ভারতকী সস্তেনেবল দিবেলপমেন্ত গোল্স (এস.দি.জি.) ইন্দেক্সকী অহুমশুবা রেন্দিসন মার্চ ১০, ২০২০দা নিতি আয়োগনা হৌদোক্কনি। ২০১৮গী দিসেম্বরদা অহানবা ওইনা হৌদোকখিবা ইন্দেক্স অসিনা লৈবাক্কী এস.দি.জি.শিংগী খোঙজেল য়েংশিন্নবা মরু ওইবা খুৎলাই অমা ওইখি মসিগা ইরোইননা রাজ্যশিং অমসুং য়ুনিয়ন তেরিতোরীশিংগী মরক্তা চাংদম্নবা হেনগৎহনখি। নিতি আয়োগকী সি.ই.ও. শ্রী অমিতাব কান্ত, স্তেতিস্তিক্স এন্দ প্রোগ্রাম ইমপ্লিমেন্তেসন মন্ত্রালয়গী সেক্রেতরী দা. কে. শিবাজি, য়ুনাইতেদ নেসন্স রেদিদেন্ত কোওর্দিনেতর মিস রিনেতে লোক-দেস্সাললিয়ন, অমসুং ভারতকী য়ু.এন.দি.পি.গী রেসিদেন্ত রিপর্জেন্তেতিব মিস শোকো নোদা য়াওদুনা নিতি আয়োগকী ভাইস চিয়রপর্সন দা. রাজিব কুমারনা এস.দি.জি. ইন্দিয়া ইন্দেক্স এন্স দেশবোর্দ ২০২০-২১ হৌদোক্কনি। নিতি আয়োগনা দিজাইন অমসুং দিবেলপ তৌখিবা ইন্দেক্স অসি মরু ওইবা স্তেকহোল্দরশিং – রাজ্যশিং অমসুং য়ুনিয়ন তেরিতোরীশিং; ভারত্তা লৈবা য়ুনাইতেদ নেসন্সকী লুচিং মখাদা লৈবা য়ু.এন. এজেন্সীশিং, স্তেতিস্তিক্স এন্দ প্রোগ্রাম ইমপ্লিমেন্তেসন মন্ত্রালয় (এম.ও.এস.পি.আই.) অমসুং মরু ওইবা কেন্দ্রগী মন্ত্রালয়শিংগা লোইননা কুপ্পা খন্নরবা মতুংদা শেমখিবনি।

এস.দি.জি. ইন্দিয়া ইন্দেক্স এন্দ দেশবোর্দ, ২০২০-২১: পার্তনরশিপ্স ইন দি দিকেদ ওফ এক্সন

ইন্দেক্স অসিনা নেস্নেল অমসুং সব-নেস্নেল থাক্তা লৈবাক অসিনা গ্লোবেল গোলশিং অমসুং তার্গেৎশিং অসি থুংহন্নবা চংশিল্লিবা খোঙচৎকী খোঙজেল ওনখি অমসুং মসিগা লোইননা সস্তেনেবিলিতী, রেজিলেন্স অমসুং পার্তনরশিপশিংকী পাউজেল পীনবা এদভোকেসীগী খুৎলাই অমা ওইনা মাই পাক্না শিজিন্নখি। ২০৩০গী এজেন্দা মাই পাক্নবা চংশিল্লিবা খোঙচৎ অসিগী শরুক অহুম থোকপগী অমা তুংদা লৈহৌবগা লোইননা ইন্দেক্স রিপোর্তকী ইদিসন অসিনা পার্তনরশিপশিংগী মরু ওইবদা মীৎয়েং থমদুনা “এস.দি.জি. ইন্দিয়া ইন্দেক্স এন্স দেশবোর্দ ২০২০-২১: পার্তনরশিপ্স ইন দি দিকেদ ওফ এক্সন” হায়না মিংথোনখ্রে।

লেপ্পা নাইদনা বেঞ্চমার্ক পর্ফোর্মেনস পীনবা অমসুং খোঙজেল ওন্নবা, অমসুং রাজ্যশিং অমসুং য়ু.তি.শিংগী খ্বাইদগী নৌবা এস.দি.জি.গা মরী লৈনবা দেতা ফংহনবগী মথৌ তাবা অদুদা য়ুম্ফম ওইরগা মরু ওইবা খুৎলাই অসি ইদিসন খুদিংদা শেমদোক্নবা অমসুং ফগৎহন্নবা থৌরাং অসি পাইখৎখি। ২০১৮-১৯গী অহানবা ইদিসন্দা গোল ১৩, তার্গেৎ ৩৯ অমসুং ইন্দিকেতর ৬১ কভর তৌবা ঙমখিবা অদুনা অনিশুবদা গোল ১৭, তার্গেৎ ৫৪ অমসুং ইন্দিকেতর ১০০ য়ৌহনখি; মসিগী অহুমশুবা ইদিসন অসিনা গোল ১৭, তার্গেৎ ৭০ অমসুং ইন্দিকেতর ১১৫ কভর তৌরি।

মেথোদোলোজী অমসুং প্রোসেস

ইন্দেক্স অসি শেম্বা অমসুং শেম্বগী মেথোদোলোজী অসিদা রাজ্যশিং অমসুং য়ু.তি.শিংগী এস.দি.জি.শিংগী পর্ফোর্মেন্স ওন্নবা মপুং ওইবা পান্দমশিং; অহেনবা মীৎয়েং মথৌ তাবা লমশিং খঙদোকপদা রাজ্যশিং অমসুং য়ু.তি.শিংগী মতেং পাংবা; অমসুং মখোয় মশেলগী মরক্তা অফবা মওংদা চাংদম্ননবা থৌগৎপা হায়রিবশিং অসি ওইথোকপা ঙমহনখি। ইন্দেক্স হোৎলিবা অসি অহানবগী গোল ১৬গী ইন্দিকেতরশিং লোইননা গোল ১৭কী ক্বালিতেতিব এসেসমেন্তদা য়ুম্ফম ওইখি। তার্গেৎ সেত্তিংগী তেক্নিকেল প্রোসেস অমসুং স্কোরশিং নোর্মেলাইজেসন তৌবদা মালেমগী ওইনা লৈরিবা মেথোদোলোজী অসি ঙাক্না চৎখি। অমরোমদা তার্গেৎ সেত্তিংনা ইন্দিকেতে অমমমগী ওইনা তার্গেৎতগী লৈরিবা অরাপ্পা অদু ওনবা ঙমহল্লি, পোজিতিব অমসুং নেগেতিব ইন্দিকেতরশিংগী নোর্মেলাইজেসনগী প্রোসেসনা রাজ্যশিং অমসুং য়ু.তি.শিংগী গোল অমমমগী স্কোরশিং চাংদম্নবা অমসুং হোৎপা য়াহল্লি। রাজ্য অমগী কম্পোজিৎ স্কোর অসি ২০৩০গী এজেন্দাগী খাইদোকপা য়াদ্রবা মওং-মতৌ অসি য়েংলগা গোল অমমমদা চপ মান্নবা ৱেৎ পীদুনা দিরাইভ তৌখি।

ইন্দিকেতরশিংগী সেলেক্সন তৌদ্রিঙৈ মমাংদা এম.ও.এস.পি.আই., কেন্দ্রগী মন্ত্রালয়শিং অমসুং রাজ্যশিং অমসুং য়ুনিয়ন তেরিতোরীশিংগী স্তেকহোল্দরশিংগা লোইননা কুপ্না খন্নরগা লৌখৎপা কন্সল্তেতিব প্রোসেস অমা পাঙথোকখি। সেলেক্সন প্রোসেস অসি রাজ্য অমসুং য়ুনিয়ন তেরিতোরী পুম্নমক্তা থাখিবা ইন্দিকেতরশিংগী দ্রাফ তৌরবা লিস্তকী কম্মেন্তশিং অমসুং সজেসনশিংদা য়ুম্ফম ওইখি। লোকেলাইজেসনগী খুৎলাইগী মপুং ওইবা স্তেকহোল্দর অমসুং ওদিয়ন্স ওইনা রাজ্যশিং অমসুং য়ুনিয়ন তেরিতোরীশিংনা লোকেলাইজ ৱাখল্লোনশিং অমসুং গ্রাউন্দদগী ফংলকপা এক্সপরিয়েন্সকা লোইননা ফীদবেক প্রোসেস অসি থৌগৎতুনা ইন্দেক্স শেম্বদা মরু ওইবা থৌদাং অমা লৌরি।

ইন্দেক্স অসিনা ২০৩০গী এজেন্দাগী মখাদা লৈরিবা গ্লোবেল গোলশিংগী পুম্নমক শুনা য়াওরবা মওং-মতৌ অমরোমদা লৈবাক্কী মরু ওইবশিংদা হাপচিনদুনা মসি তাক্লি।  ‌ইন্দেক্সকী মোদ্যুলর ওইবা মওং-মতৌ অসিনা পোলিসী তুল অমা ওইরক্লে অমসুং হকশেল, এজুকেসন, জেন্দর, শেন্মীৎলোনগী গ্রোথ, ইন্সতিত্যুসনশিং, অইং-অশাগী ফীভমদা হোংলকপা অমসুং অকোইবগী ফীভম য়াওনা গোলশিংগী পাক-চাউবা মওং-মতৌ অসিদা রাজ্যশিং অমসুং য়ু.তি.শিংগী খোঙজেল ওন্নবা খুলাই অমা ওইরক্লে। ভারতকী এস.দি.জি. ইনবেস্তর মেপতা ইনবেস্ত তৌনবা XV ফাইনান্স কম্মিসনগী রাজ্যশিংগী লৈরিবা ভোল্যুম খঙহনবদগী হৌদুনা ইন্দেক্স অসিনা রাজ্যগী এস.দি.জি. বিজিন দোক্যুমেন্তশিং অমসুং রোদমেপশিং, রাজ্য অমসুং জিলাগী ইন্দিকেতর ফ্রেমৱার্কশিং অমসুং মপাঙ্গল লৈবা রিভ্যু অমসুং ফোলো-অপ সিস্তেমশিংগী ইন্সতিত্যুসন চাউখৎনবা থৌগৎতুনা লৈবাক অসিদা এস.দি.জি. এজেন্দা থুংহন্নবা হোৎনবদসু মাই পাকখ্রে।

নিতি আয়োগনা নেস্নেল অমসুং সব-নেস্নেলগী থাক্তা এস.দি.জি.শিং লৌখৎপা অমসুং য়েংশিনবদা শোইদনা মতেং পাংনবা খঙহনখ্রে। এস.দি.জি. ইন্দিয়া ইন্দেক্স এন্দ দেশবোর্দ অসিনা রাজ্যশিং অমসুং য়ু.তি.শিংদা সস্তেনেবল দিবেলপমেন্ত গোলশিং লোকেলাইজেসন তৌনবগী মাইকৈদা হৌৎনরিবা অমসুং এস.দি.জি.শিংগী মখাদা খোঙজেল য়াংশিন্নবা য়েংশিল্লিবা অসি হেনগৎনবা লেপ্তনা হোৎনরিবা পুম্নমক অসি মঙফাওনবা ঙম্নবা নিতি আয়োগনা হোৎনরিবা অদু উৎলি।

***