కేంద్ర వాణిజ్య, పరిశ్రమలు, రైల్వేలు, వినియోగదారుల వ్యవహారాలు, ఆహార ప్రజా పంపిణీ  శాఖ‌ల స‌హాయ మంత్రి పియూష్ గోయల్ యునైటెడ్ ‌స్టేట్స్‌ ట్రేడ్ రిప్రజెంటేటివ్ (యుఎస్‌టీఆర్) రాయబారి కేథరీన్ థాయ్‌తో స‌మావేశ‌మయ్యారు. 25 మార్చి 2021న వీడియో కాల్ ద్వారా జ‌రిగి ఈ స‌మావేశం ఎంతో ఫ‌ల‌ప్ర‌దంగా సాగింది. యుఎస్‌టీఆర్‌గా నియ‌మితులైన‌ ఎంఎస్ కేథరీన్ థాయ్‌ని శ్రీ పియూష్ గోయల్ ఈ సంద‌ర్భంగా అభినందించారు. అనేక సమస్యలపై చర్చించారు. భారతదేశం-యు.ఎస్. వాణిజ్య, పెట్టుబడి సంబంధాల‌ను మ‌రింత బ‌లోపేతానికి ఇరువురు స‌మ్మ‌తించారు. ఒకే ర‌క‌మైన ఆలోచనాత్మకత క‌లిగిన‌ ప్రజాస్వామ్యపు దేశాల మధ్య ఆర్థిక భాగస్వామ్యాన్ని పటిష్టం చేయడం. విధానాల బహిరంగతం, పారదర్శకత, సరసమైన వాణిజ్యం సూత్రాలను సమర్థిస్తూ ఆర్థిక భాగ‌స్వామ్యాన్ని బ‌లోపేతం చేసేకునే దిశ‌గా ఈ చ‌ర్చ‌లు ముందుకు సాగాయి. భాగస్వామ్య లక్ష్యాల ఆధారంగా భారతదేశం -అమెరికా ఆర్థిక సహకారాన్ని మరింత బ‌లోపేతం చేయడానికి మరియు పరస్పర సంభాషణ, చర్చల ద్వారా పెండింగ్‌లో ఉన్న వివిధ దీర్ఘాక‌లిక‌ సమస్యల పరిష్కరానికి ఇరుప‌క్షాల వారు అంగీకరించారు. భార‌త్‌- అమెరికా ట్రేడ్ పాలసీ ఫోరంను(టీపీఎఫ్) బలోపేతం చేయడానికి.. 2021లో ఫోరమ్ యొక్క తదుపరి మంత్రుల‌ స్థాయి సమావేశాన్ని ఏర్పాటు చేయడానికి ఇరు వ‌ర్గాల వారు అంగీకరించారు.
                           

****