কেমিকেল্স অমসুং ফর্তিলাইজর্সকী কেন্দ্রগী মন্ত্রী শ্রী দি.ভি. সদানন্দ গৌরানা ময়াই তাংবল লৌদুনা কোবিদ লায়েংনবা হীদাক-লাংথকশিং অমসুং অতৈ তঙাই ফদবা হীদাক-লাংথকশিং ফংলিবরা য়েংশিন্নবা মীফম অমা পাঙথোকখ্রে। মীফম অদু কুমারী এস. অপর্না, সেক্রেতরী (ফার্মা), দা. ভি.জি. সোমানি, দি.সি.জি.আই., শ্রীমতি শুব্রা সিংহ, চিয়রপর্সন, এন.পি.পি.এ., দা. মন্দীপ কুমার ভন্দারী, জোইন্ত সেক্রেতরী (হকশেল অমসুং য়াইফ-য়ুম্বাল মন্ত্রালয়), শ্রী নবদীপ রিনৱা, জোইন্ত সেক্রেতরী (ফার্মা), শ্রীমতি বিনোদ কোতৱাল, মেম্বর সেক্রেতরী, এন.পি.পি.এ. অমসুং অতৈ মকোক থোংবা ওফিসরশিংনা শরুক য়াখি।

শ্রী গৌরানা মীফম অদুদা রেমদেসিভির পুথোক্লিবা মেন্যুফেকচর্র তরেৎমক্না পুথোকপগী কেপাসিতী অসি থা অমগী মমাংদা থা অমদা ভাইল লাখ ৩৮ পুথোক্লম্বদগী থা অমদা ভাইল করোর ১.০৩দা হেনগৎহল্লিবা অসি থাগৎপা ফোঙদোকখ্রে। কেপাসিতী হেনগৎলকপনা ইঞ্জেক্সন অসি লমদম অসিদা ফংবা হেনগৎহল্লগনি। মহাক্না মখা তারদুনা হায় মে ৩ অমসুং মে ৯গী মতমগী মনুংদা রাজ্য পুম্নমক্তা রেমদেসিভিরগী ভাইল লাক ১৬.৫কী এল্লোকেসন তৌখ্রে। এপ্রিল ২১দগী হৌনা হৌজিক ফাওবদা পুন্না ভাইল লাখ ৩৪.৫কী অপুনবা এল্লোকেসন তৌখ্রে। রাজ্যশিংদা এল্লোকেসন তৌবা অসি দাইনামিক ওইবা প্রোসেস অমনি অমসুং লাক্কদৌরিবা চয়োলশিংদা সপ্লাই হেনগৎহন্নবা থবকশিং মখা তানা পাইখৎকনি।

মীফম অদুদা অতৈ তঙাইফদবা হীদাক-লাংথকশিংগী ফংলিবরা হায়বগী মতাংদসু খন্নখি। শ্রী গৌরানা অতৈ তঙাইফদবা হীদাক-লাংথকশিং ফংলিবরা হায়না লেপ্তনা মোনিতর তৌনবা অমসুং কালা বজার তৌবা অমসুং হোর্দিং তৌবা য়েংশিনবা মথৌ তাই হায়না অকনবা ৱাফম থমখি। দা. সোমানি, দি.সি.জি.আই.না মার্কেৎতা তোঙান তোঙানবা হীদাক-লাংথকশিং শোইদনা ফংহন্নবা সর্ভে অমা পাইখৎখ্রে হায়না ফোঙদোকখি। অহানবগী ওইনা থিজিনবা অসিদগী ফংলকপশিং অসিনা হৌজিক্কী ওইনা মার্কেৎতা হীদাক-লাংথকশিং মরাং কাইনা ফংলি হায়না উৎখি অমসুং দিপার্তমেন্ত ওফ ফার্মা, এন.পি.পি.এ. অমসুং সি.দি.এস.সি.ও.না মদু ফংলিবরা হায়না কুপ্না য়েংশিনগনি। কালা বজার অমসুং হোর্দিং তৌবগী মতাংদা মহাক্না হায় মদুদি স্তেৎ দ্রগ কন্ত্রোল্লরশিংদা ফিল্দ ইন্সপেক্সনশিং চত্থনবা রাজ্যগী থাক্তা তীমশিং শেম্নবা য়াথং পীখ্রে। হীদাক-লাংথকশিং হোর্দিং তৌবা অমসুং কালা বজার তৌবগী মায়োক্তা অহকপা চৈরাক পীরি। রেমদেসিভির, তোসিলিজুমাব, ফেভিপিরাভির অসিনচিংবা কোবিদ মেনেজমেন্তগী হীদাক-লাংথকশিং হোর্দিং তৌবা/কালা বজার তৌবা/মমল হেন্না য়োনবা থিংনবা দি.সি.জি.আই./এস.দি.সি.শিংমনা প্রিভেন্তিব অমসুং এনফোর্সমেন্ত এক্সন কয়া পাইখৎখ্রে। ভারত পুম্বগী ওইনা ১.৫.২০২১ ফাওবদা হোর্দিং তৌবা, মমল হেন্না য়োনবা, কালা বজার তৌবগীদমক এস.দি.সি.শিং, লোকেল পুলিস, এফ.দি.এ. অসিনচিংবগা খুৎশম্নদুনা ৭৮ চৈরাক পীখ্রে অমসুং এরেস্ত তৌখিবা/কেসশিং রেজিস্তর তৌখি য়াওখি। হীদাক-লাংথকশিং, গারীশিং, অহাংবা ভাইএলশিং (অশাবা হীদাকশিং হাপ্পদা শিজিন্নবা) অমসুং শেল ফাজিনখি। চান্দিগরদা থোকপা কেস অমদা য়ুনিৎ ৩০০০গী রেমদেসিভির ভাইএলশিং ফাগৎপা ঙমখি। 

শ্রী গৌরানা ফার্মা কম্পনীশিং অমসুং দিপার্তমেন্ত ওফ ফার্মা, এন.পি.পি.এ., হকশেল অমসুং য়াইফ য়ুম্বাল মন্ত্রালয় অমসুং সি.দি.এস.সি.ও.গী ওফিসরশিংনা খুৎশম্নদুনা থবকশিং পাইখৎখিবা অমসুং কোবিদ লায়েংনবা হীদাক-লাংথকশিং অমসুং অতৈ তঙাই ফদবা হীদাক-লাংথকশিং অতেনবা মতমগী মনুংদা পুথোকপা হেনগৎহনবা অসিদা খুৎশম্ননা হোৎনবা অসিগীদমক থাগৎপা ফোঙদোকখ্রে। অসুম্না সরকার অমদি প্রাইবেৎ সেক্তরনা চুংশিন্নদুনা হোৎনবা অসি হৌজিক্কী ওইনা তঙাই ফদবা অমনি।

******