ਬਾਇਓਟੈਕਨੋਲੋਜੀ ਵਿਭਾਗ, ਭਾਰਤ ਸਰਕਾਰ ਦੁਆਰਾ ਸਹਾਇਤਾ ਪ੍ਰਾਪਤ, ਬੀਆਈਆਰਏਸੀ -BIRAC ਦੁਆਰਾ ਲਾਗੂ ਕੀਤਾ ਗਿਆ, ਮਿਸ਼ਨ ਕੋਵਿਡ ਸੁਰੱਖਿਆ ਅਧੀਨ ਟੀਕਾ ਖੋਜ ਕਾਰਜ - ਭਾਰਤੀ ਕੋਵਿਡ-19 ਟੀਕਾ ਵਿਕਾਸ ਮਿਸ਼ਨ, ਕਲੀਨਿਕਲ ਅਜ਼ਮਾਇਸ਼ਾਂ ਲਈ ਤਿਆਰ

ਬਾਇਓਟੈਕਨੋਲੋਜੀ ਵਿਭਾਗ (ਡੀਬੀਟੀ), ਵਿਗਿਆਨ ਅਤੇ ਟੈਕਨੋਲੋਜੀ ਮੰਤਰਾਲੇ ਨੇ ਐਲਾਨ ਕੀਤਾ ਹੈ ਕਿ ਉਸਨੇ ਪੁਣੇ ਸਥਿਤ ਬਾਇਓਟੈਕਨੋਲੋਜੀ ਕੰਪਨੀ ਜੇਨੋਵਾ ਬਾਇਓਫਾਰਮਾਸਿਊਟੀਲਕਸ ਲਿਮਟਿਡ ਦੁਆਰਾ ਵਿਕਸਤ ਕੀਤੇ ਗਏ ਆਪਣੀ ਕਿਸਮ ਦੇ 'ਐੱਮਆਰਐੱਨਏ ਅਧਾਰਿਤ ਕੋਵਿਡ -19 ਟੀਕੇ- ਐੱਚਜੀਸੀਓ19' ਦੇ ਕਲੀਨਿਕ ਅਧਿਐਨ ਲਈ ਵਾਧੂ ਫੰਡਿੰਗ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।

ਇਹ ਫੰਡਿੰਗ ਬਾਇਓਟੈਕਨੋਲੋਜੀ ਇੰਡਸਟਰੀ ਰਿਸਰਚ ਅਸਿਸਟੈਂਸ ਕੌਂਸਲ (ਬੀਆਈਆਰਏਸੀ) ਵਿਖੇ ਡੀਬੀਟੀ ਦੇ ਸਮਰਪਿਤ ਮਿਸ਼ਨ ਲਾਗੂਕਰਨ ਯੂਨਿਟ 'ਮਿਸ਼ਨ ਕੋਵਿਡ ਸੁਰੱਖਿਆ- ਦਿ ਇੰਡੀਅਨ ਕੋਵਿਡ -19 ਟੀਕਾ ਵਿਕਾਸ ਮਿਸ਼ਨ' ਦੁਆਰਾ 'ਕੋਵਿਡ-19 ਟੀਕੇ ਦੇ ਉਮੀਦਵਾਰਾਂ ਦੇ ਵਿਕਾਸ ਲਈ ਮਿਸ਼ਨ ਕੋਵਿਡ ਸੁਰੱਖਿਆ' ਦੇ ਤਹਿਤ 'ਇੱਛਾ ਦੇ ਪ੍ਰਗਟਾਵੇ ਲਈ ਬੇਨਤੀ (REOI)' ਦੇ ਜਵਾਬ ਵਿੱਚ ਜਮ੍ਹਾਂ ਹੋਈਆਂ ਸਾਰੀਆਂ ਅਰਜ਼ੀਆਂ ਦੇ ਮੁਲਾਂਕਣ ਦੇ ਕਈ ਦੌਰਾਂ ਤੋਂ ਬਾਅਦ ਕੀਤੀ ਗਈ ਹੈ।

ਡੀਬੀਟੀ ਸ਼ੁਰੂ ਤੋਂ ਹੀ ਜੇਨੋਵਾ ਦੀ ਸਹਾਇਤਾ ਕਰਦਾ ਰਿਹਾ ਹੈ ਅਤੇ ਉਸਨੇ ਐੱਚਜੀਸੀਓ19 ਦੇ ਵਿਕਾਸ ਲਈ ਸੀਡ ਫੰਡਿੰਗ ਮੁਹੱਈਆ ਕਰਵਾ ਕੇ ਜੇਨੋਵਾ ਦੇ ਐੱਮਆਰਐੱਨਏ ਅਧਾਰਿਤ ਅਗਲੀ ਪੀੜ੍ਹੀ ਦੇ ਟੀਕਾ ਨਿਰਮਾਣ ਪਲੈਟਫਾਰਮ ਦੀ ਸਥਾਪਨਾ ਵਿੱਚ ਸਹਾਇਤਾ ਕੀਤੀ ਹੈ। ਜੇਨੋਵਾ ਨੇ ਐੱਚਡੀਟੀ ਬਾਇਓਟੈਕ ਕਾਰਪੋਰੇਸ਼ਨ, ਯੂਐੱਸਏ ਦੇ ਸਹਿਯੋਗ ਨਾਲ, ਕੋਵਿਡ -19 ਐੱਮਆਰਐੱਨਏ ਟੀਕਾ - ਐੱਚਜੀਸੀਓ19 ਤਿਆਰ ਕੀਤਾ ਹੈ।

ਐੱਚਜੀਸੀਓ19 ਪਹਿਲਾਂ ਹੀ ਸੁਰੱਖਿਆ, ਇਮਯੂਨੋਜੈਨਸਿਟੀ, ਨਿਰਪੱਖ ਐਂਟੀਬਾਡੀ ਕਿਰਿਆ ਨੂੰ ਚੂਹਿਆਂ ਅਤੇ ਗੈਰ-ਮਨੁੱਖੀ ਪ੍ਰਾਇਮਰੀ ਮਾਡਲਾਂ ਵਿੱਚ ਪ੍ਰਦਰਸ਼ਤ ਕਰ ਚੁੱਕਾ ਹੈ। ਚੂਹਿਆਂ ਅਤੇ ਗੈਰ-ਮਨੁੱਖੀ ਪ੍ਰਾਈਮੈਟਸ ਵਿੱਚ ਟੀਕੇ ਦੀ ਨਿਰਪੱਖ ਐਂਟੀਬਾਡੀ ਪ੍ਰਤੀਕ੍ਰਿਆ ਕੋਵਿਡ -19 ਦੇ ਠੀਕ ਹੋ ਚੁੱਕੇ ਰੋਗੀਆਂ ਦੇ ਸੇਰਾ ਨਾਲ ਤੁਲਨਾਤਮਕ ਸੀ। ਜੇਨੋਵਾ ਨੇ ਟੀਕੇ ਦੇ ਉਮੀਦਵਾਰ ਦੀ ਸੁਰੱਖਿਆ ਨੂੰ ਸਥਾਪਤ ਕਰਨ ਲਈ ਡ੍ਰੱਗਜ਼ ਅਤੇ ਕੋਸਮੈਟਿਕਸ (ਨੌਵੀਂ ਸੋਧ) ਨਿਯਮ - 2019 ਦੇ ਅਨੁਸਾਰ, ਦੋ ਪ੍ਰੀ-ਕਲੀਨੀਕਲ ਟੌਕਸਿਟੀ ਅਧਿਐਨ ਪੂਰੇ ਕੀਤੇ ਹਨ ਅਤੇ ਜੈਨੇਟਿਕ ਮੈਨੂਪਲੇਸ਼ਨ (ਆਰਸੀਜੀਐੱਮ) ਦੀ ਸਮੀਖਿਆ ਕਮੇਟੀ ਅਤੇ ਭਾਰਤ ਸਰਕਾਰ ਦੇ ਡਰੱਗਜ਼ ਕੰਟਰੋਲਰ ਜਨਰਲ (ਡੀਸੀਜੀਆਈ) ਦੇ ਦਫ਼ਤਰ, ਕੇਂਦਰੀ ਡਰੱਗਜ਼ ਸਟੈਂਡਰਡ ਕੰਟਰੋਲ ਓਰਗੇਨਾਈਜ਼ੇਸ਼ਨ (ਸੀਡੀਐੱਸਸੀਓ), ਭਾਰਤ ਸਰਕਾਰ, ਤੋਂ ਕਲੀਨਿਕਲ ਅਜ਼ਮਾਇਸ਼ਾਂ ਲਈ ਨਿਯਮਤ ਪ੍ਰਵਾਨਗੀ ਪ੍ਰਾਪਤ ਕਰ ਲਈ ਹੈ। ਜੇਨੋਵਾ ਨੇ ਪੜਾਅ I / II ਦੀਆਂ ਕਲੀਨਿਕਲ ਅਜ਼ਮਾਇਸ਼ਾਂ ਲਈ ਸਿਹਤਮੰਦ ਵਲੰਟੀਅਰਾਂ ਨੂੰ ਦਾਖਲ ਕਰਨ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ।

ਐੱਮਆਰਐੱਨਏ ਟੀਕਿਆਂ ਨੂੰ ਸੁਰੱਖਿਅਤ ਮੰਨਿਆ ਜਾਂਦਾ ਹੈ ਕਿਉਂਕਿ ਐੱਮਆਰਐੱਨਏ ਗੈਰ-ਸੰਕ੍ਰਾਮਕ, ਕੁਦਰਤ ਨਾਲ ਗੈਰ- ਏਕੀਕ੍ਰਿਤ ਅਤੇ ਸਟੈਂਡਰਡ ਸੈਲੂਲਰ ਵਿਧੀ ਦੁਆਰਾ ਡੀਗ੍ਰੇਡੇਬਲ ਹੁੰਦਾ ਹੈ। ਇਹ ਸੈੱਲ ਸਾਈਟੋਪਲਾਜ਼ਮ ਦੇ ਅੰਦਰ ਪ੍ਰੋਟੀਨ ਢਾਂਚੇ ਵਿੱਚ ਟ੍ਰਾਂਸਲੇਟੇਬਲ ਹੋਣ ਦੀ ਆਪਣੀ ਅੰਦਰੂਨੀ ਯੋਗਤਾ ਦੇ ਕਾਰਨ ਬਹੁਤ ਪ੍ਰਭਾਵੀ ਹਨ। ਇਸ ਤੋਂ ਇਲਾਵਾ, ਐੱਮਆਰਐੱਨਏ ਟੀਕੇ ਪੂਰੀ ਤਰ੍ਹਾਂ ਸਿੰਥੈਟਿਕ ਹੁੰਦੇ ਹਨ ਅਤੇ ਇਨ੍ਹਾਂ ਦੇ ਵਿਕਾਸ ਲਈ ਹੋਸਟ, ਜਿਵੇਂ ਕਿ ਅੰਡੇ ਜਾਂ ਬੈਕਟਰੀਆ ਦੀ ਲੋੜ ਨਹੀਂ ਹੁੰਦੀ। ਇਸ ਲਈ, ਇਨ੍ਹਾਂ ਨੂੰ ਸੀਜੀਐੱਮਪੀ ਦੀਆਂ ਸਥਿਤੀਆਂ ਅਧੀਨ ਕਿਫਾਇਤੀ ਤੌਰ ‘ਤੇ ਤੇਜ਼ੀ ਨਾਲ ਨਿਰਮਿਤ ਕੀਤਾ ਜਾ ਸਕਦਾ ਹੈ ਤਾਂ ਜੋ ਇੱਕ ਸਥਿਰ ਅਧਾਰ 'ਤੇ ਵੱਡੇ ਪੱਧਰ ‘ਤੇ ਟੀਕਾਕਰਨ ਲਈ ਉਹਨਾਂ ਦੀ "ਉਪਲਬਧਤਾ" ਅਤੇ "ਪਹੁੰਚਯੋਗਤਾ" ਨੂੰ ਯਕੀਨੀ ਬਣਾਇਆ ਜਾ ਸਕੇ।

ਅਜਿਹੇ ਟੈਕਨੋਲੋਜੀ ਪਲੈਟਫਾਰਮ ਦੀ ਸਥਾਪਨਾ ਭਾਰਤ ਨੂੰ ਕੋਵਿਡ-19 ਮਹਾਮਾਰੀ ਦਾ ਪ੍ਰਬੰਧਨ ਕਰਨ ਵਿੱਚ ਤਾਕਤ ਦੇਵੇਗੀ ਅਤੇ ਭਵਿੱਖ ਦੀ ਕਿਸੇ ਵੀ ਮਹਾਮਾਰੀ ਜਾਂ ਇਸ ਤੋਂ ਬਾਅਦ ਦੇ (ਵਾਇਰਸ ਵਿੱਚ ਤਬਦੀਲੀ, ਗੈਰ-ਵੈਕਸੀਨੇਟਿਡ ਘੱਟ ਖਤਰੇ ਵਾਲੀ ਆਬਾਦੀ, ਨਵਜਾਤ, ਆਦਿ) ਮਹਾਮਾਰੀ ਦੇ ਕਿਸੇ ਪੜਾਅ ਲਈ ਤਿਆਰੀ ਨੂੰ ਇਸ ਦੇ ਤੇਜ਼ ਵਿਕਾਸ ਮਾਰਗ ਦੀ ਵਰਤੋਂ ਨਾਲ ਯਕੀਨੀ ਬਣਾਏਗੀ। ਇਸ ਪਲੇਟਫਾਰਮ ਤਕਨਾਲੋਜੀ ਦੀ ਗਤੀ ਕੋਵਿਡ-19 ਫੈਲਣ ਦੌਰਾਨ ਪਹਿਲਾਂ ਹੀ ਸਾਬਤ ਹੋ ਚੁੱਕੀ ਹੈ ਕਿਉਂਕਿ ਐੱਮਆਰਐੱਨਏ ਉਮੀਦਵਾਰ ਗਲੋਬਲ ਪੱਧਰ ‘ਤੇ ਮਨੁੱਖੀ ਅਜ਼ਮਾਇਸ਼ਾਂ ਵਿੱਚ ਦਾਖਲ ਹੋਣ ਵਾਲਾ ਪਹਿਲਾ ਉਮੀਦਵਾਰ ਟੀਕਾ ਸੀ।

ਡਾ. ਰੇਨੂੰ ਸਵਰੂਪ, ਸਕੱਤਰ, ਡੀਬੀਟੀ, ਅਤੇ ਬੀਆਈਆਰਏਸੀ - BIRAC ਦੀ ਚੇਅਰਪਰਸਨ ਨੇ ਕਿਹਾ, “ਕੋਵਿਡ-19 ਦੀ ਸ਼ੁਰੂਆਤ ਵੇਲੇ, ਡੀਬੀਟੀ ਨੇ ਐੱਮਆਰਐੱਨਏ ਅਧਾਰਿਤ ਕੋਵਿਡ -19 ਟੀਕੇ ਸਮੇਤ ਬਹੁਤ ਸਾਰੇ ਟੀਕਾ ਵਿਕਾਸ ਪ੍ਰੋਗਰਾਮਾਂ ਦੀ ਹਮਾਇਤ ਕੀਤੀ। ਇੱਕ ਸਾਲ ਪਹਿਲਾਂ, ਇਹ ਇੱਕ ਨਵੀਂ ਤਕਨਾਲੋਜੀ ਸੀ ਅਤੇ ਭਾਰਤ ਵਿੱਚ ਟੀਕਾ ਨਿਰਮਾਣ ਲਈ ਕਦੇ ਵੀ ਨਹੀਂ ਵਰਤੀ ਗਈ ਸੀ। ਹਾਲਾਂਕਿ, ਇਸ ਤਕਨਾਲੋਜੀ ਦੀ ਸਮਰੱਥਾ ਵਿੱਚ ਵਿਸ਼ਵਾਸ ਕਰਦਿਆਂ, ਡੀਬੀਟੀ ਨੇ ਜੇਨੋਵਾ ਨੂੰ ਇਸ ਤਕਨਾਲੋਜੀ ਦੇ ਪਲੇਟਫਾਰਮ ਨੂੰ ਸਕੇਲ ਅਪ ਅਤੇ ਉਤਪਾਦਨ ਦੇ ਯੋਗ ਬਣਾਉਣ ਲਈ ਸੀਡ ਫੰਡ ਮੁਹੱਈਆ ਕਰਵਾਏ। ਸਾਨੂੰ ਬਹੁਤ ਮਾਣ ਹੈ ਕਿ ਭਾਰਤ ਦਾ ਪਹਿਲਾ ਐੱਮਆਰਐੱਨਏ ਅਧਾਰਤ ਕੋਵਿਡ -19 ਟੀਕਾ ਕਲੀਨਿਕਾਂ ਵਿੱਚ ਜਾ ਰਿਹਾ ਹੈ।”

ਉਨ੍ਹਾਂ ਇਹ ਵੀ ਦੱਸਿਆ ਕਿ, “ਡੀਬੀਟੀ ਭਾਰਤ ਵਿੱਚ ਬਾਇਓਟੈਕਨੋਲੋਜੀ ਵਿੱਚ ਤਕਨੀਕੀ ਨਵੀਨਤਾ ਨੂੰ ਉਤਸ਼ਾਹਤ ਕਰਨ ਲਈ ਪ੍ਰਤੀਬੱਧ ਹੈ। ਮਿਸ਼ਨ ਕੋਵਿਡ ਸੁਰੱਖਿਆ ਪ੍ਰੋਗਰਾਮ ਦੁਆਰਾ ਸਕੇਲ-ਅਪ ਅਤੇ ਕਲੀਨਿਕਲ ਅਧਿਐਨਾਂ ਨੂੰ ਵੀ ਸਹਾਇਤਾ ਪ੍ਰਦਾਨ ਕੀਤੀ ਗਈ ਹੈ। ਮੈਂ ਜੇਨੋਵਾ ਦੀ ਵੱਡੀ ਸਫਲਤਾ ਲਈ ਕਾਮਨਾ ਕਰਦੀ ਹਾਂ ਕਿਉਂਕਿ ਇਹ ਤਕਨੀਕ ਵਾਇਰਸ ਦੇ ਪਰਿਵਰਤਨਸ਼ੀਲ ਰੂਪਾਂ ਨੂੰ ਸੰਬੋਧਿਤ ਕਰ ਸਕਦੀ ਹੈ।”

ਇਸ ਵਿਕਾਸ ਬਾਰੇ ਬੋਲਦਿਆਂ, ਜੇਨੋਵਾ ਬਾਇਓਫਾਰਮਾਸਿਊਟੀਕਲ ਲਿਮਟਿਡ ਦੇ ਸੀਈਓ, ਡਾ. ਸੰਜੇ ਸਿੰਘ ਨੇ ਕਿਹਾ, ਐੱਚਜੀਸੀਓ19 ਦੀ ਸੁਰੱਖਿਆ ਅਤੇ ਕਾਰਜਕੁਸ਼ਲਤਾ ਸਥਾਪਤ ਕਰਨ ਲਈ ਤਿਆਰ ਕੀਤੇ ਗਏ ਮਨੁੱਖੀ ਕਲੀਨਿਕਲ ਅਜ਼ਮਾਇਸ਼ ਦੀ ਸ਼ੁਰੂਆਤ ਤੋਂ ਪਹਿਲਾਂ ਅਸੀਂ ਐੱਚਜੀਸੀਓ19 ਦੇ ਸਾਰੇ ਲੋੜੀਂਦੇ ਸੁਰੱਖਿਆ ਮੁਲਾਂਕਣ ਚੰਗੇ-ਨਿਰਧਾਰਤ ਮਾਨਦੰਡਾਂ ਅਤੇ ਨਿਯਮਾਂ ਦੇ ਅਨੁਸਾਰ ਕਰਵਾਏ। ਅੱਜ, SARS-CoV2 ਬਿਮਾਰੀ ਦੀ ਸਮੱਸਿਆ ਅਤੇ ਨਵੇਂ ਰੂਪਾਂ ਦੀ ਜੁੜੀ ਦਿੱਖ ਨੇ ਇਸ ਬਿਮਾਰੀ ਨੂੰ ਇੱਕ ਚੱਲਦਾ ਟਾਰਗਿਟ ਬਣਾ ਦਿੱਤਾ ਹੈ। ਸਾਨੂੰ ਵਿਸ਼ਵਾਸ ਹੈ ਕਿ ਐੱਮਆਰਐੱਨਏ ਅਧਾਰਿਤ ਅਤਿ ਆਧੁਨਿਕ ਟੈਕਨੋਲੋਜੀ ਪ੍ਰਭਾਵੀ ਹੱਲ ਵਿਕਸਿਤ ਕਰਨ ਵਿੱਚ ਮਹੱਤਵਪੂਰਣ ਭੂਮਿਕਾ ਅਦਾ ਕਰੇਗੀ।”

ਡੀਬੀਟੀ ਬਾਰੇ

ਵਿਗਿਆਨ ਅਤੇ ਤਕਨਾਲੋਜੀ ਮੰਤਰਾਲੇ ਦੇ ਅਧੀਨ ਬਾਇਓਟੈਕਨੋਲੋਜੀ ਵਿਭਾਗ (ਡੀਬੀਟੀ), ਭਾਰਤ ਵਿੱਚ ਖੇਤੀਬਾੜੀ, ਸਿਹਤ ਸੰਭਾਲ, ਪਸ਼ੂ ਵਿਗਿਆਨ, ਵਾਤਾਵਰਣ ਅਤੇ ਉਦਯੋਗ ਦੇ ਖੇਤਰਾਂ ਸਮੇਤ ਬਾਇਓਟੈਕਨੋਲੋਜੀ ਦੇ ਵਿਕਾਸ ਨੂੰ ਉਤਸ਼ਾਹਿਤ ਕਰਦਾ ਹੈ ਅਤੇ ਇਸ ਵਿੱਚ ਤੇਜ਼ੀ ਲਿਆਉਂਦਾ ਹੈ।

ਬੀਆਈਆਰਏਸੀ -BIRAC ਬਾਰੇ:

ਬਾਇਓਟੈਕਨੋਲੋਜੀ ਇੰਡਸਟਰੀ ਰਿਸਰਚ ਅਸਿਸਟੈਂਸ ਕੌਂਸਲ (ਬੀਆਈਆਰਏਸੀ) ਇੱਕ ਗੈਰ-ਮੁਨਾਫਾ ਸੈਕਸ਼ਨ 8, ਅਨੁਸੂਚੀ ਬੀ, ਪਬਲਿਕ ਸੈਕਟਰ ਐਂਟਰਪ੍ਰਾਈਜ਼ ਹੈ, ਜਿਸ ਨੂੰ ਉਭਰ ਰਹੇ ਬਾਇਓਟੈਕ ਨੂੰ ਮਜ਼ਬੂਤ ​​ਕਰਨ ਅਤੇ ਸਸ਼ਕਤ ਕਰਨ ਲਈ ਇੱਕ ਇੰਟਰਫੇਸ ਏਜੰਸੀ ਦੇ ਰੂਪ ਵਿੱਚ ਬਾਇਓਟੈਕਨੋਲੋਜੀ ਵਿਭਾਗ (ਡੀਬੀਟੀ) ਭਾਰਤ ਸਰਕਾਰ ਦੁਆਰਾ ਨੈਸ਼ਨਲੀ ਢੁੱਕਵੀਂ ਉਤਪਾਦ ਵਿਕਾਸ ਦੀਆਂ ਜ਼ਰੂਰਤਾਂ ਨੂੰ ਸੰਬੋਧਿਤ ਕਰਦਿਆਂ, ਰਣਨੀਤਕ ਖੋਜ ਅਤੇ ਨਵੀਨਤਾ ਲਿਆਉਣ ਦੇ ਉੱਦਮ ਵਜੋਂ ਸਥਾਪਤ ਕੀਤਾ ਗਿਆ ਹੈ।

ਜੇਨੋਵਾ ਬਾਰੇ

ਪੁਣੇ, ਭਾਰਤ ਵਿੱਚ ਸਥਿਤ ਹੈਡਕੁਆਟਰ ਵਾਲੀ, ਜੇਨੋਵਾ ਬਾਇਓਫਾਰਮਾਸਿਊਟੀਕਲ ਲਿਮਟਿਡ, ਇੱਕ ਬਾਇਓਟੈਕਨੋਲੋਜੀ ਕੰਪਨੀ ਹੈ ਜੋ ਵੱਖੋ ਵੱਖਰੇ ਸੰਕੇਤਾਂ ਦੇ ਪਾਰ ਜੀਵਨ ਦੇ ਖਤਰੇ ਵਾਲੀਆਂ (ਲਾਈਫ-ਥਰੈਟਨਿੰਗ) ਬਿਮਾਰੀਆਂ ਦੇ ਹੱਲ ਲਈ ਬਾਇਓਥੈਰਾਪਿਊਟਿਕਸ ਦੇ ਖੋਜ, ਵਿਕਾਸ, ਉਤਪਾਦਨ ਅਤੇ ਵਪਾਰੀਕਰਨ ਲਈ ਸਮਰਪਿਤ ਹੈ। ਹੋਰ ਜਾਣਨ ਲਈ,

https://gennova.bio 'ਤੇ ਜਾਓ।

@ ਡੀਬੀਟੀਆਈਡੀਆ @ BIRAC_2012

(ਵਧੇਰੇ ਜਾਣਕਾਰੀ ਲਈ: ਡੀਬੀਟੀ / ਬੀਆਈਆਰਏਸੀ ਦੇ ਸੰਪਰਕ ਸੰਚਾਰ ਸੈੱਲ

(www.dbtindia.gov.in /www.birac.nic.in) ਨਾਲ ਸੰਪਰਕ ਕਰੋ।

***********

ਆਰਪੀ (ਡੀਬੀਟੀ)