ওক্সিজেন এক্সপ্রেস এল.এম.ও.গী এম.তি. ৪০গা লোইননা নেল্লোর তম্না চৎলি
কেরেলাগী অহানবা ওক্সিজেন এক্সপ্রেস এল.এম.ও.গী এম.তি. ১১৮গা লোইননা ইর্নাকুলম তম্না চৎলি
তামিল নাদুগী অহানবা ওক্সিজেন এক্সপ্রেসনা এম.তি. ৮০ দেলিভর তৌখ্রে
ওক্সিজেন এক্সপ্রেশিংনা লৈবাক অসিদা নুমিৎ খুদিংগী এল.এম.ও.গী এম.তি. ৮০০গী ময়াদা দেলিভর তৌরি
ওক্সিজেন এক্সপ্রেসশিংনা উত্তরাখন্দ, কর্নাতক, মহারাস্ত্র, এম.পি., অন্ধ্র প্রেদেশ, তামিল নাদু, হরিয়ানা, তেলঙ্গনা, পঞ্জাব, কেরেলা, দিল্লী অমসুং য়ু.পি.দা ওক্সিজেন রিলিফ য়ৌহনখ্রে
হৌজিক ফাওবদা মহারাস্ত্রদা এম.তি. ৪৬২, য়ু.পি.দা এম.তি. ২২১০গী ময়াদা, এম.পি.দা এম.তি. ৪০৮, হরিয়ানাদা এম.তি. ১২২৮, তেলঙ্গনাদা এম.তি. ৩০৮, রাজস্থানদা এম.তি. ৭২, কর্নাতক্তা এম.তি. ১২০, উত্তরাখন্দদা এম.তি. ৮০, তামিল নাদুদা এম.তি. ৮০ অমসুং দিল্লীদা এম.তি. ২৯৩৪ হেন্না থাখ্রে
Posted On:
14 MAY 2021 6:51PM by PIB Imphal
অপনবা পুম্নমক মাইয়োক্নদুনা অমসুং অনৌবা পাম্বৈশিং পুথোক্তুনা ইন্দিয়ন রেলৱেজনা লৈবাক অসিদা লৈরিবা তোঙান তোঙানবা রাজ্যশিংদা লিক্বিদ মেদিকেল ওক্সিজেন (এল.এম.ও.) দেলিভর তৌদুনা তেংবাং পীবগী খোঙচৎ মখা চত্থরি। হৌজিক ফাওবদা ইন্দিয়না রেলৱেজনা লৈবাক অসিগী তোঙান তোঙানবা রাজ্যশিংদা তেঙ্কর ৫০০দা এল.এম.ও. এম.তি.৭৯০০ হেন্না দেলিভর তৌখ্রে।
হৌখিবা নুমিৎ খরনি অসিদা ওক্সিজেন এক্সপ্রেসশিংনা লৈবাক অসিদা নুমিৎ খুদিংগী এল.এম.ও.gI এম.তি. ৮০০কী ময়াদা দেলিভর তৌদুনা লাক্লি।
খঙজিনবা য়াবদি ওক্সিজেন এক্সপ্রেসশিংনা নুমিৎ ২০নিগী মমাংদা এপ্রিল ২৪, ২০২১দগী হৌদুনা এল.এম.ও.gI এম.তি. ১২৬গী লোদ অমগা লোইননা মহারাস্ত্রদা মখোয়গী দেলিভরীশিং তৌদুনা হৌদোকখি।
শুপ্নগী নুমিৎ ২০গী মতমদা রেলৱেজনা রাজ্য ১২দা মেদিকেল ওক্সিজেনগী এম.তি. ৭৯০০গী ময়াদা দেলিভর তৌদুনা মখোয়গী ওক্সিজেন এক্সপ্রেসকী ওপরেসনশিং হেনগৎহনখি।
লৈবাক অসি শিনবা থুংনা চৎতুনা ইন্দিয়ন রেলৱেজনা নোংচুপ লোমদা হাপা অমসুং মুন্দ্রা অমদি নোংপোক্তা রাওরকেলা, দুর্গাপুর, তাতানগর, অঙ্গুল অসিগুম্বা মফমশিং অসিদগী ওক্সিজেন লৌখৎতুনা কম্প্লেক্স ওপরেস্নেল রুৎ অমা য়াত্থোক্তুনা উত্তরাখন্দ, কর্নাতক, মহারাস্ত্র, এম.পি., অন্ধ্র প্রদেশ, তামিল নাদু, হরিয়ানা, তেলঙ্গনা, পঞ্জাব, কেরেলা, দিল্লী অমসুং য়ু.পি. রাজ্যশিং অসিদা দেলিভর তৌরি।
ওক্সিজেনগী মতেং অসি য়ারিবা মখৈ অতেনবা মতমগী মনুংদা য়ৌহনবা ঙম্নবা রেলৱেজনা ওক্সিজেন এক্সপ্রেস ফ্রৈৎ ত্রেনশিং চেলহল্লিবা অসিদা অনৌবা স্তেন্দর্দশিং শেম্লি অমসুং অমুক্তা থমখিদ্রিবা বেঞ্চমার্কশিং থম্লি। ক্রিতিকেল ফ্রৈৎ ত্রেনশিং অসিনা অশাংবা লম্বীশিংদা চৎপদা অয়াম্বা কেসশিংদা মখোয়গী খোঙজেলগী চাংচৎ অসি ৫৫গী মথক্তা ওইরি। ওক্সিজেন অদু পীরিবা মতমগী মনুংদা খ্বাইদগী থুনা য়ৌহন্নবা তোঙান তোঙানবা জোনশিংদা লৈরিবা ওপরেস্নেল তীমশিংনা য়াম্না খুদোংথিনীংঙাই ওইরিবা ফীভম অসিদা নুমিৎ চুপ্পা মথৌ তৌদুনা খ্বাইদগী অথুবনি হায়বা ৱাখল্লোন অমগা লোইননা হায় প্রাইওরিতী গ্রীন কোরিদোরদা চেল্লি। তোঙান তোঙানবা সেক্সনশিংদা ক্রিউ শিন্দোক্নবা তেক্নিকেল স্তোপেজশিং অসি মিনিৎ অমদা হন্থহনখ্রে।
ওক্সিজেন এক্সপ্রেসনা খোঙজেল য়াংনা চৎপা ঙম্নবা ত্রেকশিং অসি হাংদোক্তুনা অমদি য়াম্না চেকশিন্নবা এলর্ত ওইহন্দুনা থমখি।
পুম্নমক অসি পাঙথোকপা মতমদা অতৈ ফ্রৈৎ ওপরেসনগী খোঙজেল হন্থহনদনবা মওংদা পাঙথোকখি।
রিলিজ অসি থোক্নবা শেম-শারিঙৈ ফাওবদা অন্ধ্র প্রদেশ অমসুং কেরেলাগী অহানবা ওক্সিজেন এক্সপ্রেস অসি মথং শিৎনবা ওক্সিজেন রিলিফকী এম.তি. ৪০ অমসুং এম.তি. ১১৮গা লোইননা লম্বীদা লৈরি।
তামিল নাদুগী অহানবা ওক্সিজেন এক্সপ্রেসমনা ঙসি অয়ুক এম.তি. ৮০ দেলিভর তৌখ্রে অমসুং অনিশুবা ওক্সিজেন এক্সপ্রেসনা লম্বীদা লৈরি।
খঙজিনবা য়াবদি হৌজিক ফাওবদা ওক্সিজেন এক্সপ্রেস ১৩০না মখোয়গী খোঙচৎ মপুং ফানা লোইশিনখ্রে অমসুং তোঙান তোঙানবা রাজ্যশিংদা রিলিফ য়ৌহনখ্রে।
মথৌ তারিবা রাজ্যশিংদা অতেনবা মতমগী মনুংদা য়ারিবা মখৈ এল.এম.ও. দেলিভর তৌবা ইন্দিয়ন রেলৱেজকী থৌদাংনি।
রিলিজ অসি থোকপা মতম ফাওবদা মহারাস্ত্রদা এম.তি. ৪৬২, য়ু.পি.দা এম.তি. ২২১০, এম.পি.দা এম.তি. ৪০৮, হরিয়ানাদা এম.তি. ১২২৮, তেলঙ্গনাদা এম.তি. ৩০৮, রাজস্থানদা এম.তি. ৭২, কর্নাতক্তা এম.তি. ১২০, উত্তরাখন্দদা এম.তি. ৮০, তামিল নাদুদা এম.তি. ৮০ অমসুং দিল্লীদা এম.তি. ২৯৩৪ হেন্না থাখ্রে।
অনৌবা ওক্সিজেন পুবগী থবক অসি য়াম্না দাইনামিক ওই অমসুং মশিং অসি মতম পুম্বদা অপদেৎ তৌরি। নুমিদাং অথেংনদা লোদ তৌরবা অহেনবা ওক্সিজেন এক্সপ্রেস কয়া মখোয়গী খোঙচৎ হৌরবা য়াই।
রেলৱেজনা ওক্সিজেন সপ্লাই লোকেসনশিংগা লোইননা তোঙান তোঙানবা রুৎশিং মেপ তৌখ্রে অমসুং রাজ্যশিংগী মথৌ তারকপদা চৎনবা শেম শাদুনা থম্লি। রাজ্যশিংদা ইন্দিয়ন রেলৱেজতা এল.এম.ও. পুরক্নবা তেঙ্করশিং পীখ্রে।
****
(Release ID: 1718722)
Visitor Counter : 217