மூத்த இந்திய தகவல் தொடர்பு அதிகாரியான திரு சஞ்சய் குமார், கொவிட்-19 தொற்று காரணமாக இன்று காலை உயிரிழந்தார்.

தில்லியில் உள்ள ஜிடிபி மருத்துவமனையில் அவர் நேற்று அனுமதிக்கப்பட்டார்.

பத்திரிக்கை தகவல் அலுவலகத்தின் உதவி இயக்குநராக (ஊடகம் மற்றும் தகவல்தொடர்பு) பணியாற்றிய திரு சஞ்சய்குமார், மத்திய சமூக நீதி மற்றும் அதிகாரமளித்தல் அமைச்சகத்தின் விளம்பர அலுவல்களையும் கவனித்து வந்தார். மேலும் சுற்றுலா துறையின் விளம்பர நடவடிக்கைகளையும் கூடுதல் பொறுப்பாக அவர் கவனித்து வந்தார். தமது 34 ஆண்டுகால பணியில், மத்திய தகவல் மற்றும் ஒலிபரப்பு அமைச்சகத்தின் கீழ் இயங்கும் பத்திரிக்கை தகவல் அலுவலகத்தின் பல்வேறு விளம்பர பிரிவுகளில் அவர் சேவையாற்றியுள்ளார்.

 மத்திய அமைச்சர் ஒருவரது தனிப்பட்ட அலுவலராகவும் அவர் பணியாற்றியுள்ளார். தேசிய கல்வி ஆராய்ச்சி மற்றும் பயிற்சி நிறுவனத்தின் (என்சிஇஆர்டி) ஊடகப் பிரிவு அதிகாரியாகவும் திரு சஞ்சய் குமார் பணிபுரிந்துள்ளார். அவருக்கு மனைவியும், ஒரு மகனும் உள்ளனர்.

மத்திய தகவல் மற்றும் ஒலிபரப்பு அமைச்சகத்தின் மூத்த அதிகாரிகள் திரு சஞ்சய் குமாரின் மறைவிற்கு இரங்கல் தெரிவித்துள்ளனர்.

பொது சேவையில் அவரது அர்ப்பணிப்பு மற்றும் தொழில் நிபுணத்துவத்திற்காக திரு சஞ்சய் குமார் என்றும் நினைவு கூரப்படுவார்.

மேலும் விவரங்களுக்கு இந்த ஆங்கில செய்திக் குறிப்பைக் காணவும்:

https://www.pib.gov.in/PressReleasePage.aspx?PRID=1714335

----