ಆಮ್ಲಜನಕ ಪುಷ್ಟೀಕರಣ ಘಟಕ ಒಂದು ಸಾಧನವಾಗಿದ್ದು, ಇದು ನಮ್ಮ ಸುತ್ತಮುತ್ತಲಿನ ಆಮ್ಲಜನಕವನ್ನು ತುಂಬಿಕೊಂಡು ನೈಟ್ರೋಜನ್ ಅನ್ನು ಆಯ್ದು ದೂರಮಾಡಿ, ಶುದ್ಧ ಪುಷ್ಟೀಕರಿಸಿದ  ಆಕ್ಸಿಜನ್ ಅನ್ನು ಪೂರೈಸುತ್ತದೆ. ಈ ರೀತಿ ಸಾಂದ್ರೀಕರಿಸಿದ ಆಮ್ಲಜನಕವನ್ನು ಆಕ್ಸಿಜನ್ ಮಾಸ್ಕ್ ಅಥವಾ ನೇಸಲ್ ಕಾನ್ನುಲಾ (ಮೂಗಿನ ತೂರುನಳಿಗೆ) ಮೂಲಕ ಉಸಿರಾಟದ ಕಾಯಿಲೆಗಳಿರುವ ರೋಗಿಗಳಿಗೆ ಪೂರೈಸಲಾಗುವುದು. ಈ ಸಾಧನವನ್ನು ದೂರದ ಗುಡ್ಡಗಾಡು ಪ್ರದೇಶಗಳಲ್ಲಿ, ಮನೆಗಳಲ್ಲಿ ಅಥವಾ ಆಸ್ಪತ್ರೆಗಳಲ್ಲಿ ಬಳಕೆ ಮಾಡಬಹುದು. ಇದನ್ನು ದೀರ್ಘಕಾಲದ ಪ್ರತಿರೋಧಕ ಶ್ವಾಸಕೋಶದ ಕಾಯಿಲೆಗಳು -ಕ್ರಾನಿಕ್ ಅಬ್ಸ್ಟ್ರಕ್ಟಿವ್ ಪಲ್ಮನರಿ ಡಿಸೀಸ್(ಸಿಒಪಿಡಿ), ಕ್ರಾನಿಕ್ ಹೈಫೋಕ್ಸೀಮಿಯಾ ಮತ್ತು ಪಲ್ಮನರಿ ಎಡಿಮಾ ಕಾಯಿಲೆಗಳಿರುವ ರೋಗಿಗಳಿಗಾಗಿ ಬಳಸಲಾಗುವುದು. ಇದನ್ನು ಗಂಭೀರ ಸ್ಲೀಪ್ ಅಪ್ನಿಯ ಇರುವವರಿಗೆ ಸಹಾಯಕ ಚಿಕಿತ್ಸೆಯಾಗಿ ಬಳಸಬಹುದು.

ಸಿಎಸ್ಐಆರ್ – ಸಿಎಂಇಆರ್ ಐ ಈ ಆಕ್ಸಿಜನ್ ಪುಷ್ಟೀಕರಣ ಘಟಕವನ್ನು  ದೇಶೀಯವಾಗಿ ಅಭಿವೃದ್ಧಿಪಡಿಸಿದ್ದು, ಪ್ರೆಷರ್ ಸ್ವಿಂಗ್ ಅಡ್ಸಾರ್ಪ್ಷನ್(ಪಿಎಸ್ಎ) ತತ್ವದಡಿ  ಅದು ಕಾರ್ಯನಿರ್ವಹಿಸುತ್ತದೆ ಮತ್ತು ಕೆಲವು ಒತ್ತಡದ ಸಂದರ್ಭಗಳಲ್ಲಿ ನೈಟ್ರೋಜನ್ ಆಯ್ದು ಹೊರಹಾಕಲು ಜಿಯೋಲೈಟ್ ಕಾಲಮ್ ಗಳನ್ನು ಬಳಕೆ ಮಾಡುತ್ತದೆ. ಆ ಮೂಲಕ ಆಕ್ಸಿಜನ್  ಸಾಂದ್ರತೆಯನ್ನು ಹೆಚ್ಚಿಸುತ್ತದೆ. ಈ ಆಕ್ಸಿಜನ್ ಪುಷ್ಟೀಕರಣ ಘಟಕದಲ್ಲಿ ಕಂಪ್ರಸರ್, ಸೋಲೆನಾಯ್ಡ್ ಆಪರೇಟೆಡ್ 3/2 ವಾಲ್ವಸ್ , ಫ್ಲೋ ಮೀಟರ್ ಮತ್ತು ಪ್ರಿ-ಫಿಲ್ಟರ್ ಉಪ ವ್ಯವಸ್ಥೆಗಳಿರುತ್ತವೆ. ಕಂಪ್ರಸರ್ ಒತ್ತಡಕ್ಕೊಳಗಾದ ಗಾಳಿಯನ್ನು ಮಾಡ್ಯೂಲ್ ಗೆ ಪೂರೈಕೆ ಮಾಡುತ್ತದೆ ಮತ್ತು ಅದು ನೈಟ್ರೋಜನ್ ಮೇಲೆ ಅದರ ಆದ್ಯತೆಯ ಪ್ರವೇಶದಿಂದಾಗಿ ಆಮ್ಲಜನಕವು  ಪುಷ್ಟೀಕರಣಗೊಳ್ಳುತ್ತದೆ. ಗಾಳಿಯಲ್ಲಿನ ಕಣಗಳು, ವೈರಾಣು, ಬ್ಯಾಕ್ಟೀರಿಯಾ ಮತ್ತಿತರ ಕಣಗಳನ್ನು ಹೆಪಾ ಫಿಲ್ಟರ್  ಶೋಧಿಸುತ್ತವೆ. ಈ ಘಟಕವನ್ನು ಬೆಂಗಳೂರಿನ ಟಿಯುವಿ ರೈನ್ ಲ್ಯಾಂಡ್ ನಲ್ಲಿ ಐಇಸಿ 60601-1 3.1 ಆವೃತ್ತಿಯ ಪರೀಕ್ಷೆ ನಡೆಸಲಾಗಿದೆ.  2012ರ ವಿದ್ಯುನ್ಮಾನ ಸುರಕ್ಷತಾ ಮಾನದಂಡಗಳನ್ನು ಪಾಲನೆ ಮಾಡಲಾಗಿದೆ. ಮತ್ತು ಸಿಎಸ್ಐಆರ್ – ಸಿಎಂಇಆರ್ ಐನಲ್ಲಿ ಆಮ್ಲಜನಕ ಪುಷ್ಟೀಕರಣ ಶೇಕಡಾವಾರು ಹರಿವನ್ನು ಪರೀಕ್ಷಿಸಲಾಗಿದೆ. ಈ ಆಮ್ಲಜನಕ ಪುಷ್ಟೀಕರಣ ಘಟಕವನ್ನು ಸಿಎಸ್ಐಆರ್ – ಸಿಎಂಇಆರ್ ಐ ಅಭಿವೃದ್ಧಿಪಡಿಸಿದ್ದು, ಇದು 30 ಎಲ್ ಪಿಎಂ ಆಕ್ಸಿಜನ್ ಪುಷ್ಟೀಕರಣದ ವರೆಗೆ ಪೂರೈಸುವ ಸಾಮರ್ಥ್ಯವನ್ನು ಹೊಂದಿದೆ. ಇದು ವಾಣಿಜ್ಯೀಕವಾಗಿ ಈಗಾಗಲೇ ಲಭ್ಯವಿರುವ ಘಟಕಗಳಲ್ಲಿ  ಇದಿಲ್ಲ. ಈ ಯಂತ್ರ 0.5 ಐಪಿಎಂವರೆಗಿನ ನಿಖರತೆಯ ಹರಿವನ್ನು ನಿಯಂತ್ರಿಸುತ್ತದೆ. ಈ ಸೌಕರ್ಯ ಅಧಿಕ ಹರಿವಿನ ಆಕ್ಸಿಜನ್ ಥೆರಪಿಗೆ ಸಹಕಾರಿಯಾಗುವುದಲ್ಲದೆ ಇದು ಕೋವಿಡ್-19 ರೋಗಿಗಳ ನಿರ್ವಹಣೆ ಮತ್ತು ಚಿಕಿತ್ಸೆಗೆ ಅತ್ಯುತ್ತಮ ವಿಧಾನ ಎಂಬುದು ಸಾಬೀತಾಗಿದೆ.

ವಾಣಿಜ್ಯಿಕವಾಗಿ ಸದ್ಯ ಲಭ್ಯವಿರುವ ಆಕ್ಸಿಜನ್ ಪುಷ್ಟೀಕರಣ ಘಟಕಗಳು ಸಾಮಾನ್ಯವಾಗಿ ಸಮುದ್ರ ಮಟ್ಟದಿಂದ 8,000 ಅಡಿ ಎತ್ತರದ ವರೆಗೆ ಕಾರ್ಯ ನಿರ್ವಹಿಸುತ್ತದೆ. ಆದರೆ ಇವು ಆಪ್ಷನಲ್ ಪ್ಲಗ್ಗಿನ್ ಮಾದರಿಯಲ್ಲಿ ಈ ಘಟಕವನ್ನು 14,000 ಅಡಿ ಎತ್ತರದ ವರೆಗೆ ಕಾರ್ಯನಿರ್ವಹಿಸುವಂತೆ ಮಾಡಬಹುದು. ಸಂಕಷ್ಟಗಳ ಸಮಯದಲ್ಲಿ ಯುದ್ಧ ಭೂಮಿ ಮತ್ತು ಮುಂಚೂಣಿ ಪ್ರದೇಶಗಳಲ್ಲಿ ಇದನ್ನು ಬಳಸುವುದು ಸುಲಭ.

ದೇಶದ ಇತರೆ ಸಂಶೋಧನಾ ಸಂಸ್ಥೆಗಳೂ ಸಹ ಇಂತಹ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಿವೆ. ಆದರೆ ಸಿಎಸ್ಐಆರ್ – ಸಿಎಂಇಆರ್ ಐ ವ್ಯವಸ್ಥೆ ಶೇ.93ರಷ್ಟು ಆಮ್ಲಜನಕ ಸಾಂದ್ರತೆ ಮಟ್ಟದ ಹೊರ ಹರಿವನ್ನು ಹೊಂದಿದೆ ಮತ್ತು ಸುಮಾರು ಶೇ.27-35ರಷ್ಟು ಹೊರ ಹರಿವನ್ನು ನೀಡುವುದಕ್ಕೆ ಹೋಲಿಸಿದರೆ ಇವು ಐದು ಎಲ್ ಪಿಎಂ ಹೊಂದಿದ್ದು, ತೀರಾ ಮುಂದಿದೆ. ಈ ಘಟಕದ ಕಾರ್ಯಕ್ಷಮತೆಯ ಮಾನದಂಡವನ್ನು ಪರಿಶೀಲಿಸಲಾಗಿದ್ದು, ಅದು ಪ್ರತಿಷ್ಠಿತ ಬಹು ರಾಷ್ಟ್ರೀಯ ಕಂಪನಿಗಳಿಗೆ ಸಮಾನವಾಗಿದೆ.

ಸಿಎಸ್ಐಆರ್ – ಸಿಎಂಇಆರ್ ಐನ ನಿರ್ದೇಶಕರಾದ ಪ್ರೊ||(ಡಾ.) ಹರೀಶ್ ಹಿರಾನಿ ವ್ಯವಸ್ಥೆಯ ಕುರಿತು ಮಾತನಾಡಿ, ಸಿಎಸ್ಐಆರ್ – ಸಿಎಂಇಆರ್ ಐ ಅಭಿವೃದ್ಧಿಪಡಿಸಿರುವ ಈ ಆಮ್ಲಜನಕ ಪುಷ್ಟೀಕರಣ ಘಟಕ ಮನೆಗಳಲ್ಲಿ, ಆಸ್ಪತ್ರೆಗಳಲ್ಲಿ, ದೂರ ನಿರ್ಗಮ ಗ್ರಾಮೀಣ ಪ್ರದೇಶಗಳಲ್ಲಿ ಮತ್ತು ನಿರ್ಜನ ಪ್ರದೇಶಗಳಲ್ಲಿ, ರಕ್ಷಣಾ ಪಡೆಗಳಿಗೆ ಅತ್ಯಂತ ಉಪಯುಕ್ತವಾಗಲಿದೆ. ಇದು ಕೋವಿಡ್-19 ರೋಗಿಗಳಿಗೆ ಚಿಕಿತ್ಸೆ ನೀಡಲು ಅತ್ಯಂತ ಹೆಚ್ಚು ಪರಿಣಾಮಕಾರಿ ಹಾಗೂ ಅನುಕೂಲಕರವಾಗಲಿದೆ ಎಂದರು. ಈ ಘಟಕ ಆಕ್ಸಿಜನ್ ಸಿಲಿಂಡರ್ ಗಳು ಮತ್ತು ವೆಂಟಿಲೇಟರ್ ಗಳ  ಬೇಡಿಕೆ ತಗ್ಗಿಸುವುದಲ್ಲದೆ, ವಾಯುಮಾಲಿನ್ಯ ಹೆಚ್ಚಾಗುವ ಕಾರಣ  ಇದರ ಬೇಡಿಕೆಯೂ ಕ್ರಮೇಣ ಹೆಚ್ಚಾಗಲಿದೆ. ಏಕೆಂದರೆ ಗರಿಷ್ಠ ಆರೋಗ್ಯಕರ ವಾತಾವರಣಕ್ಕೆ ಸೂಕ್ತ ಆಮ್ಲಜನಕ ಮಟ್ಟ ಕಾಯ್ದುಕೊಳ್ಳಲು ಇದು ಅತ್ಯಂತ ಉಪಯುಕ್ತವಾಗಿದೆ.

ಈ ಘಟಕದ ವೆಚ್ಚ ಅಂದಾಜು 35,000 ರೂ. ತಗುಲಲಿದೆ. ಈ ತಂತ್ರಜ್ಞಾನವನ್ನು ತೆಲಂಗಾಣದ ರಂಗಾರೆಡ್ಡಿ ಜಿಲ್ಲೆಯ ಮೆಸರ್ಸ್ ಜೆನ್ ಮೆಡಿಕಲ್ ಟೆಕ್ನಾಲಜೀಸ್ ಪ್ರೈವೆಟ್ ಲಿಮಿಟೆಡ್ ಗೆ ಹಸ್ತಾಂತರಿಸಲಾಗಿದೆ.

***