ভারতনা আর্কতিক রিজিন্দা রিসর্চ তৌবা অমসুং মতেং পীনবগী মতাংদা খন্নরিবা মালেমগী ওইবা ফম্পাক - ৩শুবা আর্কতিক সাইন্স মিনিস্ত্রিএল (এ.এস.এম.৩)দা শরুক য়ারি (মে ৮-৯, ২০২১)।

সাইন্স অমসুং তেক্নোলোজী, হকশেল অমসুং য়াইফ-য়ুম্বাল অমসুং অর্থ সাইন্সেসকী কেন্দ্রগী মন্ত্রী দা. হর্শ বর্ধন্না স্তেকহোল্দরশিংগা লোইননা আর্কতিক রিজনদা তৌরিবা রিসর্চ, থবক অমসুং মতেং পীনরিবা অসিগী মতাংদা ভারতকী অশানবা মীৎয়েং অমসুং মতম শাংনা চৎকদবা থৌরাংশিং সিয়র তৌখ্রে। মহাক্না ওবজর্বেস্নেল সিস্তেমশিং মপাঙ্গল কনখৎহন্নবা অমসুং লৌশিং হেনগৎহন্নবা দেতা সিয়র তৌনবগীদমক চুংশিনবা অসি তরাম্না ওকখ্রে। দা. হর্শ বর্ধন্না হায়, “ভারতনা ওবজর্বেসন, রিসর্চ, কেপাসিতী বিল্দিংগী খুত্থাংদা সিয়র্দ অন্দর্স্তেন্দিং চেৎশিনহনবদা লোইননা ইন্তরনেস্নেল কোওপরেসনগী খুত্থাংদা রিজন অসিগী সস্তেনেবল দিবেলপমেন্ত থৌগৎপদা মরু ওইবা থৌদাং অমা মখা তানা লৌরগনি”। মহাক্না ভারত্তা মথংগী নত্ত্রগা তুংদা লাক্কদবা এ.এস.এম.গী য়ুম্বু ওইনবগী খুদোংচাবা অমা পীবিনবা অপাম্বা ফোঙদোকখ্রে।

ভারতনা ইন-সিত্যু অমসুং রিমোৎ সেন্সিং অনিমক্না আর্কতিক্কী ওবজর্বিং সিস্তেমদা মতেং পীনবা মাগী থৌরাংশিং সিয়র তৌখ্রে। লৈবাক অসিনা আর্কতিক্তা অপ্পর ওসিন ভেরাইএবলশিং অমসুং মরাইন মেতিওরোলোজিকেল পেরামিতরশিং মতম শাংনা মোনিতর তৌনবা ওপন ওসিন মোরিং দিপ্লোই তৌগনি। য়ু.এস.এ.গা চুংশিন্নদুনা এন.আই.এস.ই.আর.(নসা-ইস্রো সীন্থেতিক অপর্চর রেদর) সেতলাইৎ মিসন লোঞ্চ তৌনবা থবক পাইখৎলি। এন.আই.এস.ই.আর.না এদভান্স রেদর ইমাজিং শিজিন্নদুনা লেন্দ সর্ফেসশিংদা অহোংবশিং লাকপগী মরম অমসুং ফলশিংগী গ্লোবেল মিজর্মেন্ত তৌনবা পান্দম থমখি। ভারতনা সস্তেন্দ আর্কতিক ওবজর্বেসনেল নেৎৱার্ক (এস.এ.ও.এন.)দা মখা তানা মতেংশিং পীখিগনি।

অহানবগী মীফম অনি –এ.এস.এম.১ অমসুং এ.এস.এম.ই.২- মথং শিৎনবা ২০১৬দা য়ু.এস.এ.দা অমসুং ২০১৮দা জর্মনীদা পাঙথোকখি। আইসলেন্দ অমসুং জপান্না পুন্না পাঙথোকপা এ.এস.এম.৩ অসি এসিয়াদা পাঙথোকপা অহানবা মিনিস্ত্রিএল মীফম ওইরি। মীফম অসি আর্কতিক রিজনগী মরমদা পুন্না খঙবা হেনগৎনবা, লেপ্তনা মোনিতর তৌবদা মীৎয়েং চংনবা অমসুং থবক পাইখৎনবা অমদি ওবজর্বেসনশিং কনখৎহন্নবা একাদেমিয়া, ইন্দিজিনস কম্ম্যুনিতী, সরকারশিং অমসুং পোলিসীমেকরশিং য়াওনা তোঙান তোঙানবা স্তেকহোল্দরশিংদা খুদোংচাবশিং পীনবা দিজাইন তৌখিবনি।  চহি অসিগী থীম ‘নোলেদজ ফোর এ সস্তেনেবল আর্কতিক’না ওইরি।

আর্কতিক ৱার্মিং অমসুং উন মহী লাংথোরকপা অসি মালেমগী ওইবা নুংনাংবা পোক্নিংঙাই ওইরি মরমদি মখোয়না অইং-অশাদা অহোংবা লাকপা, সমুদ্রগী ইমাংশিং অমসুং বাইওদাইভসিতী ঙাক্তুনা থম্বদা মরু ওইবা থৌদাং অমা লৌরি। মসিগী মথক্তা আর্কতিক অমসুং ইন্দিয়ন ওসিনগী মরক্তা মরী লৈনৈ হায়বগী খুদম ফংলি (ভারতকী নোংজু-নুংশা মোদ্যুলেৎ তৌবা)। মরম অসিনা ফিজিকেল প্রোসেসশিং খঙবা হেনগৎপা অমসুং আর্কতিক্কী উন মহী লাংথোকপনা ভারতকী কালেনগী নোংজুদা শাফু পীরিবা অসি ক্বান্তিফাই তৌবা হেনগৎপা অসি য়াম্না মরু ওইরি।

২০১৩দগী হৌনা ভারতনা অতৈ লৈবাক তরা-নিথোই (জপান, চীনা, ফ্রান্স, জর্মনী য়ু.কে., ইতালী, স্বিৎজর্লেন্দ, পোলেন্দ, স্পেন, নীদরলেন্দস, সিঙ্গাপুর অমসং খা কোরিয়া) অসিগা লোইননা আর্কতিক কাউন্সিলদা ‘ওবজর্বর’ স্তেতস ফংলি। আর্কতিক কাউন্সিল অসি সস্তেনেবল দিবেলপমেন্ত অমসুং আর্কতিক্তা অকোইবগী ফীভম ঙাক শেনবদা কোওপরেসন, কোওর্দিনেসন অমসুং ৱারী ৱাতাই শাবা থৌগৎনবা অৱাংবা থাক্কী ইন্তরগভর্নমেন্তেল ফোরম অমনি। আর্কতিক কাউন্সিলগী শরুক অমা ওইনা শাফবা, স্তেবল ওইবা অমসুং সেক্যুর ওইবা আর্কতিক ওইহন্নবা অফবা কোওপরেতিব পার্তনরশিপশিং দিবেলপ তৌনবা মালেমগী ওইনা কুপ্না খন্নরিবশিং অসিদা ভারতনা শরুক য়ারি।

ভারতনা আর্কতিক্কা লোইননা থবক তৌরকপা অসি পেরিসতা স্বালবার্দ ত্রীৎতী খুৎয়েক পীখিবগা লোইননা ১৯২০দগী হৌখি। ২০০৮গী জুলাইদগী হৌদুনা নোর্ৱেগী স্বালবার্দ এরিয়াগী এনৱাই-ওলেসন্দদা লৈবা হিমাদরী কৌবা ভারতকী পর্মনেন্ত রিসর্চ স্তেসন অমা আর্কিক্তা লৈ। ২০১৪গী জুলাইদগী হৌদুনা কোংসজোর্দন ফিয়োর্দতা ইন্দআর্ক কৌবা মল্তি-সেন্সর মূর্দ ওবজর্বেতরী অমসু দিপ্লোই তৌখি। আর্কতিক রিজন্দা ভারতকী রিসর্চ তোরিবা অসি ভারতসরকারগী অর্থ সাইন্সেস মন্ত্রালয়গী মখাদা গোৱাগী নেস্নেল সেন্তর ফোর পোলর এন্দ ওসিন রিসর্চ (এন.সি.পি.ও.আর.)না মতেং পীখি, পাঙথোকখি অমসুং থৌগৎখি।

****