ਰਕਸ਼ਾ ਮੰਤਰੀ ਸ਼੍ਰੀ ਰਾਜਨਾਥ ਸਿੰਘ ਨੇ ਅੱਜ 09 ਅਪ੍ਰੈਲ 2021 ਨੂੰ ਨਵੀਂ ਦਿੱਲੀ ਵਿੱਚ ਰਿਪਬਲਿਕ ਆਫ ਕਜ਼ਾਖ਼ਸਤਾਨ ਦੇ ਵਿਦੇਸ਼ ਮੰਤਰੀ ਲੈਫਟੀਨੈਂਟ ਜਨਰਲ ਨੂਰਲਾਨ ਯਰਮੇਕਬਏਵ ਨਾਲ ਦੁਵੱਲੇ ਮਾਮਲਿਆਂ ਬਾਰੇ ਗੱਲਬਾਤ ਕੀਤੀ । ਮੀਟਿੰਗ ਦੌਰਾਨ ਦੋਹਾਂ ਮੰਤਰੀਆਂ ਨੇ ਰੱਖਿਆ ਅਭਿਆਸ ਅਤੇ ਸਮਰੱਥਾ ਉਸਾਰੀ ਤੇ ਸਪਲਾਈ ਦੁਆਰਾ ਦੁਵੱਲੇ ਰੱਖਿਆ ਸਹਿਯੋਗ ਨੂੰ ਹੋਰ ਮਜ਼ਬੂਤ ਕਰਨ ਲਈ ਵਿਚਾਰਾਂ ਦਾ ਆਦਾਨ ਪ੍ਰਦਾਨ ਕੀਤਾ । ਦੋਵੇਂ ਇਸ ਗੱਲ ਤੇ ਸਹਿਮਤ ਸਨ ਕਿ ਦੋਨੋਂ ਧਿਰਾਂ ਨੂੰ ਆਪਸੀ ਹਿੱਤਾਂ ਲਈ ਰੱਖਿਆ ਉਦਯੋਗ ਭਾਈਵਾਲੀ ਦੀ ਸੰਭਾਵਨਾ ਦਾ ਲਾਜ਼ਮੀ ਪਤਾ ਲਗਾਉਣਾ ਚਾਹੀਦਾ ਹੈ ।
ਕਜ਼ਾਖ਼ਸਤਾਨ ਦੇ ਰੱਖਿਆ ਮੰਤਰੀ ਨੇ ਲੇਬਨਾਨ ਵਿੱਚ ਯੁਨਾਇਟੇਡ ਨੇਸ਼ਨਸ ਇਨਟਰਿਮ ਫੋਰਸ ਵਿੱਚ ਭਾਰਤੀ ਬਟਾਲੀਅਨ ਦੇ ਇੱਕ ਹਿੱਸੇ ਵਜੋਂ ਕਜ਼ਾਖ਼ ਫੌਜੀ ਟੁਕੜੀਆਂ ਨੂੰ ਤਾਇਨਾਤ ਕਰਕੇ ਮੌਕਾ ਦੇਣ ਲਈ ਧੰਨਵਾਦ ਕੀਤਾ । ਦੋਹਾਂ ਮੰਤਰੀਆਂ ਨੇ ਸਲਾਨਾ ਕਾਜਿ਼ੰਦ ਅਭਿਆਸ ਦੀ ਸਕਰਾਤਮਕ ਸਮੀਖਿਆ ਵੀ ਕੀਤੀ ।
ਚੀਫ ਆਫ ਡਿਫੈਂਸ ਸਟਾਫ ਜਨਰਲ ਬਿਪਿਨ ਰਾਵਤ , ਜਲ ਸੈਨਾ ਮੁਖੀ ਐਡਮਿਰਲ ਕਰਮਬੀਰ ਸਿੰਘ , ਰੱਖਿਆ ਸਕੱਤਰ ਡਾਕਟਰ ਅਜੇ ਕੁਮਾਰ , ਸਕੱਤਰ (ਰੱਖਿਆ ਉਤਪਾਦਨ) ਸ਼੍ਰੀ ਰਾਜ ਕੁਮਾਰ ਅਤੇ ਰੱਖਿਆ ਮੰਤਰਾਲੇ ਦੇ ਹੋਰ ਸੀਨੀਅਰ ਸਿਵਲ ਅਤੇ ਮਿਲਟ੍ਰੀ ਅਧਿਕਾਰੀ ਇਸ ਮੌਕੇ ਹਾਜ਼ਰ ਸਨ ।
ਲੈਫਟੀਨੈਂਟ ਜਨਰਲ ਨੂਰਲਾਨ ਯਰਮੇਕਬਏਵ 07 ਤੋਂ 10 ਅਪ੍ਰੈਲ 2021 ਤੱਕ ਭਾਰਤ ਦੇ ਸਰਕਾਰੀ ਦੌਰੇ ਤੇ ਹਨ । ਉਹਨਾਂ ਨੇ ਜੋਧਪੁਰ ਵਿੱਚ ਹੈੱਡਕੁਆਰਟਰ 13 ਕੋਰਪਸ ਅਤੇ ਜੈਸਲਮੇਰ ਵਿਚਲੇ ਲੋਂਗੇਵਾਲਾ ਖੇਤਰ ਦਾ ਦੌਰਾ ਵੀ ਕੀਤਾ । ਕਜ਼ਾਖ਼ ਰੱਖਿਆ ਮੰਤਰੀ ਭਾਰਤ ਵਿੱਚ ਰਕਸ਼ਾ ਮੰਤਰੀ ਦੇ ਸੱਦੇ ਤੇ ਆਏ ਹਨ ।
                                       *********

ਏ ਬੀ ਬੀ / ਕੇ ਏ / ਡੀ ਕੇ / ਐੱਸ ਏ ਵੀ ਵੀ ਵਾਈ