ভর্চুএল ওইনা ২০২১গী মার্চ ২দগী মার্চ ৪ ফাওবা পাংথোক্কদবা ২শুবা মেরিতাইম ইন্দিয়া সমিৎ ২০২১দা দেলিগেদ ২০,০০০ রোম শরুক য়াগনি, লৈবাক ২৪ শরুক য়াগনি অমসুং প্রোজেক ৪০০ হেন্না উৎকনি। মার্চ ২দা প্রধান মন্ত্রী শ্রী নরেন্দ্র মোদীনা সমিৎ হৌদোক্কনি। থৌরম অসি পোর্তস, সিপ্পিং অমসুং ৱাতরৱেজ মিনিস্ত্রিনা এফ.আই.সি.সি.আই অমসুং ই.ৱাইগা পুন্না শীনবনি।

ঙসি নেসনেল মেদিয়া সেন্তরদা পাংথোকপা কর্তেন রাইজর প্রেস কনফরেন্স অমদা ৱা ঙাংবদা পোর্তস, সিপ্পিং অমসুং ৱাতরৱেজগী মিনিস্তর শ্রী মনসুখ মান্দাবিয়ানা হায়খি মেরিতাইম ইন্দিয়া সমিৎনা মালেমগী ওইনা মতেং পাংনবগী শক্তি লৈবা মফম অমা পীরগনি অমসুং শরুক য়ারিবা লৈবাকশিং লৌশিং অমসুং খুদোংচাবশিং পীথোক-পীশিন তৌনরগনি।

Photo

মিনিস্তর অমসুং সেনিয়র ওফিসিএলশিংনা প্রেস কনফরেন্স মনুংদা সমিৎকী ব্রোচিয়র অমা অমসুং ৱেবসাইত www.maritimeindiasummit.in হাংদোকখি। কোবি-১৯ লাইচৎনা মরম ওদিনা সমিৎ অসি ভর্চুএল ওইনা www.maritimeindiasummit.in.দা পাংথোক্কনি। ঙসিদগী ভিজিতরশিং অমসুং একজিবিতরশিংগী রেজিস্ত্রেসন হৌরে।

পোর্তস, সিপ্পিং অমসুং ৱাতরৱেজ মিনিস্ত্রিগী সেক্রেতরি, দোক্তর রজিব রঞ্জন্না হায়খি বজেত ২০২১-২২দা পোর্তস, সিপ্পিং অমসুং মেরিতাইম সেক্তরগা মরী লৈনবশিং লাউথোক্লে অমসুং মখোয়না অত্মনির্ভর ভারত য়োকখৎকনি। ঙরাং সংসদতা মেজর পোর্তস ওথোরিতিস বিল ২০২০ পাস তৌখিবদগী অনৌবা খুদোংচাবা কয়া ফংলগনি।

মেরিতাইম ইন্দিয়া সমিৎ ২০২১না মমিং লৈরবা মালেমগী সিপ্পিং অমসুং ত্রান্সপোর্ত মিনিস্তরশিং/শক্নাইরবশিং হকথেংন্না অমসুং ভর্চুএল ওইনা শরুক য়ানবগী অখন্নবা মফম  অমা পীরগনি। ভারতকী সমুদ্র মপান্দা লৈবা রাজ্যশিং সমিৎ অসিদা শরুক য়াগনি। সমিৎ অসি সি.ই.ওশিংগী অখন্নবা সেসনশিং পাংথোক্কনি।

মখা তাবা অকুপ্পা পাউ সমিৎকী ৱেবসাইদ www.maritimeindiasummit.in দগী ফংগনি।

*****