হৌখিবা চহিদগী হৌদুনা “হোল ওফ গভর্নমেন্ত” এপ্রোচকী মখাদা হোস্পিতাল কিয়রদা কোবিদকী অনাবশিং মপুং ফানা মেনেজমেন্ত তৌনবা রাজ্যশিং অমসুং য়ু.তি.শিংনা হোৎনরিবশিং অসিদা ভারত সরকারনা মতেং পাংদুনা লাক্লি। হৌজিক ওইরিবা হোস্পিতাল ইনফ্রাস্ত্রকচর অসি চাউথোকহন্নবা কেন্দ্র সরকারনা ২০২০গী এপ্রিলদগী ভেন্তিলেতরশিং য়াওনা তঙাই ফদবা মেদিকেল দিভাইসশিং সেন্ত্রেলী প্রোক্যুর তৌদুনা রাজ্যশিং/য়ু.তি.শিং/সেন্ত্রেল হোস্পিতালশিং/ইন্সতিত্যুতশিংদা পীরি।

ভারত সরকারনা পঞ্জাবকী ফরিদকোৎতা লৈবা জি.জি.এস. মেদিকেল কোলেজ এন্দ হোস্পিতালদা সপ্লাই তৌখিবা ভেন্তিলেতরশিং (পি.এম. কিয়র্সনা তেংবাংবা) মেন্যুফেকচর্রশিংনা অফতর-সেল্স নীংথিজনা সপ্পোর্ত তৌদবনা মরম ওইদুনা তেক্নিকেলগী অশোইবশিং কোকহনখিদবা অসিনা শিজিন্নদনা তাদুনা লৈরি হায়না মীদিয়া রিপোর্ত খরনা হায়রি। ৱাফম অসিদা মপুং ফাবা ই-পাউ লৈতবনা রিপোর্তশিং অসি অরানবনি।

হৌখিবা চহিদা লাইচৎ অসি হৌরকপা মতমদা লৈবাক অসিগী সরকারগী হোস্পিতালশিংদা ভেন্তিলেতরশিংগী মশিং য়াম্না অকক্ননা লৈরমখি। মসিগী মথক্তা লৈবাক অসিদা ভেন্তিলেতর পুথোকপসু য়াম্না অকক্ননা পুথোক্লমখি অমদি মপাল লৈবাক্কী অয়াম্বা সপ্লাইয়রশিংনা ভারত্তা মশিং য়াম্না ভেন্তিলেতরশিং সপ্লাই তৌবা ঙমলকখিদে। মতম অসিদা লৈবাক অসিগী অচৌবা দিমান্দ অসি থুংহন্নবা অমসুং মখোয়দা তৌরকপা ওর্দরশিং পীবা ঙম্নবা লোকেল মেন্যুফেকচর্রশিংদা “মেক ইন ইন্দিয়া” ভেন্তিলেতরশিং পুথোক্নবা থৌগৎখি। মখোয় অয়াম্বনা অহানবা ওইনা ভেন্তিলেতরশিং পুথোকপা ওইখি। ভেন্তিলেতরগী মোদেলশিং অসি দোমেন নোলেদজ এক্সপর্তশিংগী খুত্থাংদা চেকশিন্না স্ক্রীনিং তৌখি, তেক্নিকেল দেমোনস্ত্রেসন অমসুং ক্লিনিকেল ভেলিদেসন প্রোসেস য়াম্না তেনবা মতমগী মনুংদা চত্থখি অমসুং মখোয়গী অয়াবা য়াওরবা মতুংদা সপ্লাইশিং তৌখি।

ভেন্তিলেতরশিং অসি ফংলবা অদুবু মখোয়গী হোস্পিতালশিংদা ইনস্তোল তৌদ্রিবা রাজ্য খরা লৈ। হৌখিবা থা ৪-৫ অসিদা মখোয়দা ইনস্তোল তৌদনা ভেন্তিলেতর ৫০ হেন্না লৈরিবা অসিগুম্বা রাজ্য তরেৎ অসিদা এপ্রিল ১১, ২০২১দা কেন্দ্রগী হকশেল সেক্রেতরীনা চেরোল থাখ্রে। মখোয়দা অথুবদা ইনস্তোল তৌদুনা ভেন্তিলেতরশিং অসি য়ারিবা মখৈ শিজিন্ননবা খঙহনখ্রে।

পঞ্জাবকী ফরিদকোৎতা লৈবা জি.জি.এস. মেদিকেল কোলেজ এন্দ হোস্পিতালদা এ.জি.ভি.এ.না শাবা ভেন্তিলেতর ৮০গী মনুংদা ৭১ অসি ফঙ্কসন তৌদবা নত্ত্রগা য়াদবগী ফোঙখিবা হন্দক্কী মীদিয়া রিপোর্ত অসিগী মতাংদা ভেন্তিলেতর ৮৮দি ভারত ইলেক্ত্রোনিক লিমিতেদ (বি.ই.এল.)না সপ্লাই তৌখি অমসুং মঙানা এ.জি.ভি.এ.না তৌখিবনি হায়না শেংদোরকখ্রে। মপুং ফাবা ইনস্তোল অমসুং কম্মিসন তৌরবা মতুংদা ভেন্তিলেতরশিং অদু হোস্পিতাল ওথোরিতীশিংনা ফাইনেল এসেপ্তেন্স সর্তিফিকেৎ পীখিবনি।

ফরিদকোৎতা লৈবা জি.জি.এস. মেদিকেল কোলেজ এন্দ হোস্পিতাল (জি.জি.এস.এম.সি.ঐচ.)তা ভেন্তিলেতরশিংগী বল্ক অদু মীদিয়াগী শরুক অমদা য়াদে হায়না ফোঙখিবা অদু য়াদবা লৈতে হায়না বি.ই.এল.না ফোঙদোরকখ্রে। মখোয়গী ইঞ্জিনীয়রশিংনা হায়রিবা মেদিকেল কোলেক অদুদা মমাংদা তাঙ্কক কয়াদা চৎতুনা ৱাকৎলকপশিং অদু কোকহন্নবা খুদক্তা মাইনর ওইনা য়ারক্তবা শেমখি। মখোয়না মফম অদুদা লৈরিবা স্তাফ অদুদা হঞ্জিন-হঞ্জিন্না ভেন্তিলেতরশিং অদুগী ফঙ্কসন তৌবগী মওং দেমোনস্ত্রেসনশিং তৌখি।

জি.জি.এস.এম.সি.ঐচ.তা সেন্ত্রেল ওক্সিজেন গ্যাস পাইপলাইনশিংদা মথৌ তাবা প্রেসর লৈতবা য়াওনা মফম অসিগী লৈরিবা ইনফ্রাস্ত্রকচরদা সমস্যাশিং লৈবা/য়াদবা য়াওবা থেংনখি। মখা তানা, পীরিবা কাংলোনশিং অদুগী মতুং ইন্না হোস্পিতাল ওথোরিতীশিংনা ফ্লো সেন্সরশিং, বেক্তরিয়া ফিল্তরশিং অমসুং ঐচ.এম.ই. ফিল্তরশিং অসিগুম্বা কঞ্জুমেবলশিং শিন্দোক্লমদে নত্ত্রগা হায়রিবা মরু ওইবা কঞ্জুমেবল আইতেমশিং অসি য়াওদনা ভেন্তিলেতরশিং শিজিন্নরম্মি। গ্যাস প্রেসর নীংথিজনা থম্বা (এয়র প্রেসর অমসুং ওক্সিজেন প্রেসরগী মরক্তা লৈরিবা খেৎনবা অসি পি.এস.আই. ১০দগী হেনবা য়াদে) অমসুং কঞ্জুমেবলশিং নীংথিজনা শিজিন্নবা অসি তঙাই ফদে, মসি য়াওদ্রবদি সি.ভি.২০০ ভেন্তিলেতরশিং অসি মথৌ মপুং ফানা তৌরোই।

মখা তানা, বি.ই.এল. ইঞ্জনীয়রশিংনা অমুক হন্না ঙসি (মে ১২, ২০২১) জি.জি.এস.এম.সি.ঐচ.তা চৎখ্রে অমসুং কঞ্জুমেবল খরা শিনদোকপা খক্তনা ভেন্তিলেতর মঙা ফঙ্কসন তৌবা য়াহনখ্রে অমদি জি.জি.এস.এম.সি.ঐচ. ওথোরিতীশিংদা মপুং ফানা মথৌ তৌবা য়ারে হায়বা অদু দেমোনস্ত্রেৎ তৌখ্রে, অসুম্না মখা তানা করিগুম্বা নিয়ম চুম্না ওপরেৎ তৌরবদি ভেন্তিলেতরশিং অসিনা মথৌ নীংথিজনা তৌগনি হায়বা উৎপা ঙমখ্রে।

য়ুজর মেন্যুএলদা পীখিবা ইনস্ত্রক্সনশিং অদুগী মথক্তা ভেন্তিলেতর য়ুজর পুম্নমক্তা ইনফ্রাস্ত্রকচরদা মথৌ তাবশিং, সি.ভি.২০০ ভেন্তিলেতরশিং নীংথিজনা শিজিন্নবা অমসুং মেন্তেনেন্সকী মতাংদা ৱারোল শুনা য়াওরবা ইনস্ত্রক্সনশিং অমসুং গাইদলাইনশিংসু পীখি। অদুম ওইনমক পঞ্জাবকী অয়াম্বা হোস্পিতালশিং/মেদিকেল কোলেজশিংনা মসি ঙাক্না চৎতে। মখোয়না মসিগী মহুৎ ভেন্তিলেতরশিং ফঙ্কসন তৌদ্রে হায়না য়ুম্ফম য়াওদবা সমস্যাশিং পুখৎলক্লি।

লাইচৎকী ওইরিবা ফীভম অসিদা ভেন্তিলেতরগী মথৌ তাবা থুংহন্নবা রাজ্য অসিগী মথৌ তাবা তেক্নিকেল সপ্পোর্ত পুম্নমক মখা তানা বি.ই.এল.না পীখিগনি হায়না শেংদোরকখ্রে।

মসিগী মথক্তা রাজ্যশিং অমসুং য়ু.তি.শিংদা মে ৯, ২০২১দা কেন্দ্রগী হকশেল মন্ত্রালয়না অমুক হন্না ভেন্তিলেতর মেন্যুফেকচর্রশিংগী হেল্পলাইন নম্বরশিং মখোয়দা খঙহনখি হায়রিবা অসি স্তিকর ওইনসু ভেন্তিলেতরশিং অদুদা য়াওরি। মসিগী মথক্তা রাজ্যশিং/য়ু.তি.শিংগী মরী লৈনবা নোদেল ওফিসরশিং, য়ুজর হোস্পিতালশিংগী মীহুৎশিং অমসুং মেন্যুফেকচর্রশিংগী তেক্নিকেল তীমশিংগা লোইননা শেম্বা রাজ্য-রাজ্যগী ৱাতসএপ গ্রুপশিংদা রিএল তাইম ওইনা তেক্নিকেলগী ওইবা সমস্যা অমা হেক্তা কোকহন্নবা অমুক হন্না ই-পাউ পীখ্রে। রাজ্যশিং/য়ু.তি.শিংদা মেন্যুফেকচর্রশিং অসিগী দেদিকেতেদ ইমেল আই.দি.শিংসু সিয়র তৌখ্রে।

*****