মন্ত্রীমন্দল

এরিএল পেসেঞ্জর রোপৱে সিস্তেম শেমগৎননবগীদমক আই.তি.বি.পি.গী লম উত্তরখন্দ সরকারদা পীননবা কেবিনেৎনা এপ্রুব তৌখ্রে

Posted On: 12 MAY 2021 7:22PM by PIB Imphal

প্রধান মন্ত্রী শ্রী নরেন্দ্র মোদিনা সভাপতি ওইদুনা ফমখিবা কেবিনেৎনা দেহরাদুন অমসুং মুসোরিগী মরক্তা ইনফ্রাস্ত্রকচর প্রোজেক্ত মমিং ওইনা হায়রবদা “এরিএল পেসেঞ্জর রোপৱে সিস্তেম” শেমগৎননবগীদমক  মুসোরিদা লৈরিবা ইন্দো-তিবেতান বোর্দর পুলিস(আই.তি.বি.পি.)কী স্ক্যের মিতর ১৫০০ পাক চাওরিবা লম অসি উত্তরখন্দ সরকারদা পীথোক্নবা এপ্রুব তৌখ্রে৷

প্রপোস তৌরক্লিবা রোপৱে অসি পব্লিক প্রাইভেৎ পার্তনরশিপ(পি.পি.পি.) মোদকী মখাদা দাইরেক্সন অমদা পুং অমদা মীওই ১০০০ পুবা ঙম্বগী কেপাসিতী লৈদুনা চাওরাক্না লুপা কোতি ২৮৫রোম চংনা দেহরাদুনগী পুর্কুল গাউন (লৱর তর্মিনেল স্তেসন)অমসুং মুসোরিগী লাইব্রেরী (অপ্পর তর্মিনেল স্তেসন)মরক্তা মিতর ৫৫৮০ শাংনা শেম্লিবা মোনো-কেবল রোপৱে অমনি৷ মসিনা দেহরাদুনদগী মুসোরি ফাওবগী রোদ রুততা লৈরিবা ত্রাফিক ফ্লো অদু হন্থহল্লগনি৷

অসিগীসু মথক্তা, মসিনা মীওই ৩৫০ হকথেংননা থবক ফংহল্লগনি অমসুং মীওই ১৫০০ হেনবদা ইন্দাইরেক্লি থবক ফংহল্লগনি৷ থবক অসি মপুং ফানা লোইশিল্লবা মতুংদা, রোপৱে অসি তুরিস্তশিংগী খ্বাইদগী পুক্নিং চিংশিনফম ওইরগনি অমসুং মসিনা রাজ্য অসিগী তুরিজম ইন্দস্ত্রীদা কা হেন্না কান্নবা পীরগনি অমসুং তুরিজম সেক্তরদা মীওই কয়া থবক হেন্না ফংহন্নবগী খুদোংচাবশিং পীরগনি৷

*****



(Release ID: 1718088) Visitor Counter : 220


Read this release in: English , Urdu , Hindi , Marathi , Bengali , Assamese , Punjabi , Gujarati , Odia , Telugu , Kannada , Malayalam