রোদ ত্রান্সপোর্ত অমসুং হায়ৱেজ অমসুং মাইক্রো, স্মোল এন্দ মীদিয়ম ইন্তরপ্রাইজেস মন্ত্রী শ্রী নিতিন গদকরীনা লৈপাকপোকপা নুমিৎতা ভিদিও কনফেন্সিংগী খুত্থাংদা বেম্বু তেক্নোলোজী, প্রদক্তশিং অমসুং সর্ভিসেসকী ভর্চ্যুএল একজিবিসন অমদা ৱা ঙাংখ্রে। একজিবিসন অসি ইন্দিয়ন ফেদরেসন ওফ গ্রীন ইনর্জী (আই.এফ.জি.ই.)না পাঙথোকখিবনি।

মহাক্কী ৱারোলদা শ্রী গদকরীনা ৱাগী দিমান্দ হেনগৎহনবা মথৌ তারে হায়না ফোঙদোকখি। মহাক্না হায় ৱা অসি কোইলাগী মহুৎ শিন্নবা পাম্বৈ অমা ওইনা শিজিন্নবা য়াবগী পোতেন্সিএল লৈ অমসুং কনস্ত্রক্সনদসু শিজিন্নবা য়াগনি। শ্রী গদকরীনা হায় এন.ঐচ.এ.আই.গী লম্বী পুম্নমক্তা অথুবদা লিমোন অমসুং  য়ুবী মকুগী মোম্পাকশিং শোইদনা শিজিন্নবা হৌরগনি। মহাক্না লিমোন, য়ুবী মকু অমসুং ৱাগুম্বা য়েলহৌঙৈদগী লৈরক্লবা মচাক-মথুমশিং অসি চাউখৎহনদুনা তোঙান তোঙানবা মওংদা মখোয়গী শিজিন্নফমশিং লৈ হায়না পাউদমখি। শ্রী গদকরীনা স্তেকহোল্দর পুম্নমক্না পুন্না হোৎনদুনা ভারত্তা বেম্বু ইন্দস্ত্রী অসি লুপা করোর লিশিং ২৫-৩০গী মমল য়ৌবা ঙম্লগনি হায়না থাজবা ফোঙদোকখি। তেক্নোজীনা উৎলবা, শেল চংদবা অমসুং ফজনবা প্রদক্ত দিজাইন তৌবনা ৱা শিজিন্নবা হেনগৎহনগনি অমুসং মসিগী দিমান্দ লৈহনগনি অমসুং থৌগৎকনি, মসিনা মীয়ামদা বেম্বু প্লান্তেসন তৌনবা থৌগৎকনি। মহাক্না এম.এস.এম.ই. মন্ত্রালয়দগী ৱা অসি থৌগৎনবগা মরী লৈনবা স্কীম অমা হেক্তগীদমক্তা মতেং পুম্নমক পীগনি হায়না থাজবা পীখি। মন্ত্রীনা ঐখোয়না রিসর্চ হেন্না তৌবা, প্রদক্ত দিবেলপমেন্ত, মার্কেৎ সপ্পোর্তকীদমক্তা চুন্নবা লালোং হেন্না পাইখৎপা মথৌ তাই হায়না ফোঙদোকখি। মহাক্না রেলৱেজতগী ৱা অমসুং ৱাগী চৈশিংগীদমক চাদা ৫০গী সবসিদী লৌনবা হোৎনরি হায়নসু ফোঙদোকখি। ৱা শিজিন্নবা অমসুং ৱাগী মথৌ তাবা হেনগৎহনবনা মাগী প্লান্তেসন হেনগৎহনগনি হায়না থাজবা থমখি। মহাক্না হায় বাইও-সি.এন.জি. অমসুং মৈতান শাবদা শিজিন্নবসু য়াগনি অমসুং বেম্বু মিসনদগী অখন্নবা গ্রান্তশিংগী মতেংগা লোইননা আই.আই.তি.শিংনা মখা তানা রিসর্চ তৌবা য়াগনি হায়না মহাক্না ফোঙদোকখি।

মপুং ফাবা এদ্রেস: https://www.youtube.com/watch?v=IfZBPjgcDE0

*****