പ്രധാനമന്ത്രി ശ്രീ നരേന്ദ്ര മോദി  നാളെ (2021 മാർച്ച് 12 ന് ) അഹമ്മദാബാദിലെ സബർമതി ആശ്രമത്തിൽ നിന്ന് 'പദയാത്ര'  (സ്വാതന്ത്ര്യ മാർച്ച്) ഫ്ലാഗുചെയ്യുകയും ‘ആസാദി കാ അമൃത് മഹോത്സവിന്റെ’ (ഇന്ത്യ @ 75) നാന്ദി കുറിച്ചുകൊണ്ടുള്ള പരിപാടികൾക്ക് സമാരംഭം കുറിക്കുകയും ചെയ്യും.  ഇന്ത്യ @ 75 ആഘോഷങ്ങൾക്കായുള്ള   മറ്റ് സാംസ്കാരിക, ഡിജിറ്റൽ സംരംഭങ്ങളും  പ്രധാനമന്ത്രി  ആരംഭിക്കും. കൂടാതെ സബർമതി ആശ്രമത്തിൽ നടക്കുന്ന സമ്മേളനത്തെയും അഭിസംബോധന ചെയ്യും. രാവിലെ 10: 30 ന് ആരംഭിക്കുന്ന ചടങ്ങിൽ ഗുജറാത്ത് ഗവർണർ ശ്രീ ആചാര്യ ദേവവ്രത് , കേന്ദ്ര സഹമന്ത്രി  ശ്രീ പ്രഹളാദ് സിംഗ് പട്ടേൽ, ഗുജറാത്ത് മുഖ്യമന്ത്രി ശ്രീ വിജയ് രൂപാനി എന്നിവരും പങ്കെടുക്കും.

ആസാദി കാ അമൃത് മഹോത്സവ്

ഇന്ത്യയുടെ സ്വാതന്ത്ര്യത്തിന്റെ 75-ാം വാർഷികത്തിന്റെ ഓർമയ്ക്കായി കേന്ദ്ര  ഗവൺമെന്റ് സംഘടിപ്പിക്കുന്ന പരിപാടികളുടെ ഒരു പരമ്പരയാണ് ആസാദി കാ അമൃത് മഹോത്സവ്. ജന പങ്കാളിത്തത്തോടെയുള്ള ഒരു ജനകീയ  മഹോത്സവമായിട്ടായിരിക്കും ആഘോഷ  പരിപാടികൾ സംഘടിപ്പിക്കുക.

അനുസ്മരണത്തിന് കീഴിൽ ഏറ്റെടുക്കേണ്ട വിവിധ പരിപാടികളുടെ നയങ്ങളും ആസൂത്രണങ്ങളും രൂപപ്പെടുത്തുന്നതിനായി ആഭ്യന്തരമന്ത്രിയുടെ നേതൃത്വത്തിൽ ദേശീയ നടപ്പാക്കൽ സമിതി രൂപീകരിച്ചു. നാന്ദി  പ്രവർത്തനങ്ങൾ  2022 ഓഗസ്റ്റ് 15 ന്  75 ആഴ്ച മുമ്പ്   2021 മാർച്ച് 12 മുതൽ    ആരംഭിക്കുന്നു.

പദയാത്ര 

അഹമ്മദാബാദിലെ സബർമതി ആശ്രമം മുതൽ നവസാരിയിലെ ദണ്ഡി  വരെ 81 മാർച്ചുകൾ പ്രധാനമന്ത്രി ഫ്ലാഗ് ഓഫ് ചെയ്യുന്ന പദയാത്ര  ഏറ്റെടുക്കും. 241 മൈൽ യാത്ര ഏപ്രിൽ 5 ന് അവസാനിക്കും, ഇത് 25 ദിവസം നീണ്ടുനിൽക്കും. ദണ്ഡിയിലേക്കുള്ള യാത്രാമധ്യേ വിവിധ സംഘങ്ങൾ   പദയാത്രയിൽ ചേരും. കേന്ദ്ര മന്ത്രി ശ്രീ. പ്രഹ്ളാദ്  സിംഗ് പട്ടേൽ 75 കിലോമീറ്റർ പാഡിയാത്രയുടെ ആദ്യ ഘട്ടത്തിന്  നേതൃത്വം നൽകും.

ഇന്ത്യ @ 75 ന്  കീഴിലുള്ള നാന്ദി  സംരംഭങ്ങൾ 

ഒരു ഫിലിം, വെബ്‌സൈറ്റ്, ഗാനം, ആത്മനിർഭർ  ചർക്ക, ആത്മനിർഭർ ഇൻകുബേറ്റർ തുടങ്ങിയ ഇന്ത്യ @ 75 എന്ന പ്രമേയം  പ്രകാരമുള്ള പ്രവർത്തനങ്ങളുടെ ഉദ്ഘാടനത്തിന് പരിപാടി സാക്ഷ്യം വഹിക്കും.

മേൽപ്പറഞ്ഞ സംരംഭങ്ങൾക്കൊപ്പം, രാജ്യത്തിന്റെ അജയ്യമായ  ചേതനയെ  അവതരിപ്പിക്കുന്ന ഒരു സാംസ്കാരിക പരിപാടിയും സംഘടിപ്പിക്കും. അതിൽ സംഗീതം, നൃത്തം,   ഭരണഘടനയുടെ ആമുഖത്തിന്റെ വായന (രാജ്യത്തിന്റെ വിവിധ പ്രദേശങ്ങളെ പ്രതിനിധീകരിച്ചു കൊണ്ട്   ഓരോ വരിയും വ്യത്യസ്ത ഭാഷയിൽ, ) എന്നിവ ഉൾപ്പെടും. യുവജനശക്തിയെ ചിത്രീകരിക്കുന്നത്, ഇന്ത്യയുടെ ഭാവി എന്ന നിലയിൽ ഗായകസംഘത്തിൽ 75 ശബ്ദങ്ങളും 75 നർത്തകരും പരിപാടിയിൽ അണിനിരക്കും. 

സംസ്ഥാന, കേന്ദ്ര ഭരണ പ്രദേശ  ഗവണ്മെന്റുകളും  2021 മാർച്ച് 12 ന് രാജ്യത്തുടനീളം പരിപാടികൾ സംഘടിപ്പിക്കുന്നു. ഈ പരിപാടികൾക്ക് പുറമേ, സാംസ്കാരിക മന്ത്രാലയത്തിന് കീഴിലുള്ള മേഖലാ സാംസ്കാരിക കേന്ദ്രങ്ങൾ , ആർക്കിയോളജിക്കൽ സർവേ ഓഫ് ഇന്ത്യ,  യുവജനകാര്യ മന്ത്രാലയം, ട്രിഫെഡ്  ,  എന്നിവയും   വിവിധ പ്രവർത്തനങ്ങൾ ആസൂത്രണം ചെയ്തിട്ടുണ്ട്.