ইলেক্সন কমিসন

মীদিয়ানা পাউদম্বদা অথিংবা লৈরোইদবনি হায়না ইলেক্সন কম্মিসন্না হায়খ্রে

Posted On: 05 MAY 2021 1:54PM by PIB Imphal

ভারতকী ইলেক্সন কম্মিসন্না মীদিয়াগা মখোয়গা লৈনবা মরীগী মতাংদা হায়নবা ৱাফম কয়া থেংনরে। হীরম অসিগা মরী লৈনবা প্রেসকী পাউদম খরসু কম্মিসন অসিনা থেংনরে। কম্মিসন অসিনা ৱারেপ অমা হেক্তা লৌদ্রিঙৈগী মমাংদা মতম পুম্বদা নীংথিনা খন্নদুনা লাক্লি।

মীদিয়াগা লৈনবা মরীগী মতাংদা, কম্মিসন অসিনা মনীং-মখা তম্বা মীদিয়াদা থাজবগী ৱাখল্লোন্দা থমোই শেংনা খোঙফম চেৎলি হায়বা ৱাফম থম্নীংই। কম্মিসন অসিনা, মপুং ওইনা অমসুং মসিগী মেম্বর খুদিংমক্না, হৌখ্রবা অমসুং হৌজিক্কী মতমদা লৈবাক অসিগী ইলেক্তোরেল দিমোক্রেসীগী মপাঙ্গল কনখৎহন্নবা মীখল পাংথোকপা খুদিংদা মীদিয়ানা লৌরিবা চাউখৎনীংঙাই ওইবা থৌদাংবু শক-খঙদুনা লাক্লি। মীদিয়ানা পাউদম্বদা অথিংবা থম্নবা করিগুম্বা মখলগী হায়জরকপা অমত্তা লৈরৈদবনি হায়না ইলেক্সন কম্মিসন্না সুপ্রীম কোর্তকী মমাংদা হায়খিবসু লৈখ্রে।

কম্মিসন অসিনা পোল্লিং স্তেসন্দগী ভোৎ মশিং থীবগী থাক ফাওবগী      থবকশিং, কেম্পেন খুদিংদা মনুং-মপান ফাওনা পাউদম্বা য়াওনা মীখল হৌবদগী লোইবফাওবগী থৌওংশিংদা মনুং-মপান ফাওনা উবগী পথাপশিং লৈহন্নবা অমসুং মীখল শেন্নবগী থৌওংশিং হেন্না নীংথিজনা পাংথোকহন্নবা মীদিয়ানা লৌরিবা থৌদাংক য়াবু য়াম্না মরু ওইনা মশক খঙই। ই.সি.আই. অমসুং মীদিয়াগা লৈনরিবা মরী অসি মহৌশাগীনি অমসুং লেংদনা অদুমক লৈগনি।

...



(Release ID: 1716254) Visitor Counter : 187