কোবিদ১৯গী মায়োক্তা লেপ্পা লৈতনা লান্থেংনবা অসিদা রেলৱেজ ওফিসিএলশিং অমসুং তীমশিংনা মতম চানা অমসুং মতেং পাংনদুনা থবক পাইখৎপগী খুত্থাংদা স্তেৎ হেল্থ ওথোরিতীশিং অমসুং এদমিনিস্ত্রেসনশিংদা মতেং পীনবা মখা তানা চংশিল্লি। কুপ্না য়েংশিনবা অমসুং ৱারোল শুনা য়াওরবা ৱার্ক-ফ্লো প্রোতোকোলশিংগী খুত্থাংদা রেলৱেজনা রাজ্যশিংগী মথৌ তারকপগী মতুং ইন্না লৈবাক অসিগী তোঙান তোঙানবা শরুকশিংদা আইসোলেসন কোচশিং থাবা ঙমখি। প্লেৎফোর্মশিংদা খামদুনা লৈরিবা আইসোলেসন কোচশিং অসি মপুং ফানা বেরিকেদ তৌখি, মেক-শিফ তেন্তশিং পীখি অমসুং মফম অসিদা মথৌ তৌরিবা মেদিকেল পর্সনেলগী মতেং পাংনবা থবক খুদিংমক পাইখৎলি।  পি.পি.ই. কিৎশিং হোংদোক-হোংজিন তৌনবা পর্মনেন্ত ওইবা ফেসিলিতীশিং লৈরবা মফমদা রেলৱেজনা নুপা অমসুং নুপী হেল্থকিয়র পর্সনেলগীদমক দেদিকেতেদ কোচশিংদা তোখাইবা তেম্পররী য়ুনিৎশিং থম্নবা হোৎনখি। নুমিৎ চুপ্পা হেল্থ কিয়র ফেসিলিতীশিং অসিদা আর.পি.এফ. স্তাফ মথৌ তৌহনখি। রেলৱেজনা ইমর্জেন্সীশিং থোরকপদা থেংননবা কোচ অমমমদা ওক্সিজেন সিলিন্দর ২ অমসুং ফায়র এক্সতিঙ্গুইশরশিংসু থমখি। অতৈ পোৎলমশিংগী মরক্তা রেলৱেজনা কোচশিং অসিদা পুরকপা অনবশিংগীদমক দিরেক্সনেল গাইদেন্স থমখ্রে অমসুং ফেসিলিতী হেনগৎহনখ্রে।

হৌজিক লৈবাক অসিগী রাজ্য ৭তা লৈবা স্তেসন ১৭তা আইসোলেসন কোচশিং থমখ্রে অমসুং কোবিদকী অনাবাদা কিয়র ফংহল্লি। হৌজিক্কী ওইনা বেদ-কেপাসিতী ৪৭০০ হেন্না লৈবা কোচ ২৯৮ তোঙান তোঙানবা রাজ্যশিংদা কোবিদ কিয়রগীদমক খুৎশিন্নখ্রে। রাজ্য ৭তা দিপ্লোই তৌখ্রবা কোচ অদু মখাদা পীরি:

মহারাস্ত্রগী রাজ্যদা রেলৱেজনা পুন্না কোচ ৬০ দিপ্লোই তৌখ্রে। নান্দ্রুবারদা হেল্থ ফেসিলিতীনা কোবিদ নাবশিং লেপ্তনা রেজিস্তর তৌরকপা উবা ফংখি অমসুং আইসোলেসন মতম লোইরবা মতুংদা মেদিকেল সর্তিফিকেসন ফংলগা দিসচার্জ তৌখি। হৌজিক ফাওবগী অপুনবা ওইনা স্তেৎ হেল্থ ওথোরিতীশিংনা অনাবা মীওই ১১৬ এদমিসন তৌরকখি লোইননা ৯৩ দিসচার্জ তৌখি। মফম অসিগী ফেসিলিতী অসি হৌজিক অনাবা ২৩না শিজিন্নরি। রেলৱেজনা অজনি ইনলেন্দ কন্তেনর দীপোদা কোবিদ কেয়র কোচ ১১ (কোচ অমনা মেদিকেলগী মীওই অমসুং সপ্লাইশিংগীদমক অখন্ননা থম্লি) থমখ্রে অমসুং নাগপুর ম্যুনিসিপাল কোর্পোরেসন্দা খুৎশিন্নখ্রে। মফম অসিদা অনাবা ৯ এদমিৎ তৌখি অমসুং আইসোলেসন তৌরবা মতুংদা মখোয় পুম্নমক দিসচার্জ তৌখ্রে। হন্দক্তা রেলৱেজনা কোচ ২৪ পীখিবা পলঘারদা ফেসিলিতী অসি হৌজিক মথৌ তৌহনখ্রে।

রেলৱেজনা মাধ্য প্রদেশ রাজ্যদা কোচ ৪২ দিপ্লোই তৌখ্রে। ৱেস্তর্ন রেজৱেজগী রতলাম দিভিজন্না ফমুং ৩২০গী কেপাসিতী লৈবা কোচ ২২ ইন্দোর মনাক্তা লৈবা তিহি স্তেসন্দা দিপ্লোই তৌখ্রে। হৌজিক ফাওবদা অনাবা ২১ এদমিৎ তৌখ্রে অদুগা ৭না দিসচার্জ তৌখ্রে। ভোপালদা কোচ ২০ দিপ্লোই তৌখ্রে। মসিগী ফেসিলিতী অসিদা খ্বাইদগী নৌবা দেতাগী মতুং ইন্না অনাবা ২৯ এদমিৎ তৌখি অদুগা ১১না দিসচার্জ তৌখি। হৌজিক ফাওবদা অনাবা ১৮না মসিগী ফেসিলিতী অসি শিজিন্নরি। মসিগী ফেসিলিতী অসিদা ফমুং ৩০২ লৈ।

অসাম রাজ্যগী খ্বাইদগী নৌবা দিমান্দশিংগী মতুং-ইন্না খ্বাইদগী অনৌবা অপদেৎতা রেলৱেজনা খোংজেন য়াংনা গুৱাহাতীদা আইসোলেসন কোচ ২১ অমসুং সিলচরগী মনাক্তা লৈবা বদরপুরদা (এন.এফ. রেলৱেজ) আইসোলেসন কোচ ২০ থাখ্রে। চয়োল অসিগী অহৌবদা মথংশিৎনা সাবরমতী, চান্দলোদিয়া অমসুং দিমাপুরদা আইসোলেসন কোচ কয়াসু থাখি।

দিল্লীগী ওইনদি, রেলৱেনা রাজ্য সরকারনা হায়জরকপা ফমুং ১২০০ লৈবা কোবিদ কেয়র কোচ ৭৫ পুম্নমক পীখ্রে। শাকুরবস্তীদা কোচ ৫০ অমসুং অনন্দ ভিহার স্তেসন্দা কোচ ২৫ থম্লি। মীওই ৫ লাকখিবদা মখোয় পুম্নমক দিসচার্জ তৌখ্রে। মফম অসিদা হৌজিক ফমুং ১২০০ হাঙলি।

য়ু.পি.গী ওইনদি, রাজ্য সরকারনা কোচকীদমক্তা হায়জরকপা লৈত্রবসু, ফাইজাবাদ, ভদোহী, ভরানসী, বরেলী অমসুং নাজিবাবাদতা অপুনবা ফমুং ৮০০ লৈদুনা কোচ ১০/১০ (অপুনবা কোচ ৫০) থমখ্রে।

রেলৱেজনা চাওরাক্না ফমুং ৭০,০০০ লৈবা আইসোলেসন কোচ ৪৪০০দগী হেন্না আইসোলেসন য়ুনিৎশিং ওইনা মথৌ তৌনবা ফংহনখ্রে।

****