ফাইনান্স মন্ত্রালয়গী এক্সপেন্দিচর দিপার্তমেন্তনা য়ুমশকৈশ নুমিৎতা লোকেল বোদীশিং অসিদা গ্রান্ত-ইন-এইদ ফংহন্নবগীদমক রাজ্যশিংদা লুপা কোতি ৪,৬০৮গী শেনফম রিলিজ তৌখি৷ গ্রান্তশিং অদু রুরেল লোকেল বোদীশিং(আর.এল.বি.শিং) অমসুং আর্বান লোকেল বোদীশিং(য়ু.এল.বি.শিং) অনিমক্কিনি৷ মসিগী মনুংদা আর.এল.বি.শিংনা লুপা কোতি ২,৬৬০গী শেনফম ফংলগনি অমসুং য়ু.এল.বি.শিংনা লুপা কোতি ১,৯৪৮গী শেনফম ফংলগনি৷ গ্রান্তশিং অসি ১৫শুবা ফাইনান্স কম্মিসনগী রিকমেন্দেসনগী মতুং ইন্না রিলিজ তৌখিবনি৷

ফাইনান্সিয়েল চহী ২০২০-২১দা, ফাইনান্স মন্ত্রালয়না রাজ্য ২৮দা লোকেল বোদী গ্রান্তশিং ওইনা পুন্না লুপা কোতি ৮৭,৪৬০গী শেনফম রিলিজ তৌখ্রে৷ মসিগী মনুংদা, আর.এল.বি.শিংগী ওইনা লুপা কোতি ৬০,৭৫০গী শেনফম রিলিজ তৌখ্রে অদুগা য়ু.এল.বি.শিংগী ওইনা লুপা কোতি ২৬,৭১০গী শেনফম রিলিজ তৌখ্রে৷

আর.এল.বি. গ্রান্তশিং অসি পঞ্চয়ততা লৈরিবা তাইয়র পুম্নমক-ভিলেজ, ব্লোক অমসুং দিস্ত্রিক অমসুং রাজ্যশিংদা লৈরিবা ৫শুবা অমসুং ৬শুবা সেদ্যুল এরিয়াশিং মনুং চল্লি৷ মহৌশানা আর.এল.বি. গ্রান্তশিং অসি শরুক খরদি বেসিক ওই অমসুং খরনা তাইদ গ্রান্তশিং ওই৷ বেসিক গ্রান্তশিং অসি আর.এল.বি.শিংনা মফম অদুগী তঙাই ফদবশিং অদুগী মতুং ইন্না শিজিন্নবা য়াই৷ অদুগা অমরোমদা তাইদ গ্রান্তশিং অসিদি বেসিক সর্ভিসশিং খক্তমক্কী ওইনা (a) সেনিতেসন অমসুং ওপন-দিফিকেসন ফ্রী স্তেতস (ও.দি.এফ.)ফংবা ঙম্নবা হোৎনবা (b) থক্নবা ইশিং, নোংগী ইশিং য়োকশিনবা অমসুং ৱাতর সাইক্লিংদা শিজিন্নগদবনি৷ ২০২০-২১ চহী অসিদা, মন্ত্রালয় অসিনা লুপা কোতি ৩২,৭৪২.৫০গী বেসিক আর.এল.বি. গ্রান্ত অমসুং লুপা কোতি ২৮,০০৭.৫০গী তাইদ আর.এল.বি. গ্রান্ত রিলিজ তৌখ্রে৷

য়ু.এল.বি. গ্রান্তশিং অসি কাংলুপ অনি থোক্না ফংহল্লি (a) মিলিয়ন প্লস সিতীশিংগী গ্রান্তশিং অমসুং (b) নন-মিলিয়ন প্লস সিতীশিংগী গ্রান্তশিং৷ ২০২০-২১দা মন্ত্রালয় অসিদগী মিলয়ন প্লস সিতীশিংনা লুপা কোতি ৮,৩৫৭গী গ্রান্ত ফংখ্রে অমসুং নন-মিলিয়ন প্লস সিতীশিংনা লুপা কোতি ১৮,৩৫৪গী গ্রান্ত ফংখ্রে৷

মিলিয়ন প্লস সিতীশিংগী ওইনা য়ুমশকৈশ নুমিৎতা লুপা কোতি ১,৮২৪গী শেনফম অমা রিলিজ তৌখ্রে৷ মিলিয়ন প্লস সিতীশিং অসিদা পীরিবা গ্রান্ত পুম্নমক মহৌশানা তাইদ ওই৷ হায়রিবা গ্রান্তশিং অসি ফংননবা, পি.এম. ১০ অমসুং পি.এম. ২.৫গী এনুয়েল এভেরেজ কন্সেন্ত্রেসনগী মতুং ইন্না অফবা এয়র ক্বালিতী লৈহনবদা পান্দম থমদুনা মিলিয়ন প্লস সিতীশিংনা সিতীগী ওইবা অমসুং মফম-মফমগী ওইবা তার্গেৎশিং শেমগৎপা তঙাই ফদে৷ অসিগুম্বা সিতীশিং অসিদা থাদরিবা গ্রান্তশিং অসি এনবাইরোনমেন্ত, ফোরেস্ত অমসুং ক্লাইমেত চেঞ্জকী মন্ত্রালয়(এম.ও.ই.এফ. অমসুং সি.সি.)না য়েংশিল্লগনি অমসুং লাক্লিবা ইমপ্রুবমেন্ত অদুসু নৈনরগনি৷ এম.ও.ই.এফ. অমসুং সি.সি.না সোর্চ এপোইন্তমেন্ত স্তদীশিং, এয়র ক্বালিতী মোনিতরিং নেতৱার্ক শেমগৎলগনি অমসুং হায়রিবা সিতীশিংগী অসিগী এয়র ক্বালিতী দাতা অদু অপদেৎ তৌরগনি৷

এয়র ক্বালিতী ফগৎনবা হোৎনরিবা অসিগী মথক্তা, মিলিয়ন প্লস সিতীশিং অসিদা পীরিবা গ্রান্তশিং অসি প্লান আর্বানাইজেসনগী ওইনা য়াম্না মরু ওইনা চংবা সোলিদ ৱেস্ত মেনেজমেন্ত নিংথীনা পাংথোকপা, ইশিং হেন্না য়োকশিনবা, সপ্লাই তৌবা অমসুং হেন্না নিংথীনা শিজিন্নবা অসিগসু মরী লৈনৈ৷ মসিগী মচাক অসিগী ওইনদি, হাউজিং অমসুং আর্বান এফিয়র্স মন্ত্রালয় অসি নোদেল মন্ত্রালয় ওই অমসুং হায়রিবা শহরশিং অসিদা গ্রান্তশিং কাইথবগী অমসুং শহর-শহরগী ওইনা অমসুং চহী-চহীগী ওইবা তার্গেৎশিং ফংনবা হোৎনরিবা অসি মসিনা থৌদাং লৌরি৷

ইশিংগী ফিভম ফগৎহন্নবা অমসুং সোলিদ ৱেস্ত মেনেজমেন্ত নিংথীনা পাংথোক্নবা গ্রান্ত অসিগী মরী লৈনবা ৱাতর সপ্লাই অমসুং সোলিদ ৱেস্ত মেনেজমেন্তদা কা হেন্না শেল থাদরগনি৷ রাজ্যশিং অসিনা কোপাসিতী দিবলপমেন্তগীদমক দিতেল প্রোজেক্ত রিপোর্ত অমা শেমগৎপা তঙাই ফদে অমসুং সর্ভিস লেবেল বে়ঞ্চৱার্ক অসি ফংবা ঙম্নবা ইনফ্রাস্ত্রকচর ইসুশিং অসি ময়ামদা খঙহনবা তঙাই ফদে৷
নন-মিলিয়ন প্লস সিতীশিংগী ওইনদি,  ২০২০-২১ চহী অসিদা গ্রান্ত-ইন-এইদ ওইনা লুপা কোতি ১৮,৩৫৪গী শেনফম রিলিজ তৌখ্রে৷ মসিগী মনুংদা ৫০%দি বেসিক গ্রান্ত ওই অদুগা লেমহৌরিবা ৫০% অসিদি (a) থক্নবা ইশিং (নোংগী ইশিং য়োকশিনবা অমসুং রিসাইক্লিং) অমসুং (b) সোলিদ ৱেস্ত মেনেজমেন্ত অসিদা তাইদ গ্রান্ত ওই৷ মসিগী শেনফম অসি তোঙান তোঙানবা সেন্ত্রেল্লী স্পোন্সর্দ স্কিমশিং খুদম ওইনা স্বছ ভারত মিসন, অতল মিসন ফোর রেজুবিনেসন অমসুং আর্বান ত্রান্সফোর্মেসন(এ.এম.আর.য়ু.তি.)গী মখাদা ফংহল্লিবা ফন্দশিং অদুগী মথক্তনি৷

রাজ্যশিংনা গ্রান্তশিং অসি ৱার্কিং দে ১০গী মনুংদা লোকেল বোদীশিং অসিদা ত্রান্সফর তৌগদবনি৷ হায়রিবা মতম অসিদগী থেংথবা তারবদি রাজ্য সরকারশিংনা শেন্দোইগা লোইননা লোকেল বোদীশিং অসিদা গ্রান্তশিং অসি থাদোক্কনি৷

*****