نئی دلّی  ، 11، فروری  ، 2021 : بھارتیہ بحری چوٹی کانفرنس  (ایم آئی  ایس) کا دوسرا ایڈیشن 2  مارچ سے 4  مارچ 2021  تک منعقد کیا جا رہا ہے، جس میں 24  ساتھی ملکوں کے  تقریبا 20000  مندوبین  شرکت کریں گے اور 400 سے  زیادہ  پروجیکٹس کی  نمائش کی جائے گی۔ وزیراعظم جناب نریندر مودی  دو مارچ  کو  بھارتیہ بحری چوٹی کانفرنس 2021  کا افتتاح کریں گے۔ اس  پروگرام کا اہتمام  بندرگاہوں،  جہاز رانی اور  آبی گزر گاہوں  (ایم او پی ایس ڈبلیو) کی وزارت  نے  صنعتی پارٹنر کے طور پر  فکی  اور  نالج پارٹنر  کے طور پر  ای وائی کے ساتھ مل کر کیا۔

نیشنل میڈیا سینٹر میں  ایک  کرٹین ریزر پریس کانفرنس کے دوران  آج  مرکزی  بندر گاہوں، جہاز رانی اور آبی گزر گاہوں کے ذریعے  جناب  منسکھ مانڈویا نے  کہا کہ  بھارتیہ بحری چوٹی کانفرنس بین الاقوامی  تعاون کے لئے  مضبوط  پلیٹ فراہم  کرائے گی اور  پارٹنر ملکوں کو  نالج  اور مواقع  کے باہمی  لین دین کے لئے ساتھ لے کر آئے گی ۔

پریس کانفرنس کے دوران جناب منسکھ مانڈویا  اور سینئر افسران  نے  ایم آئی ایس  2021  کے لئے  ایک بروشر  اور     www.maritimeindiasummit.in ویب سائٹ بھی  لانچ  کی ۔ کووڈ – 19  وبا کی وجہ سے  یہ پوری کانفرنس  ورچوئل پلیٹ فارم  : www.maritimeindiasummit.in.  پر  ہوگی۔ ویزیٹرس اور نمائش کنندگان کے لئے  اس کا رجسٹریشن آج لانچ کے ساتھ شروع ہو گیا ہے۔

بندرگاہوں ، جہاز رانی  اور  آبی گزر گاہوں کی وزارت کے سکریٹری  ڈاکٹر سنجیو رنجن نے  بجٹ 22-2021  کے بندر گاہوں ، جہاز رانی اور  بحری  خطے سے  جڑے اعلانات  کو  مختصرا بتایا  اور انہیں آتم نربھر بھارت  کے  فروغ کے لئے  ایک اہم پہل  بتایا۔ ڈاکٹر رنجن نے کہا کہ  ’’گزشتہ کل پارلیمنٹ میں  اہم بندرگاہ اتھارٹیز بل 2020  کے  منظور ہونے کے ساتھ ہی  بڑی تعداد میں نئے مواقع  کے دروازے کھلیں گے۔

ایم آئی ایس 2021  ایک  مخصوص  پلیٹ فارم  فراہم کرائے گا، جس میں  دنیا بھر کے  اہم  جہاز رانی  اور  ٹرانسپورٹ  کے وزیر  ؍  اعلی ٰ  افسران  ذاتی طور پر  اور  ورچوئل طریقے سے موجود ہوں گے۔ بھارت کے  سمندر سے  ملحقہ  ریاستیں  اس کے خصوصی اجلاس میں  حصہ لیں گی۔ اس چوٹی کانفرنس میں  ایک خصوصی سی ای او فورم  اور مختلف  موضوع ؍ بریک آؤٹ  سیشن  بھی  شامل کئے جائیں گے۔

ایم آئی ایس 2021  سے متعلق  مزید  معلومات کے لئے  اس ویب سائٹ پر  :www.maritimeindiasummit.in پر جاسکتے ہیں۔

( ش ح۔   ف ا۔  ق ر )

    (12-04-2021 )

U.NO. 3596