രാജ്യരക്ഷാ മന്ത്രാലയം
ഇന്ത്യൻ കരസേനയ്ക്ക് 4,960 ആന്റി ടാങ്ക് ഗൈഡഡ് മിസൈലുകൾ വിതരണം ചെയ്യാനുള്ള കരാർ പ്രതിരോധമന്ത്രാലയം BDL മായി ഒപ്പുവച്ചു
Posted On:
19 MAR 2021 12:04PM by PIB Thiruvananthpuram
ന്യൂഡൽഹി , മാർച്ച് 19, 2021
ഇന്ത്യൻ കരസേനയ്ക്ക് 1,188 കോടി രൂപ ചിലവിൽ 4,960 മിലൻ 2T ആന്റി ടാങ്ക് ഗൈഡഡ് മിസൈലുകൾ (ATGMs) വിതരണം ചെയ്യാനുള്ള കരാർ , പൊതുമേഖലാ പ്രതിരോധ ഉത്പന്ന വികസന സ്ഥാപനമായ ഭാരത് ഡൈനാമിക്സ് ലിമിറ്റഡും, പ്രതിരോധമന്ത്രാലയവും തമ്മിൽ 2021 മാർച്ച് 19ന് ഒപ്പുവച്ചു
BDL മായി ഇതിന് സമാനമായ മറ്റൊരു കരാർ 2016 മാർച്ച് എട്ടിന് ഒപ്പിട്ടിരുന്നു .
ഫ്രാൻസ്ആസ്ഥാനമായ MBDA മിസൈൽ സിസ്റ്റംസിന്റെ ലൈസെൻസോടു കൂടി BDL നിർമ്മിക്കുന്ന മിലൻ 2T മിസൈലുകൾക്ക് 1,850 മീറ്റർ വരെയുള്ള ലക്ഷ്യസ്ഥാനങ്ങളെ ഭേദിക്കാൻ സാധിക്കും.
തറയിൽ നിന്നും , വാഹനങ്ങളിൽ നിന്നും ഒരുപോലെ വിക്ഷേപിക്കാൻ സാധിക്കുന്ന ഈ മിസൈലുകൾക്ക് , ശത്രുരാജ്യങ്ങളുടെ പ്രതിരോധ- ആക്രമണ ടാങ്കുകളെ ഒരുപോലെ നശിപ്പിക്കാൻ കഴിയും
ഇവയെ സൈന്യത്തിന്റെ ഭാഗമാക്കി മാറ്റാനുള്ള നടപടികൾ മൂന്ന് വർഷത്തിനുള്ളിൽ പൂർത്തീകരിക്കുന്നതാണ്
IE/SKY
*****
(Release ID: 1706061)
Visitor Counter : 175