প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা ভারতকী মহৌশাগী রিসোর্স শিজিন্নদুনা মালেমগী ওইবা চিঞ্জাক পুথোকপগী মাংজিল থাবা কাঙলুপ অমা ওইহন্নবা অমসুং লুপা করোর ১০৯০০গী শেনফম লৈরিবা মালেমগী কৈথেলদা ভারতকী ব্রান্দগী চিঞ্জাক্কী পোত্থোকশিংবু শৌগৎনবগীদমক্তা সেন্ত্রেল সেক্তর স্কিম ওইরিবা “প্রদক্সন লিঙ্ক ইন্সেন্তিব স্কিম ফোর ফুদ প্রোসেসিং ইন্দস্ত্রী (পি.এল.আই.এস.এফ.পি.আই.)”গী অয়াবা পীখ্রে।

স্কিম অসিগী পান্দমঃ

স্কিম অসিগী পান্দমদি ভারতকী অচৌবা ব্রান্দ লৈহন্নবগীদমক্তা ইন্সেন্তিব পীদুনা প্রোসেসিং তৌবা ঙম্বগী মতিক অমসুং মীরমদা ব্রান্দিং তৌবা হেনগৎনিংবা য়োনবগী চাং খ্বাইদগী নেম্বা অমসুং অনেম্বা চাংগী শেল থাদনিংবা পোত্থোক পুথোকপগী এন্তাইতীশিংবু শৌগৎপনিঃ

• মালেমগী থাক্তা চিঞ্জাক পুথোকপদা মাংজিল থাবা কাঙলুপ শেমগৎপদা তেংবাংবা;
• চিঞ্জাক্কী পোত্থোক্কী মতাংদা খনগৎলবা ভারতকী ব্রান্দশিংবু মপাঙ্গল হেপ্তুনা মালেমদা মমিং চৎহনবা অমসুং মালেমগী কৈথেলদা হেন্না পাম্নহনবা;
• ওফ-ফার্মগী থবকশিংদা থবক পীবগী খুদোংচাবা হেন্না লৈহনবা,
• লবুক্কী পোত্থোকশিংগী মতিক চাবা মমল লৈহনবা অমসুং লৌমীশিংগী চাগা হেনগৎহনবা।

মপুং ওইবা মওংশিং-

• অহানবা মওং অসিনা চিঞ্জাক্কী পোত্থোক্কী মরু ওইবা  কাঙলুপ মরি, মিং ওইনা পল্লবদা- থোংবা য়ারবা/চাবা য়ারবা (আর.তি.সি./আর.তি.ই.) চিঞ্জাকশিং, প্রোসেস তৌরবা উহৈ অমসুং হেঞ্জাং-নাপীশিং, সমুদ্রগী পোত্থোকশিং, মোজারেল্লা চীজনচিংবা শাবদা ইন্সেন্তিব পীবগা মরী লৈনৈ।
• ফ্রী রেঞ্জ য়েরুম, পোলত্রী মীৎ, কাঙলুপ্সহিং অসিগী মনুং চনবা য়েরুমগী পোত্থোকশিং য়াওনা এস.এম.ই.শিংগী অনৌবা ওইবা/ওর্গানিক্কী পোত্থোকশিংসু হীরম অসিগী মনুং চলহনলি
• খনগৎলবা এপ্লিকেন্তশিং অসিনা মখোয়গী এপ্লিকেসন্দা (খ্বাইদগী নেম্বগী চাং ইন্দুনা) পনবগুম্না অহানবা চহি অনি, হায়বদি- ২০২১-২২ অমসুং ২০২২-২৩গী মনুংদা প্লান্ত অমসুং মেছিনরীদা শেল থাদবগী মথৌ তাই।
• ইং ২০২০-২১দা শেল থাদখিবশিংসু হায়রিবা হীরম অসিগী মনুং চন্না লৌগনি।
• পীথোক্লবা য়োনবগী খ্বাইদগী য়ামদবা চাং অমসুং পল্লিবা শেল থাদবগী হীরমশিং অসি অনৌবা/ওর্গানিক পোত্থোকশিং শাবগী খনগৎলবা এন্তাইতীশিংগী ওইনদি চৎনরোই।
• অনিশুবা হীরম অসিনা ভারতকী অচৌবা ব্রান্দ লৈহন্নবগীদমক্তা ব্রান্দিং তৌবা অমসুং মীরমদা পোৎ য়োনবগী মতাংদা ইন্সেন্তিব পীদুনা শৌগৎপগা মরী লৈনৈ।
• মীরমদা ভারত ব্রান্দবু খুমাং চাউশিলহন্নবগীদমক্তা, স্কিম অসিনা ইন-স্তোর ব্রান্দিং, পোৎ থমফম ৱায়বা অমসুং য়োনবগী ওইনা এপ্লিকান্ত এন্তাইতীশিংদা গ্রান্ত পীবগী ৱাফম য়াওরি।
• স্কিম অসি ইং ২০২১-২২দগী ২০২৬-২৭ ফাওবগী চহি ৬কী ওইনা পায়খৎকনি।

থবক পীবা ঙম্বগী মতিক য়াওনা মসিনা পীগদবা চৈথেং-

• স্কিম অসিবু থবক ওইনা পায়খৎপনা প্রোসেসিং তৌবগী মতিকপু হেনগৎহন্দুনা লুপা করোর ৩৩,৪৯৪গী প্রোসেস তৌরবা চিঞ্জাক পুথোকপা ঙমহনগনি অমসুং;
• ইং ২০২৬-২৭ ফাওবগী মনুংদা চাউরাকপা মীওই লাখ ২.৫গী থবক পীগনি।

• শেল থুমগী চৈথেং-

• থবক ওইনা পাংথোকপগী থৌরাং অমসুং পান্দমঃ
• স্কিম অসি ভারত পুম্বগী ওইনা থাদোক্কনি।
• স্কিম অসি প্রোজেক্ত মেনেজমেন্ত এজেন্সী (পি.এম.এ.)গী খুত্থাংদা পায়খৎকনি।
• পি.এম.এ. অসিনা এপ্লিকেসন/ৱাহৌদোক শেন্নবা, শৌগৎপা য়াই হায়বা লেপ্পা, ইন্সেন্তিব থাদোকপগী মতিক চারবা ক্লেমশিং য়েংশিনবগী থৌদাং লৌগনি।
• ইং ২০২৬-২৭ ফাওবগী অরোইবগী চহি ৬কী ইন্সেন্তিব অসি স্কিম অসিগী মখাদা পীগনি। অখন্নবা চহি অমগী পীগদবা ইন্সেন্তিব অসি মথংগী চহিদা পীফম থোক্কনি। স্কিম অসিগী অশাংবা অসি চহি ৬ ওইগনি, হায়বদি- ২০২১-২২দগী ২০২৬-২৭।
• স্কিম অসি “অকক্নবা শেম্ফম”গীনি, হায়বদি, চঙগদবা শেনফম অসি য়ারবা শেনফমগী মতুং ইনগনি। বেনিফিশরী অমদা পীফম থোকপা খ্বাইদগী য়াম্বা শেমফম অসি বেনিফিশরী অদুবু অয়াবা পীবা মতমদা লেপকনি। মহাক্কী থবক্না কয়া-য়াম্না নীংথিরবসু, মসিগী অকক্নবা শেনফম অসিদগী কৈদৌনুংদা হেনগৎলোই।
• স্কিম অসিবু থবক ওইনা পায়খৎপনা লুপা করোর ৩৩,৪৯৪গী প্রোসেস তৌরবা চিঞ্জাক পুথোকপা অমসুং ইং ২০২৬-২৭ ফাওবদা চাউরাকপা মীওই লাখ ২.৫দা থবক পীবা ঙমদুনা প্রোসেসিং তৌবগী মতিকপু হেনগৎহনগনি।

স্কিম অসিবু থবক ওইনা পায়খৎপাঃ

• স্কিম অসি কেবিনেৎ সেক্রেতরীনা লুচিংবা মপাঙ্গল লৈহল্লবা সেক্রেতরীগী কাঙলুপ্না কেন্দ্রগী থাক্তগী য়েংশিনগনি।
• ফুদ প্রোসেসিং ইন্দস্ত্রী মন্ত্রালয়না স্কিম অসিগী মনুং চনগদবা এপ্লিকেন্ত খনবা, ইন্সেন্তিব ওইনা শেনফম পীবগী অয়াবা পীবা অমসুং কায়থবগী থবকশিংগী অয়াবা পীগনি।
• মন্ত্রালয় অসিনা স্কিম অসিবু থবক ওইনা পাংথোকপদা মনুং চনগদবা থবক-থৌরম কয়া য়াওবা চহিগী ওইবা এক্সন প্লান শেমগনি।
• থর্দ পার্তী ইভালুএসন অমসুং মিদ-তর্ম মেকানিজম অমসু প্রোগ্রাম অসিগী মনুংদা লৈহনগনি।

নেস্নেল পোর্তেল অমসুং এম.আই.এস.-

• স্কিম অসিদা য়াওনিংবা ইন্তর্প্রাইসশিংনা স্কিম অসিদা য়াওনবা এপ্লাই তৌনবগীদমক্তা লৈবাক্কী থাক্কী পোর্তেল অমা শেমগনি।
• স্কিম অসিগী থবক-থৌরম খুদিংমক নেস্নেল পোর্তেল অসিদগী পাংথোক্কনি।

পুন্সিনবগী ফ্রেমৱর্ক

• এম.ও.এফ.পি.আই.না পায়খৎপা প্রধান মন্ত্রী কিসান সম্পদা য়োজনা (পি.এম.কে.এস.ৱাই.)গী মখাদা অপিকপা অমসুং ময়াই ওইবা ফুদ প্রোসেসিং ইন্তর্প্রাইসশিংবু সপ্লাই চেন ইনফ্রাস্ত্রকচর মপাঙ্গল কনখৎহনবা, প্রোসেসিং কেপাসিতী হেনগৎহনবা, ইন্দস্ত্রীগী ওইনা শিজিন্নগদবা লম হেনগৎহনবা, স্কিল দিভেলপমেন্ত, আর. অমসুং দি.দা তেংবাংবা, তেস্তিং ফেসিলিতী লৈহনবনচিংবা হীরমদা শৌগৎকনি।
• অতোপ্পা মন্ত্রালয়/বিভাগ কয়া অমা, মিং ওইনা পল্লবদা, এগ্রিকলচর কো-ওপরেসন অমসুং ফার্মর্স ৱেলফিয়র বিভাগ, এনিমেল হসবেন্দরী অমসুং দাইরীইং, ফিশরীজ, প্রোমোসন ওফ ইন্দস্ত্রীএল অমসুং ইন্তর্নেল ত্রেদ, কম্মর্সনচিংবশিংনা পায়খৎপা স্কিম কয়া অমসু ফুদ প্রোসেসিং সেক্তরগী শাহৌ লৌবগী মতাংদা হকথেংননা নত্ত্রগা নাকোইননা মরী লৈনরি।
• হায়রিবা স্কিম অসিগী মখাদা চল্লিবা এপ্লিকেন্তশিংদা অয়াবগী মতুং ইন্না অতোপ্পা স্কিমশিংগী কান্নবা লৌবা য়াহনগনি। হীরম অসিগী মতাংদা, অতোপ্পা পি.এল.আই. স্কিমগী মনুং চনবগী মতাংদা অতোপ্পা স্কিমগা মরী লৈনবগী মতাংদা করিমত্তা খন্নরোই।

বেকগ্রাউন্দঃ

• ভারতকী ফুদ প্রোসেসিং সেক্তরশিংগী মনুংদা মাইক্রোদগী অচৌবা ইন্তর্প্রাইসশিং য়াওনা কাঙলুপ খুদিংগী পোত্থোক শাবগী ইন্তর্প্রাইসশিং মনুং চল্লি।
• ভারতনা রিসোর্স শিজিন্নবা, লৈবাক্কী অচৌবা কৈথেল লৈজবা অমসুং ভেল্যু হাপ্লবা পোত্থোকশিং খুমাং চাউশিলহনবগী ওইথোকহনবা য়াবগী মতাংদা চাংয়েংনবা ঙম্বগী কান্নবা লৈ।
• সেক্তর অসিগী অপুনবা তৌবা ঙম্বগী মতিক ফংবগীদমক্তা ভারতকী কম্পেনীশিংনা মখোয়গী চাংয়েংনবা ঙম্বগী পাঙ্গলশিংবু মখোয়গী মালেমগী ওইবা চাংয়েংনরিবশিংগা মান্ননা পোত্থোক পুথোকপা ঙম্বগী চাং, পোত্থোক পুথোকপা, ভেল্যু হাপচিনবা অমসুং মালেমগী ভেল্যু চেনগা মরী লৈনবগী হীরমশিং ফগৎহনবগী মথৌ তাই।
• ফুদ প্রোসেসিং ইন্দস্ত্রীগীদমক্তা প্রদক্সন লিঙ্ক ইন্সেন্তিব শেম্বা অসি “ভারতকী পোত্থোক পুথোকপা অমসুং মীরমদা পোত্থোক থাদোকপা হেনগৎহন্নবা আত্মানির্ভর ভারত অভিয়ান”গী মখাদা পায়খৎপা নিতি অয়োগকী প্রদক্সন লিঙ্ক ইন্সেন্তিবতা য়ুম্ফম ওইরগনি।

*****