লৈবাক অসিনা মালেম শিনবা থুংনা নাহল্লিবা লাইনা-লাইচৎ লান্থেংনরিবা অসিদা মালেমগী কম্ম্যুনিতীনা মতেং পাংলকখ্রে৷ ভারত সরকারনা রাজ্যশিং অমসুং য়ু.তি.শিংগা পুন্না খুৎশম্ননা চৎমিন্নদুনা অমসুং “হ্বোল ওফ সোসাইতী” এপ্রোচ অমগী মখাদা প্রজাশিং অসিগী মতেংগা লোইননা কোবিদ-১৯ লাইনা-লাইচৎ অসি লান্থেংননবা মাংজিন থানা লেপ্পা লৈতনা হোৎনরি৷

এম্পৱার গ্রুপ নম্বর ৩গী মীফম অমা নিতি সি.ই.ও. শ্রী অমিতাভ কান্তগী লুচিং মখাদা পাংথোকখ্রে৷ কেন্দ্রগী সেক্রেতরী (আই. অমসুং বি.) শ্রী অমিত খেয়র, কেন্দ্রগী সেক্রেতরী(এক্সপেন্দিচর) দা. তি.ভি. সোমানাথন, এদিস্নেল সেক্রেতরী(এম.ই.এ.) শ্রী দাম্মু রবি, এদিস্নেল সেক্রেতরী (ঐচ.) শ্রীমতি আর্তি অহুজানা মপান লৈবাকশিং অসিদগী মতেং ওইনা ফংখিবা পোৎলমশিং অদু য়েন্থোনবগী লম্বীশিং খন্ন-নৈননবা উন্নখ্রে৷ রিলিফ মেতরিয়েল অদুনা ওফ শোরশিং অদু থাদোক্লবা মতমদা মখোয়না খঙলকই; ইনফোর্মেসন অদু দিস্ত্রিব্যুসন প্লান শেম্লিবা কেন্দ্রগী হকশেল মন্ত্রালয়দা থাখি হায়না এদিস্নেল সেক্রেতরী(এম.ই.এ.)না ফোংদোকখ্রে৷ মপান লৈবাকশিংদগী ফংলিবা পোৎলমশিং অদুনা ভারততা হেক য়ৌবগা পোৎলমশিং অদু য়েন্থোক্নবগী দিস্ত্রিব্যুসন প্লান অদু মাংজৌননা শেমদুনা থমখ্রবনি হায়না হকশেল মন্ত্রালয়গী এদিস্নেল সেক্রেতরীনা ফোংদোকখ্রে৷

ভারত সরকারনা ২০২১গী এপ্রিল ২৭তগী মালেম অসিগী তোঙান তোঙানবা লৈবাকশিং/ওর্গনাইজেসনশিংদগী কোবিদ-১৯ রিলিফ মেদিকেল সপ্লাইশিং অমসুং ইক্ব্যুইপমেন্তশিং মতেং ওইনা অমসুং ইন্তরনেস্নেল দোনোসনশিং ফংদুনা লাক্লি৷

হৌজিক ফাওবদা ওক্সিজেন কন্সেন্ত্রেতর ১৮৪১; ওক্সিজেন সিলিন্দর ১৮১৪; ওক্সিজেন জেনেরেসন প্লান্ত ০৯; ভেন্তিলেতর/বাই পাপ/সি পাপ ২৪০৩; রেমদেসিভির লাথ ২.৮ হেন্না পীরকখ্রে৷

২০২১গী মে ৫দা ফংখিবা মরু ওইবা পোৎলমশিং অদুদি:

১.  ওস্ত্রেলিয়া

• ভেন্তিলেতর/ বাই পি.এ.পি./ সি পি.এ.পি.(১০৫৬)
• এক্সিজেন কন্সেন্ত্রেতর(৪৩)

২. যু.এস.এ.

• আর.দি.কে., (৪০৩০০)
• রেমদেসিভির (~লাখ ১.৫৬)
• পি.পি.ই. কিৎশিং অমসুং অতোপ্পা অহেনবা পোৎলমশিং

৩. বাহরেন

• লিক্ব্যুইদ ওক্সিজেন কন্তেনর (০২)

২০২১গী মে ৫ ফাওবদা ফংলিবা পোৎলম পুম্নমক রাজ্যশিং/ইন্সতিত্যুসনশিং অসিদা মাই পাক্না য়েন্থোকখ্রে৷

ইন্তরনেস্নেল এইদকী শরুক অমা ওইনা কোবিদ ইক্ব্যুইপমেন্তশিং অসি ফংবা মতমদা: ন্যু দিল্লিগী এল.ঐচ.এম.সি. হোস্পিতাল অসিদা মাংজৌননা ইক্ব্যুইপমেন্ত অসি দিপ্লোই তৌখ্রে হায়না হোস্পিতাল অসিগী দোক্তর এন.এন. মাথুরনা ফোদোরকখ্রে৷

মপান লৈবাকশিং অসিদগী ভারতনা ফংলিবা সপোর্ত সপ্লাইশিং অসি নিংথিনা য়েন্থোক্ননবগীদমকভারত সরকারনা স্ত্রিমলাইন অমসুং সিস্তেমেতিক মেকানিজম অমা শেমখ্রে৷ রিসিপ্ত অদু কোওর্দিনেৎ তৌনবা অমসুং গ্রান্তশিং, এইদ অমসুং দোনোসনশিং ওইনা ফংলিবা ফোরেন্দ কোবিদ রিলিফ মেতরিয়েলশিং অদু য়েন্থোক্নবা দেদিকেতেদ কোওর্দিনেসন সেল অমা হকশেল মন্ত্রালয়দা শেমখ্রে৷ মসিগী সেল অসি ২০২১গী এপ্রিল ২৬তগী মথৌ তৌবা হৌরগনি৷ স্তেন্দর্দ ওপরেতিং প্রোসিদ্যোর অমা শেমখ্রে অমসুং হকশেল মন্ত্রালয়না ২০২১গী মে ২দগী চৎনখ্রে৷

তোঙান তোঙানবা এজেন্সীশিংগা খুৎশম্নদুনা কার্গো ক্লিয়রেন্স অমসুং দেলিভরীশিং অদু থিন্থবা তৌদনা পাংথোকই৷ হায়রিবা থবকশিং অদু চাং নাইনা কেন্দ্রগী হকশেল মন্ত্রালয়না নিংথিনা য়েংশিল্লি৷ মসিনা রাজ্য/য়ু.তি. ৩১ অমসুং তর্চরী কেয়র ইন্সতিত্যুসনশিংগী মেদিকেল ইনফ্রাস্ত্রকচরদা সপ্লিমেন্ত তৌদুনা মতেং পাংলগনি অমসুং হোস্পিতেলাইস তৌরবা কোবিদ-১৯ পেসেন্তশিং অদু নিংথিনা লাইয়েং চত্থনবা মখোয়গী লৈরিবা ক্লিনিকেল মেনেজমেন্ত কেপাসিতীশিং অদু হেন্না ফহল্লগনি৷

*****