মন্ত্রীমন্দল

মন্ত্রী-মন্দলনা প্রদক্তিব লিঙ্ক ইন্সেন্তিব স্কীম “নেস্নেল প্রোগ্রাম ওন এদভান্স কেমেস্ত্রী সেল বেত্তরী স্তোরেজ” অয়াবা পীখ্রে

Posted On: 12 MAY 2021 3:29PM by PIB Imphal

প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা মন্ত্রী-মন্দল মীফমনা আউৎলে লুপা করোর ১৮,১০০গা লোইননা এ.সি.সি.গী গীগা ৱাত আৱর (জি.দবল্যু.ঐচ.) য়াংখৈ (৫০) অমসুং “নিচ” এ.সি.সি.গী জি.দবল্যু.ঐচ. ৫ পুথোকপা ঙমম্নবগীদমক্তা প্রদক্তিব লিঙ্ক ইন্সেন্তিব (পি.এল.আই.) স্কীম ‘নেস্নেল প্রোগ্রাম ওন এদভান্স কেমেস্ত্রী সেল (এ.সি.সি.) বেত্তরী স্তোরেজ’ ইমপ্লিমেন্ত তৌনবগীদমক দিপার্তমেন্ত ওফ হেভী ইন্দস্ত্রীগী প্রপোজেল অয়াবা পীখ্রে।

এ.সি.সি.শিং অসি ইলেক্ত্রিক ইনর্জীবু ইলেক্ত্রোকেমিকেল ওইনা নত্ত্রগা কেমিকেল ইনর্জী ওইনা থম্বা ঙম্বা অমসুং মসি ইলেক্ত্রিক ইনর্জী ওইনা অমসুং মথৌ তারকপদা ওন্থোকপা ঙম্বা এদভান্স স্তোরেজ তেক্নোলোজীশিংগী অনৌবা জেনরেসন অমনি। লাক্কদৌরিবা চহিশিংদা মরু ওইবা বেত্তরী  কঞ্জুমিং সেক্তরশিং ওইরিবা কঞ্জুমর ইলেক্ত্রোনিক্স, ইলেক্ত্রিক ভেহিকলশিং, এদভান্স ইলেক্ত্রিসিতী গ্রিদশিং, সোলর রুফতোপ অসিনচিংবদা চাউনা খুমাং চাউশিল্লবা য়াই হায়না পান্নরি। মাংজিল থারিবা বেত্তরী তেক্নোলোজীশিংনা মালেমগী খ্বাইদগী চাউবা গ্রোথ সেক্তর খরা কন্ত্রোল তৌবা ঙম্লগনি হায়না পান্নরি।

মালেমগী লৈরিবা চাংশিং অসিগা চাংদম্নবা মতমদা ফেসিলিতীশিং অসিগী কেপাসিতীশিং য়াম্না পীকচরবসু কম্পনী কয়ানা বেত্তরী পেকশিংদা ইনভেস্ত তৌবা হৌরবসু ভেল্যু এদিসনগা লোইননা ভারতকী এ.সি.সি.শিংগী মেন্যুফেকচরিংদা ইনভেস্ত তৌরিবা অসি য়ামদ্রি। এ.সি.সি.শিংদা দিমান্দ পুম্নমক অসি ভারত্তা ইম্পোর্তশিং তৌবগী খুত্থাংদা হৌজিক থুংহল্লি। নেস্নেল প্রোগ্রাম ওন এদভান্স কেমেস্ত্রী সেল (এ.সি.সি.) বেত্তরী স্তোরেজনা ইম্পোর্ত তৌদুনা মীপাল তাংলিবা অসি হন্থহল্লগনি। মসিনা আত্মানির্ভর ভারতকী থৌরাংশিংসু শৌগৎকনি। এ.সি.সি. বেত্তরী স্তোরেজ মেন্যুফেকচর্রশিং অসি ত্রান্সপরেন্ত ওইবা কম্পিতিতিব বিদ্দিং প্রোসেস অমগী খুত্থাংদা খনগনি। মেন্যুফেচরিং ফেসিলিতী অসি চহি অনিগী মতমগী মনুংদা কম্মিসন তৌগদবনি। ইন্সেন্তিবনা অসি মসিগী মতুংদা চহি মঙাগী মতমগী ওইনা কাইথগনি।

ইন্সেন্তিবকী শেনফম অসি অখন্নবা ইনর্জী দেন্সিতী অমসুং সাইকলশিং হেনগৎলকপা অমসুং লোকেল ভেল্যু এদিসন হেনগৎলকপা অসিগা লোইননা হেনগৎলক্কনি। খনগৎলবা এ.সি.সি. বেত্তরী স্তোরেজ মেন্যুফেকচর্র অমমমনা য়ামদ্রবদা জি.দবল্যু.ঐচ মঙা (৫) কী কেপাসিতী লৈবা এ.সি.সি. মেন্যুফেকচরিং ফেসিলিতী অমা লিংখৎপা তাই অমসুং চহি মঙাগী মতমগী মনুংদা প্রোজেক্ত লেবেলা য়ামদ্রবদা চাদা ৬০গী দোমেস্তিক ভেল্যু এদিসন থুংহনবা ঙমগদবনি। মখা তানা বেনিফিসরী ফর্মশিং অদুনা য়ামদ্রবদা চাদা ২৫গী দোমেস্তিক ভেল্যু এদিসন অমা ফংবা ঙম্বা তাই অমসুং চহি ২গী মনুংদা জি.দবল্যু.ঐচ অমদা লুপা করোর ২২৫কী মেনদতরী ইনভেস্তমেন্ত ইনকর তৌবা তাই (মাদর য়ুনিৎ লেবেলদা) অমসুং ইন্তিগ্রেতেদ য়ুনিৎ অমগী ওইনা মাদর য়ুনিৎতা নত্ত্রগা “হব এন্দ স্পোক” স্ত্রকচরগী ওইনা প্রোজেক্ত লেবেলদা চহি ৫গী মনুংদা দোমেস্তিক ভেল্যু এদিসন চাদা ৬০দা হেনগৎহনগদবনি।

স্কিম অসিদগী ফংগনি হায়না পানরিবশিং কান্নবশিং অদুদি মখাদা পীরি:

i.      প্রোগ্রাম অসিগী মখাদা ভারত্তা এ.সি.সি. মেন্যুফেকচরিং ফেসিলিতী পুন্না জি.দবল্যু.ঐচ. ৫০ লিংখৎপা।  

ii.     এ.সি.সি. বেতরী স্তোরেজ মেন্যুফেকচরিং প্রোজেক্তশিংদা চাওরাক্না লুপা করোর ৪৫,০০০ হকথেংননা ইনবেস্ত তৌবা।

iii.    ভারত্তা বেতরী স্তোরেজগী দিমান্দ ক্রিএসন ফংহনবা। 

iv.    মেক-ইন-ইন্দিয়া ফংহনবা: দোমেস্তিক ভেল্যু-কেপচরদা অহেনবা মীৎয়েং চংদুনা ইম্পোর্ততা মীপান তাংবা হন্থহনবা।

v.     প্রোগ্রাম অসিগী মখাদা পুথোক্লিবা এ.সি.সি.শিং অসিনা ই.ভি. শিজিন্নবা হেনগৎহনগনি হায়বগী থাজবগা লোইননা প্রোগ্রাম অসিগী মনুংদা ই.ভি. শিজিন্নবনা মরম ওইদুনা ওইল ইম্পোর্ত বিল হন্থরকপদগী ভারতকী ওইনা পুন্না লুপা করোর ২,০০,০০০দগী লুপা করোর ২,৫০,০০ ফাওবা কনবা ঙমখ্রে। 

vi.    এ.সি.সি.শিং শাবনা পোলুসন কাহেন্না হন্থবা ই.ভি.শিংগী দিমান্দ ফংহল্লগনি। ভারতনা অচৌবা রিন্যুএবল ইনর্জী এজেন্দা অমা পাইখৎপা ওইনা এ.সি.সি প্রোগ্রাম অসিনা ভারতনা মালেমগী অইং অশা হোংবদা লান্থেংনরিবা অসিগী মখাদা ভারতকী গ্রীন হাউস গ্যাস (জি.ঐচ.জি.) হন্থনবা হোৎনরিবা অসিদা মতেং পাংগদবা মরুওইবা ফেক্তর অমা ওইরগনি।  

vii.    চহি খুদিংগী চাওরাক্না লুপা করোর ২০,০০০গী ইম্পোর্ত মহুৎ শিনবা।  

viii.   এ.সি.সি.দা অৱাংবা অখন্নবা ইনর্জী দেন্সিতী অমসুং সাইকলশিং ফংনবা রিসর্চ অমসুং দিভেলপমেন্ত হেনগৎহনবা।

ix.    অনৌবা অমসুং মতিক চাবা সেল তেক্নোলোজীশিং প্রমোৎ তৌবা।

******



(Release ID: 1718131) Visitor Counter : 30