ભારતમાં હાથ ધરવામાં આવેલી દુનિયાની સૌથી મોટી રસીકરણ કવાયત અંતર્ગત આજદિન સુધીમાં દેશમાં આપવામાં આવેલા કોવિડ-19 વિરોધી રસીના કુલ ડોઝનો આંકડો આજે 12 કરોડ કરતાં વધારે થઇ ગયો છે.

આજે સવારે 7 વાગ્યા સુધીના હંગામી અહેવાલ અનુસાર દેશમાં અત્યાર સુધીમાં 18,15,325 સત્રોનું આયોજન કરીને દેશમાં કુલ 12,26,22,590 રસીના ડોઝ આપવામાં આવ્યા છે. આમાં 91,28,146 HCWsએ પ્રથમ ડોઝ લીધો છે, 57,08,223 HCWsએ બીજો ડોઝ લીધો છે, 1,12,33,415 FLWsએ પ્રથમ ડોઝ અને 55,10,238 FLWsએ બીજો ડોઝ લીધો છે, તેમજ 60 વર્ષથી વધુ ઉંમરના લાભાર્થીઓમાં 4,55,94,522 એ પ્રથમ ડોઝ, 38,91,294 એ બીજો ડોઝ અને 45 વર્ષથી 60 વર્ષની વચ્ચેના લાભાર્થીઓમાં 4,04,74,993 પ્રથમ ડોઝ અને 10,81,759 બીજો ડોઝ લેનારા લાભાર્થીઓ સામેલ છે.

દેશમાં આપવામાં આવેલા રસીના કુલ ડોઝમાંથી 59.5% ડોઝ આઠ રાજ્યોમાં આપવામાં આવ્યા છે. ચાર રાજ્યો એટલે કે ગુજરાત (1,03,37,448), મહારાષ્ટ્ર (1,21,39,453), રાજસ્થાન (1,06,98,771) અને ઉત્તરપ્રદેશ (1,07,12,739)માં દરેકમાં એક કરોડથી વધારે લોકોને રસીના ડોઝ આપવામાં આવ્યા છે. ગુજરાતમાં રસીકરણનો 1 કરોડનો આંકડો 16 એપ્રિલના રોજ પ્રાપ્ત થયો હતો જ્યારે બાકીના ત્રણ રાજ્યોએ આ સિદ્ધિ 14 એપ્રિલના રોજ પ્રાપ્ત કરી હતી.

ભારતને રસીકરણના 12 કરોડ ડોઝ સુધી પહોંચવામાં 92 દિવસનો સમય લાગ્યો છે જે દુનિયામાં સૌથી ઝડપી ગતિએ રસીકરણ દર્શાવે છે. ભારત પછીના ક્રમે અમેરિકા છે જેણે 97 દિવસમાં જ્યારે ચીને 108 દિવસમાં આ મુકામ પ્રાપ્ત કર્યું હતું.

દેશમાં છેલ્લા 24 કલાકમાં 26 લાખથી વધારે લોકોનું રસીકરણ કરવામાં આવ્યું હતું.

કોવિડ વિરોધી રસીકરણ કવાયતના 92મા દિવસે (17 એપ્રિલ 2021ના રોજ) રસીના કુલ 26,84,956 ડોઝ આપવામાં આવ્યા હતા. આમાં, 39,998 સત્રોનું આયોજન કરીને 20,22,599 લાભાર્થીને પ્રથમ ડોઝ જ્યારે 6,62,357 લાભાર્થીને રસીનો બીજો ડોઝ આપવામાં આવ્યો હતો.

ભારતમાં દૈનિક ધોરણે નવા કેસોની સંખ્યામાં એકધારી વૃદ્ધિ થઇ રહી છે. છેલ્લા 24 કલાકમાં દેશમાં નવા પોઝિટીવ નોંધાયેલા દર્દીઓની સંખ્યા 2,61,500 છે.

દેશમાં એક દિવસમાં નવા નોંધાયેલા કુલ નવા કેસોમાંથી 78.56% દર્દીઓ મહારાષ્ટ્ર, ઉત્તરપ્રદેશ, દિલ્હી, છત્તીસગઢ, કર્ણાટક, મધ્યપ્રદેશ, કેરળ, ગુજરાત, તમિલનાડુ અને રાજસ્થાન આ દસ રાજ્યોમાં રાજ્યોમાંથી છે.

સમગ્ર દેશમાં એક દિવસમાં સૌથી વધુ 67,123 નવા દર્દીઓ મહારાષ્ટ્રમાં નોંધાયા છે. તે પછીના ક્રમે, ઉત્તરપ્રદેશમાં નવા 27,334 કેસ જ્યારે દિલ્હીમાં નવા 24,375 કેસ પોઝિટીવ નોંધાયા છે.

નીચેના આલેખમાં દર્શાવ્યા અનુસાર સોળ રાજ્યોમાં દૈનિક ધોરણે નવા નોંધાઇ રહેલા કેસોની સંખ્યામાં સતત વધારો થઇ રહ્યો છે.

નીચે આપેલો આલેખ ભારતમાં દૈનિક ધોરણે હાથ ધરવામાં આવતા પરીક્ષણો અને દૈનિક પોઝિટીવિટીનો દર દર્શાવે છે. છેલ્લા 12 દિવસમાં દૈનિક પોઝિટીવિટી દર વધીને બમણો થયો છે જે 8.00% થી વધીને 16.29% સુધી પહોંચી ગયો છે.

છેલ્લા એક મહિનામાં રાષ્ટ્રીય પોઝિટીવિટી દર 3.05%થી વધીને 13.54% સુધી પહોંચી ગયો છે. તમામ રાજ્યોમાં છત્તીસગઢમાં સૌથી વધારે સાપ્તાહિક પોઝિટીવિટી દર નોંધાયો છે જે હાલમાં 30.38% છે.

ભારતમાં હાલમાં કુલ સક્રિય કેસોનું ભારણ 18,01,316 સુધી પહોંચી ગયું છે. કુલ નોંધાયેલા પોઝિટીવ કેસોમાંથી સક્રિય કેસોનો આંકડો હવે 12.18% થઇ ગયો છે. છેલ્લા 24 કલાકમાં કુલ સક્રિય કેસોના ભારણમાં 1,21,576 દર્દીનો ચોખ્ખો વધારો થયો છે.

મહારાષ્ટ્ર, છત્તીસગઢ, ઉત્તરપ્રદેશ, કર્ણાટક અને કેરળ આ પાંચ રાજ્યોમાં ભારતના કુલ સક્રિય કેસોમાંથી 65.02% દર્દીઓ છે. માત્ર મહારાષ્ટ્રમાં જ દેશના 38.09% સક્રિય કેસોનું ભારણ છે.

ભારતમાં કુલ સાજા થઇ ગયેલા દર્દીઓની સંખ્યા આજે વધીને 1,28,09,643 સુધી પહોંચી ગયો છે. રાષ્ટ્રીય સાજા થવાનો સરેરાશ દર 86.62% નોંધાયો છે.

છેલ્લા 24 કલાકમાં વધુ 1,38,423 દર્દીઓ સાજા થયા છે.

દેશમાં છેલ્લા 24 કલાકમાં કુલ 1,501 દર્દીનાં મૃત્યુ નોંધાયા છે.

દૈનિક ધોરણે નોંધાયેલા મૃત્યુઆંકમાંથી 82.94% દર્દીઓ દસ રાજ્યોમાંથી છે. મહારાષ્ટ્રમાં એક દિવસમાં સૌથી વધારે 419 દર્દીના મૃત્યુ થયા છે. તે પછીના ક્રમે, દિલ્હીમાં દૈનિક મૃત્યુઆંક 167 નોંધાયો છે.

નવ રાજ્યો/કેન્દ્રશાસિત પ્રદેશોમાં છેલ્લા 24 કલાકમાં કોવિડ-19ના કારણે એકપણ દર્દીનું મૃત્યુ નોંધાયું નથી. આમાં દમણ અને દીવ તેમજ દાદરા અને નગર હવેલી, મેઘાલય, ત્રિપુરા, સિક્કિમ, મિઝોરમ, મણીપુર, લક્ષદ્વીપ, નાગાલેન્ડ અને અરુણાચલ પ્રદેશ છે.

SD/GP/JD