অৱাবা কয়া মায়োক্নরিবা অসিগী অনৌবা পাম্বৈ অমা ওইনা, ইন্দিয়ন রেলৱেনা অৱাবা অসি কোক্নবা লৈবাকসিগী স্তেত কয়াদা  লিক্বিদ মেদিকেল ওক্সীজেন (এল.এম.ও.) পীনবগী খোঙচৎ চৎথরি। হৌজিক ফাওবদা, ইন্দিয়ন রেলৱেনা লৈবাক অসিগী স্তেত কয়া অমদা তেঙ্কর ৩৯৬ হেন্না চাওরাকনা এল.এম.ও. মেত্রীক তন ৬২৬০ য়ৌহনখ্রে।

ঙরাং ওক্সীজেন এক্সপ্রেস্না চাওরাকনা এল.এম.ও. মেত্রীক তন ৮০০ রোম লৈবাক অসিদা য়েন্থোকখ্রে।

হৌজিক ফাওবদা ওক্সীজেন এক্সপ্রেস ১০০ মখোয়গী পন্থুং য়ৌখ্রে অমসুং স্তেত কয়া অমদা মতেং পীখ্রে।

স্তেতশিংনা হায়জরকপগী মতুং ইন্না এল.এম.ও. অথুবা মতমদা য়ারিবমখৈ য়ৌহনখিবা অসি ইন্দিয়ন রেলৱেগী হোৎনমলনি।  

হৌজিক ফাওবদা, মহারাস্ত্রদা মেত্রীক তন ৪০৭ থাখ্রে, য়ু.পি.দনা চাওরাক্না মেত্রীক তন ১৬৮০, এম.পি.দনা মেত্রীক তন ৩৬০, হারিয়ানাদনা মেত্রীক তন ৯৩৯, তেলঙ্গনাদনা মেত্রীক তন ১২৩, রাজস্থান্দনা মেত্রীক তন ৪০, কর্নাতকাদনা মেত্রীক তন ১২০ অমসুং মেত্রীক তন ২৪০৪ হেনবা অমনা দিল্লীদা থাখ্রে।

উত্তরাখন্দা অহানবা ওক্সীজেন এক্সপ্রেস অসি ঝরখন্দা লৈবা তাতানগরদগী ওক্সীজেন মেত্রীক তন ১২০ ঙরাং নুমিদাং য়ৌহনখ্রে।

ওক্সীজেন মেত্রীক তন ৫৫গা লোয়ননা অঙ্গুল (ওরিশা)দগী পুনেদা ওক্সীজেন এক্সপ্রেস ঙরাং নুমিদাং য়ৌহনখ্রে।

অনৌবা ওক্সীজেন পীবা অসি য়াম্না খুমাং চাওশিনবা অমনি অমসুং মসিনা মতম অয়াম্বদা অপদেৎ তৌরি। লোদেৎ তৌরবা ওক্সীজেন এক্সপ্রেস ঙসি নুমিদাংদা মখোয়গী খোঙচৎ হৌরবা য়ারি।    

****