পি.এম.-কেয়র্স ফন্দনা লুপা করোর ৩২২.৫ চঙদুনা ওক্সীকেয়র সীস্তেম য়ুনিৎ ১,৫০,০০০ লৈবগী অয়াবা পীখ্রে। হায়রিবা অসি খঙলবা এস.পি.ও.২ লেভেলগী ভেল্যুদা য়ুম্ফম ওইরগা অনাবশিংদা ওক্সীজেন পীবগী কাংলোন শেননবা দি.আর.দি.ও.না পুথোকপা মপুং-ফারবা পথাপ অমনি।

পথাপ অসি শিজিন্নবা য়াবা থৌওং অনিদা পুথোকপনি। মসিগী বেসিক ভর্জন অসিদা লিতর ১০গী ওক্সীজেন সিলিন্দর, প্রেসর রেগ্যুলেতর অমসুং ক্লো কন্ত্রোল্লর অমা, হ্যুমিদিফাইয়র অমা অমসুং নেজেল কেন্ন্যুলা অমা য়াওই। ওক্সীজেন থাবগী চাং অসি এস.পি.ও.২গী ভেল্যুদা য়ুম্ফম ওইরগা মীওই অমনা শেন্নগদবনি। মসিগী অতোপ্পা ইন্তেল্লিজেন্ত ওইবা মখলদনা বেসিক ভর্জন্দা য়াওইরিবা খুদিংমক্কী অহেনবা ওইনা লো প্রেসর রেগ্যুলেতর অমগী খুত্থাংদা ওক্সীজেন মথন্নতা থাজিনবা য়াহন্নবা ওতোমেতিক রিগ্যুলেসন সীস্তেম অমা, ইলেক্ত্রোনিক কন্ত্রোল সীস্তেম অমসুং এস.পি.ও.২ প্রোবসু য়াওই।

এস.পি.ও.২দা য়ুম্ফম ওইবা ওক্সীজেন কন্ত্রোল সীস্তেমনা অনাবগী এস.পি.ও.২দা য়ুম্ফম ওইদুনা ওক্সীজেন শিজিন্নবগী চাংবু নীংথিনা শেন্নদুনা পোর্তেবল ওক্সীজেন সিলিন্দরগী মথৌ তৌবা ঙম্বগী চাং হেনগৎহল্লি। পথাপ অসিদগী ওক্সীজেন থাজিনবা হৌবা য়াবগী থ্রেসহোল্দ ভেল্যুদি হেল্থ স্তাফ অমনা শেমগদবনি অমসুং সীস্তেম অসিনা এস.পি.ও.২গী চাংবু লেপ্তনা য়েংশিন্দুনা দিস্প্লে তৌগনি। মসিনা অনাবদা ওক্সীজেন থাজিনবদা চাং নাইনা শেন্নবা অমসুং চাং ওনবগী থবকশিং কান্থোক্তুনা হেল্থকেয়র পীরিবা মীওইশিংদা থবক অমসুং লাইনা নাবা য়াবগী চাং হন্থহন্দুনা তেলে-কন্সল্ৎ তৌবসু য়াহনগনি। ওতোমেতিক সীস্তেম অসিনা এস.পি.ও.২গী ভেল্যু নেমথরকপা অমসুং প্রোব নাথোকপা য়াওনা মথৌ তৌবদা অশোইবা থোক্লকপগী মতাং কয়াদা চুনবা খোঞ্জেলগী চেকশিনৱা কয়া খঙহনবগী খুদোংচাবসু পীগনি। মসিগী ওক্সীকেয়র সীস্তেম অসি য়ুম, ক্বারেন্তাইন সেন্তর, কোবিদ কেয়র সেন্তর অমসুং হোস্পিতালশিংদা শিজিন্নবা য়াগনি।

পুম্নমক অসিগী অহেনবা ওইনা, ওক্সীকেয়র সীস্তেম অসিদা নন-রিব্রীথর মাস্ক (এন.আর.এম.)সু মশাগী য়াওজদুনা লাক্কনি অমসুং মসিনা ওক্সীজেন নীংথিজনা শিজিন্নহন্দুনা ৩০-৪০%গী চাংদা ওক্সীজেন কনবা ঙমগনি।

দি.আর.দি.ও.না ভারত শিনবা থুংবদা শিজিন্ননবা ওক্সীকেয়র সীস্তেম পুথোক্কদবা ইন্দস্ত্রী কয়াদা তেক্নোলোজী শিন্নখ্রে।

হৌজিক লৈরিবা মেদিকেলগী কাংলোনগী মতুং ইন্না শাথীনা নারবা কোবিদ-১৯গী অনাবশিংদা ওক্সীজেন থেরাপী শিজিন্নবগী থৌওং য়াওরি। হৌজিক লৈরিবা ওক্সীজেন পুথোকপা, পুথোক-পুশিন তৌবা অমসুং থম্বগী ফীভম অসিদা ওক্সীজেন সিলিন্দরশিং অসিনা য়াম্না কান্নবা পী হায়বা খঙলে। হৌজিক্কী লাইচৎকী ফীভম অসিদা মীওই কয়া অমনা ওক্সীজেন থেরাপীগী তঙাই ফদবা লৈরক্লিবা অসি য়েংলুরগদি, ওক্সীজেন পীবগী পথাপ অমখক্তং শিজিন্নবা অসি চুনবা খরা ৱাৎলি। মসিগী মরমদি ঐখোয়গী তঙাইফদবা পোৎলম অসিবু শারিবা মেন্যুফেকচরিং প্লান্ত খুদিংমক মখোয়গী খ্বাইদগী ঙমজবা চাংদা থবক তৌদুনা লৈরিবা অসিননি। মরম অদুনা, হৌজিক লৈরিবা ফীভম অসিবু থেংনবা ঙম্নবগীদমক্তা অতোপ্পা পথাপশিংসু য়াওনা পুন্না শিজিন্নমিন্নবনা অহেনবা কান্নবা কয়া পীগনি। লৈবাক অসিগী হৌজিক লৈজরিবা কার্বোন-মেঙ্গানীজ স্তীল সিলিন্দর শাবশিংগী মশিং য়াম্না অকক্নবা ওইবনিনা, দি.আর.দি.ও.না অতোপ্পা পাম্বৈ অমা ওইনা হৌজিক শিজিন্নরিবা ওক্সীজেন সিলিন্দরশিংগী লায়না মহুৎ শিনবা য়াবা অয়াংবা মেতরিএলনা শাবা পোর্তেবল সিলিন্দর শিজিন্নবগী ৱাহৌদোক অমা পুথোরকখিবনি।

*****