ਕੋਵਿਡ -19 ਮਹਾਮਾਰੀ  ਦੇ ਕਾਰਨ ਪੈਦਾ ਚੁਣੌਤੀਆਂ ਨਾਲ ਨਜਿੱਠਣ  ਦੇ ਕ੍ਰਮ ਵਿੱਚ  ਨੀਤੀ ਆਯੋਗ  ਦੇ ਸੀਈਓ , ਸ਼੍ਰੀ ਅਮਿਤਾਭ ਕਾਂਤ ਦੀ ਪ੍ਰਧਾਨਗੀ ਹੇਠ ਅਧਿਕਾਰਿਤਾ ਪ੍ਰਾਪਤ ਸਮੂਹ  - 3 ਨੇ ਕੋਵਿਡ  ਦੇ ਮਾਮਲਿਆਂ ਵਿੱਚ ਹਾਲ ਵਿੱਚ ਹੋਏ ਵਾਧੇ ਨਾਲ ਉਤਪੰਨ ਪ੍ਰਭਾਵਾਂ ਨਾਲ ਨਜਿੱਠਣ ਬਾਰੇ ਅੱਜ 1 ਲੱਖ ਤੋਂ ਅਧਿਕ ਸਿਵਲ ਸੁਸਾਇਟੀ ਸੰਗਠਨਾਂ  ( ਸੀਐੱਸਓ )   ਦੇ ਨਾਲ ਕ੍ਰਮਬੱਧ ਰਣਨੀਤੀਆਂ ‘ਤੇ ਸਲਾਹ-ਮਸ਼ਵਰਾ ਕੀਤਾ ।  ਇਸ ਬੈਠਕ ਵਿੱਚ ਪ੍ਰਮੁੱਖ ਵਿਗਿਆਨੀ ਸਲਾਹਕਾਰ ਡਾ.  ਕੇ. ਵਿਜੈ ਰਾਘਵਨ ,  ਰਾਸ਼ਟਰੀ ਆਪਦਾ ਪ੍ਰਬੰਧਨ  ਅਥਾਰਿਟੀ  ਦੇ ਮੈਂਬਰ ਸ਼੍ਰੀ ਕਮਲ ਕਿਸ਼ੋਰ ਅਤੇ ਵਿਦੇਸ਼ ਮੰਤਰਾਲਾ  ,  ਗ੍ਰਹਿ ਮੰਤਰਾਲਾ  ,  ਕੈਬਨਿਟ ਸਕੱਤਰੇਤ ਅਤੇ ਪ੍ਰਧਾਨ ਮੰਤਰੀ ਦਫ਼ਤਰ  ਦੇ ਹੋਰ ਸੀਨੀਅਰ  ਅਧਿਕਾਰੀਆਂ ਨੇ ਹਿੱਸਾ ਲਿਆ । 

ਬੈਠਕ ਵਿੱਚ ਗ਼ੈਰ-ਸਰਕਾਰੀ ਸੰਗਠਨਾਂ/ਸਿਵਲ ਸੁਸਾਇਟੀ ਸੰਗਠਨਾਂ ਦੇ ਮੈਬਰਾਂ ਨੂੰ ਆਕਸੀਜਨ ਅਤੇ ਉਸ ਨਾਲ ਸੰਬੰਧਿਤ ਉਪਕਰਨਾਂ ‘ਤੇ ਆਯਾਤ ਸ਼ੁਲਕ ਦੀ ਛੋਟ,  18 ਸਾਲ ਤੋਂ ਉਪਰ ਦੀ ਆਬਾਦੀ ਲਈ ਟੀਕਾਕਰਣ ਦੀ ਸ਼ੁਰੂਆਤ,  ਦੋ ਮਹੀਨਿਆਂ ਲਈ 80 ਕਰੋੜ ਲੋਕਾਂ ਨੂੰ ਮੁਫਤ ਅਨਾਜ ਪ੍ਰਦਾਨ ਕਰਨਾ ਅਤੇ ਲੌਜੀਸਟਿਕ ਸੰਬੰਧੀ ਰੁਕਾਵਟਾਂ ਨੂੰ ਦੂਰ ਕਰਨਾ ਆਦਿ ਜਿਵੇਂ ਸਰਕਾਰ ਦੁਆਰਾ ਕੀਤੀਆਂ ਗਈਆਂ ਹਾਲ  ਦੀਆਂ ਪਹਲਾਂ  ਬਾਰੇ ਦੱਸਿਆ ਗਿਆ । ਨੀਤੀ ਆਯੋਗ  ਦੇ ਸੀਈਓ ਨੇ ਭਾਰਤ ਵਿੱਚ ਕੋਵਿਡ  - 19 ਦਾ ਮੁਕਾਬਲਾ ਕਰਨ ਵਿੱਚ ਸਿਵਲ ਸੁਸਾਇਟੀ ਸੰਗਠਨਾਂ  ਦੇ ਯਤਨਾਂ ਦੀ ਪ੍ਰਸ਼ੰਸਾ ਕੀਤੀ ਅਤੇ ਉਨ੍ਹਾਂ ਦਾ ਧੰਨਵਾਦ ਕੀਤਾ ਅਤੇ ਉਨ੍ਹਾਂ ਨੂੰ ਕੋਵਿਡ  - 19  ਦੇ ਸੰਕ੍ਰਮਣ ਦੀ ਦੂਜੀ ਲਹਿਰ ਦੇ ਪ੍ਰਬੰਧਨ  ਵਿੱਚ ਆਪਣਾ ਨਿਰੰਤਰ ਸਮਰਥਨ ਅਤੇ ਪ੍ਰਯਤਨ ਜਾਰੀ ਰੱਖਣ ਦੀ ਬੇਨਤੀ ਕੀਤੀ। ਉਨ੍ਹਾਂ ਨੇ ਜਾਗਰੂਕਤਾ ਅਭਿਯਾਨਾਂ,  ਜਿਨ੍ਹਾਂ ਨੂੰ ਖੇਤਰੀ ਭਾਸ਼ਾਵਾਂ ਵਿੱਚ ਡਾਊਨਲੋਡ ਕੀਤਾ ਜਾ ਸਕਦਾ ਹੈ ਅਤੇ ਆਮ ਮਿੱਥ ਨੂੰ ਦੂਰ ਕਰਨ ਅਤੇ ਕੋਵਿਡ ਟੀਕਾਕਰਣ ਬਾਰੇ ( ਗਾਨ ,  ਰੇਡੀਓ ਜਿੰਗਲਸ ,  ਘਰੋਂ ਬਾਹਰ ਲਈ  ਰਚਨਾਵਾਂ )   ਸਟੀਕ ਜਾਣਕਾਰੀ ਪ੍ਰਦਾਨ ਕਰਨ ਲਈ indiafightscovid.com ‘ਤੇ ਉਪਲੱਬਧ ਕਰਵਾਇਆ ਗਿਆ ਹੈ ,  ਦੇ ਨਾਲ ਲੋਕਾਂ ਤੱਕ ਪਹੁੰਚਣ  ‘ਤੇ ਜ਼ੋਰ ਦਿੱਤਾ । 

ਅਧਿਕਾਰ ਪ੍ਰਾਪਤ ਸਮੂਹ ਦੇ ਚੇਅਰਮੈਨ ਨੇ ਸੀਐੱਸਓ ਦਾ ਸਮਰਥਨ ਮੰਗਿਆ ਅਤੇ ਉਨ੍ਹਾਂ ਨੂੰ ਸਰਕਾਰ ਦੁਆਰਾ ਜ਼ਿਲ੍ਹਾ ,  ਪੰਚਾਇਤ ਅਤੇ ਰੇਜ਼ੀਡੈਂਟ ਵੈਲਫੇਅਰ ਐਸੋਸੀਏਸ਼ਨ  ਦੇ ਪੱਧਰ ‘ਤੇ ਨਿਮਨਲਿਖਿਤ ਗਤੀਵਿਧੀਆਂ ਵਿੱਚ ਕੀਤੇ ਗਏ ਯਤਨਾਂ ਵਿੱਚ ਪੂਰਕ ਬਨਣ ਦੀ ਬੇਨਤੀ ਕੀਤੀ  : 

• ਟੀਕਾਕਰਣ  ਦੇ ਬਾਅਦ ਵੀ ਮਾਸਕ ਪਹਿਨਣ ਸਮੇਤ ਕੋਵਿਡ  ਦੇ ਪ੍ਰਤੀ ਉੱਚਿਤ ਸੁਭਾਅ  (ਸੀਏਬੀ )  ਦਾ ਪਾਲਣ ਕਰਨਾ ਜਾਰੀ ਰੱਖਣ ਦੀ ਜ਼ਰੂਰਤ  ਬਾਰੇ ਲੋਕਾਂ ਵਿੱਚ ਜਾਗਰੂਕਤਾ ਪੈਦਾ ਕਰਨਾ ਅਤੇ ਇਸ ‘ਤੇ ਜ਼ੋਰ ਦੇਣਾ । 

• ਸਰਕਾਰੀ ਯਤਨਾਂ ਦਾ ਪੂਰਕ ਬਨਣਾ ਅਤੇ ਸ਼ਹਿਰੀ ਗ਼ਰੀਬ ਪਰਿਵਾਰਾਂ  ਨੂੰ ਜ਼ਰੂਰੀ ਸਹਾਇਤਾ ਪ੍ਰਦਾਨ ਕਰਨਾ । 

• ਕਈ ਸਰਕਾਰੀ ਪਹਲਾਂ/ਪੈਕੇਜਾਂ ਤੋਂ ਮਿਲਣ ਵਾਲੇ ਲਾਭਾਂ ਬਾਰੇ ਸਮੁਦਾਇਆਂ ਨੂੰ ਜਾਣੂ ਕਰਵਾਉਣਾ ਜੋ ਸੰਕਟ  ਦੇ ਇਸ ਸਮੇਂ ਵਿੱਚ ਉਨ੍ਹਾਂ  ਦੇ  ਲਈ ਮਦਦਗਾਰ ਹੋ ਸਕਦੇ ਹਨ ਜਿਵੇਂ ਕਿ ਸਬਸਿਡੀ ਵਾਲੇ ਅਨਾਜ ਨੂੰ ਪ੍ਰਾਪਤ ਕਰਨ ਲਾਭਾਰਥੀਆਂ ਨੂੰ ਸਮਰੱਥਾ ਬਣਾਉਣ  ਦੇ ਲਈ “ਵਨ ਨੇਸ਼ਨ ਵਨ ਕਾਰਡ” ਯੋਜਨਾ । 

• ਪੀਪੀਈ ਕਿੱਟ ਅਤੇ ਵਿਅਕਤੀਗਤ ਸਿਹਤ ਅਤੇ ਸਫਾਈ  ਦੇ ਹੋਰ ਉਤਪਾਦਾਂ ਜਿਵੇਂ ਕਿ ਸੈਨੀਟਾਈਜ਼ਰ ,  ਸਾਬੁਣ ,  ਮਾਸਕ ਅਤੇ ਦਸਤਾਨਿਆਂ  ਦੀ ਵੰਡ ਲਈ ਸਮੁਦਾਇਕ ਵਰਕਰਾਂ ਅਤੇ ਵਲੰਟੀਅਰਾਂ ਨੂੰ ਸਮਰਥਨ ਦੇਣਾ । 

• ਜਨਤਕ ਸਿਹਤ ਸੇਵਾਵਾਂ ਦੀ ਨਿਯਮਿਤ ਵੰਡ  ਦੇ ਕ੍ਰਮ ਵਿੱਚ ਆਉਣ ਵਾਲੇ ਅੰਤਰ ਨੂੰ ਘਟਾਉਣ ਲਈ ਰਾਜ ਸਰਕਾਰਾਂ ਅਤੇ ਜ਼ਿਲ੍ਹਾ ਪ੍ਰਸ਼ਾਸਨ ਦਾ ਸਮਰਥਨ ਕਰਨਾ । 

• ਬਜ਼ੁਰਗਾਂ,  ਦਿੱਵਿਯਾਂਗ ਵਿਅਕਤੀਆਂ, ਬੱਚਿਆਂ,  ਟਰਾਂਸਜੈਂਡਰ ਵਿਅਕਤੀਆਂ ਅਤੇ ਹੋਰ ਕਮਜੋਰ ਸਮੂਹਾਂ ‘ਤੇ ਵਿਸ਼ੇਸ਼ ਧਿਆਨ ਦੇਣ  ਦੇ ਨਾਲ– ਨਾਲ ਹੌਟ ਸਪੌਟਸ ਦੀ ਪਹਿਚਾਣ ਕਰਨ ਅਤੇ ਸੇਵਾ ਦੇਣ ਲਈ ਵਲੰਟੀਅਰਾਂ ਅਤੇ ਦੇਖਭਾਲ ਕਰਨ ਵਾਲਿਆਂ ਦੀ ਪਹਿਚਾਣ ਕਰਨ ਵਿੱਚ ਸਥਾਨਕ ਪ੍ਰਸ਼ਾਸਨ ਦੀ ਸਹਾਇਤਾ ਕਰਨਾ । 

• ਕੋਵਿਡ ਦੇ ਖ਼ਿਲਾਫ਼ ਜਵਾਬੀ ਯਤਨਾਂ ਦਾ ਸਮਰਥਨ ਕਰਨ ਲਈ ਵਿਅਕਤੀਆਂ ਅਤੇ ਸਮੁਦਾਇਆਂ  ਦੇ ਵਿੱਚ ਵਲੰਟੀਅਰਾਂ ਨੂੰ ਸੂਚੀਬੱਧ ਕਰਨ ਲਈ ਰਾਜ ਅਤੇ ਸਥਾਨਿਕ ਸਰਕਾਰਾਂ  ਦੇ ਨਾਲ ਸਾਂਝੇਦਾਰੀ ਕਰਨਾ । 

• ਕੋਵਿਡ -19 ਦੇ ਰੋਗੀਆਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਦੇ ਖ਼ਿਲਾਫ਼ ਸਮਾਜਿਕ ਕਲੰਕ ਅਤੇ ਭੇਦਭਾਵ ਨੂੰ ਵੱਡੇ ਪੈਮਾਨੇ ‘ਤੇ ਅਤੇ ਰਣਨੀਤਿਕ  ਸੰਚਾਰ ਰਾਹੀਂ ਦੂਰ ਕਰਨਾ । 

• ਸਰਕਾਰ ਦੁਆਰਾ ਕੋਵਿਡ ਟੀਕਾਕਰਣ ਦੀ ਵਿਵਹਾਰਿਕਤਾ ਨਾਲ ਸੰਬੰਧਿਤ ਸੂਚਨਾਵਾਂ ਦੀ ਵਿਸਤਾਰ ਨਾਲ ਵਿਆਖਿਆ ਕਰਨਾ ਅਤੇ ਸਮੁਦਾਇਆਂ  ਦੇ ਵਿੱਚ ਜਾਗਰੂਕਤਾ ਸੰਬੰਧੀ ਅੰਤਰ ਨੂੰ ਪੂਰਾ ਕਰਨਾ । 

• ਟੀਕੇ ਨਾਲ ਸੰਬੰਧਿਤ ਹਿਚਕ ਨੂੰ ਦੂਰ ਕਰੋ ,  ਮਿੱਥਕਾਂ ਅਤੇ ਵਹਿਮ ਨੂੰ ਦੂਰ ਕਰੋ ਅਤੇ ਲੋਕਾਂ ਨੂੰ ਕੋਵਿਡ ਟੀਕਾਕਰਣ ਲਈ ਪ੍ਰੋਤਸਾਹਿਤ ਕਰੋ । 

ਸਲਾਹ-ਮਸ਼ਵਰੇ ਦੌਰਾਨ ਅਕਸ਼ਯਪਾਤਰ,  ਨਰਾਇਣ ਸੇਵਾ ਸੰਸਥਾਨ, ਇੰਡੀਅਨ ਕੋਆਪਰੇਟਿਵ ਨੈੱਟਵਰਕ ਫਾਰ ਵੂਮੇਨ  (ਆਈਸੀਐੱਨਡਬਲਿਊ),  ਕਰੁਣਾ ਟਰੱਸਟ,  ਮੈਰਿਕੋ ਇਨੋਵੇਸ਼ਨ ਫਾਊਂਡੇਸ਼ਨ,  ਧਰਮਾ ਲਾਈਫ,  ਸਿਹਤ ਫਾਊਂਡੇਸ਼ਨ,  ਦਾਦੀ ਦਾਦਾ ਫਾਊਂਡੇਸ਼ਨ,  ਹੈਲਪਏਜ ਇੰਡੀਆ,  ਗ੍ਰਾਸਰੂਟਸ ਰਿਸਰਚ ਐਂਡ ਐਡਵੋਕੇਸੀ ਮੂਵਮੈਂਟ ,  ਬਾਣੀ ,  ਲਿਊਪਿਨ ਫਾਊਂਡੇਸ਼ਨ,  ਪਬਲਿਕ ਹੈਲਥ ਫਾਊਂਡੇਸ਼ਨ ਆਵ੍ ਇੰਡੀਆ ,  ਇੰਟਰਨੈਸ਼ਨਲ ਸੈਂਟਰ ਫਾਰ ਰੈਡ ਕਰਾਸ ,  ਦਿਸ਼ਾ ਫਾਊਂਡੇਸ਼ਨ ਆਦਿ ਵਰਗੇ ਸਿਵਲ ਸੁਸਾਇਟੀ ਸੰਗਠਨਾਂ ਨੇ ਇਨ੍ਹਾਂ ਚੁਣੌਤੀਆਂ ਨਾਲ ਨਜਿੱਠਣ ਲਈ ਕਈ ਸੁਝਾਅ ਦਿੱਤੇ।  ਉਨ੍ਹਾਂ  ਦੇ  ਦੁਆਰਾ ਦਿੱਤੇ ਗਏ ਕੁਝ ਉਪਾਵਾਂ ਵਿੱਚ ਹੋਮ ਕੇਅਰ ਸਰਵਿਸੇਸ ਲਈ ਸਟੈਂਡਰਡ ਆਪਰੇਟਿੰਗ ਪ੍ਰੋਸੀਜ਼ਰ ( ਐੱਸਓਪੀ )  ਜਾਰੀ ਕਰਨਾ ,  ਟੀਕਿਆਂ ਨੂੰ ਲੈ ਕੇ ਹੋਣ ਵਾਲੀ ਝਿਜਕ  ਬਾਰੇ ਜਾਗਰੂਕਤਾ ਪੈਦਾ ਕਰਨਾ,  ਸੀਨੀਅਰ ਨਾਗਰਿਕਾਂ , ਗ਼ਰੀਬਾਂ ਅਤੇ ਪ੍ਰਵਾਸੀਆਂ ਨੂੰ ਟੀਕਾਕਰਣ ਲਈ ਰਜਿਸਟ੍ਰੇਸ਼ਨ ਵਿੱਚ ਮਦਦ ਕਰਨਾ ਅਤੇ ਉਨ੍ਹਾਂ ਨੂੰ ਸੀਐੱਸਆਰ ਨਾਲ ਸੰਬੰਧਿਤ ਦਿਸ਼ਾ ਨਿਰਦੇਸ਼ਾਂ ਵਿੱਚ ਥੋੜੇ ਸਮੇਂ ਦੀ ਛੋਟ ਪ੍ਰਦਾਨ ਕਰਨਾ ,  80-ਜੀ ਸੰਬੰਧੀ ਛੋਟ , ਐੱਫਸੀਆਰਏ ਸੰਬੰਧੀ ਛੋਟ ਪ੍ਰਦਾਨ ਕਰਨਾ ਆਦਿ ਸ਼ਾਮਿਲ ਹਨ ।  ਨੀਤੀ ਆਯੋਗ ਦੇ ਸੀਈਓ ਨੇ ਸੀਐੱਸਓ ਤੋਂ ਇਹ ਸੁਨਿਸ਼ਚਿਤ ਕਰਨ ‘ਤੇ ਵੀ ਜ਼ੋਰ ਦਿੱਤਾ ਕਿ ਭੋਜਨ ਸਹੀ ਲਾਭਾਰਥੀਆਂ ਤੱਕ ਪਹੁੰਚੇ ਅਤੇ ਪੋਸ਼ਣ ਸੰਬੰਧੀ ਸਮੱਸਿਆਵਾਂ ਦਾ ਵੀ ਸਮੁਚਿਤ ਸਮਾਧਾਨ ਹੋਵੇ। 

ਸਰਕਾਰ ਨੇ ਕੋਵਿਡ-19 ਦੇ ਪ੍ਰਬੰਧਨ ਨਾਲ ਸੰਬੰਧਿਤ ਕਈ ਸਮੱਸਿਆਵਾਂ  ਦੇ ਸਮਾਧਾਨ ਲਈ ਛੇ ਅਧਿਕਾਰ ਪ੍ਰਾਪਤ ਸਮੂਹ ਬਣਾਏ ਹਨ।  ਅਧਿਕਾਰ ਪ੍ਰਾਪਤ ਸਮੂਹ -3 ,  ਜਿਸ ਦੀ ਪ੍ਰਧਾਨਗੀ ਸੀਈਓ ਕਰਦੇ ਹਨ ,  ਨੀਤੀ ਆਯੋਗ ਨੂੰ ਕੋਵਿਡ  - 19  ਦੇ ਖ਼ਿਲਾਫ਼ ਗਤੀਵਿਧੀਆਂ ਲਈ ਨਿਜੀ ਖੇਤਰ ,  ਗ਼ੈਰ - ਸਰਕਾਰੀ ਸੰਗਠਨਾਂ ਅਤੇ ਅੰਤਰਰਾਸ਼ਟਰੀ ਸੰਗਠਨਾਂ  ਦੇ ਨਾਲ ਤਾਲਮੇਲ ਕਰਨ ਦੀ ਜ਼ਿੰਮੇਦਾਰੀ ਸੌਂਪੀ ਗਈ ਹੈ ।  ਇਹ ਸਮੂਹ 1 ਲੱਖ ਤੋਂ ਅਧਿਕ ਸਿਵਲ ਸੁਸਾਇਟੀ ਸੰਗਠਨਾਂ ,  ਗ਼ੈਰ ਸਰਕਾਰੀ ਸੰਗਠਨਾਂ ,  ਸੰਯੁਕਤ ਰਾਸ਼ਟਰ ਦੀਆਂ ਏਜੰਸੀਆਂ ,  ਉਦਯੋਗ ਜਗਤ  ਦੇ ਭਾਗੀਦਾਰਾਂ ਅਤੇ ਅੰਤਰਰਾਸ਼ਟਰੀ ਸੰਗਠਨਾਂ ਨੂੰ ਮਹਾਮਾਰੀ  ਦੇ ਖ਼ਿਲਾਫ਼ ਇੱਕ ਏਕੀਕ੍ਰਿਤ ਪ੍ਰਤਿਕਿਰਿਆ ਪ੍ਰਣਾਲੀ ਵਿਕਸਿਤ ਕਰਨ ਲਈ ਸਰਕਾਰ  ਦੇ ਨਾਲ ਤਾਲਮੇਲ ਬਣਾਉਣ ਵਿੱਚ ਮਹੱਤਵਪੂਰਣ ਭੂਮਿਕਾ ਨਿਭਾ ਰਿਹਾ ਹੈ ।

*****

ਡੀਐੱਸ/ਏਕੇਜੇ