প্রধান মন্ত্রী শ্রী নরেন্দ্র মোদীনা ‘জনঔশধি দিবস’ থৌরমদা ভিদিও কনফরেন্সকী খুত্থাংদা ৱা ঙাংখ্রে। থৌরম অসিদা, মহাক্না শিলোংগী এন.ই.আই.জি.আর.আই.ঐচ.এম.এস.তা লৈবাক্কী ওইনা ৭৫০০শুবা জনঔশধি সেন্তর কৎখ্রে। মহাক্না ভারতিয়া জনঔশধি পারিয়োজনাগী বেনেফিসরীশিংগা উন্নখি। থৌবুশিং অসিবু মখোয়গী থোইদোক হেন্দোকপা থবকশিংগীদমক প্রধান মন্ত্রীনা শকখংবা উৎখি। য়ুনিয়ন মিনিস্তর শ্রী দি.বি. সদানন্দা গৌদা, শ্রী মানসুখ মন্দাবিয়া, শ্রী অনুরাগ থাকুর, হিমাচল প্রদেশ, মেঘালায়াগী চীফ মিনিস্তর, মেঘালায়া অমসুং গুজরাতকী দিপুতি চীফ মিনিস্তরনা থৌরম অসিদা শরুক য়াখি।  

প্রধান মন্ত্রীনা মফম মঙাগী হায়বদি শিম্লা, হিমাচল প্রদেশ, ভোপাল, মধ্য প্রদেশ; আহমেদবাদ, গুজরাত; মারুথী নাগর, দিয়ু অমসুং মেঙ্গলোর, কর্নাতকাগী বেনিফিসরীশিং, কেন্দ্র সনচালক, জন ঔশাধি মিত্রসগা উন্নখি। বেনিফিসরীশিং অসিদা উন্নবদা প্রধান মন্ত্রীনা মখোয়দা মশা-মউ ফবা পুন্সি মহিং অমা থম্নবা হায়জখি। মহাক্না মখোয়দা হায় মদুদি হিদাকশিং অসি লৈবা ঙম্বদগী অনাবাশিংনা মশা ফগৎপা ঙম্লে। মহাক্না নহাশিংবু জনঔশধিগী খোঙজং অসি শৌগৎপগী থাগৎপা ফোংদোক্লি অমসুং মখোয়দা হৌজিক চৎথরিবা ভেক্সিন দ্রাইব অসিদা মতেং পাংনবা হায়রি।    

প্রধান মন্ত্রীনা বেনিফিসরীশিংদা জনঔশধিগী কান্নবশিং অসি শন্দোক্নবা হায়রি। মহাক্না হায় মদুদি, “অদোম ঐহাক্কী ইমুং-মনুংনি অমসুং অদোমগী অনা-অয়েক অসি ঐহাক্কী ইমুং-মনুংগী অনা-অয়েক্নি, মরম অসিনা, ঐহাক্না ঐহাক্কী ইরৈচাশিংবু মশা-মউ ফনা থম্বা পাম্মী”।

থৌরম অসিদা ৱা ঙাংলদুনা প্রধান মন্ত্রীনা হায় মদুদি জনঔশধি য়োজনা অসি লায়রবা অমসুং মিদল ক্লাস ইমুংগী চাওরবা মরুপ অমা ওইরি। মসি থবক তৌবা অমসুং তৌবদবা অনিদা কান্নবা পীরি। ৭৫০০শুবা জনঔশধি সেন্তর অমা শিলোংদা কৎপা অসিনা জনঔশধি সেন্তর অসি অৱাং নোংপোক্তশু শন্দোক্লি হায়বা উৎলি। স্কীম অসিনা চিংগী লম, অৱাং-নোংপোক অমসুং ত্রাইবেলগী মফমশিংগী মীয়ামশিংদা চান্নবা মমলদা হিদাক লাংথক পীরি হয়না শ্রী মোদীনা হায়রি। মহাক্না হায় মদুদি ৭৫০০শুবা সেন্তর অমা কৎপা অসি য়াম্না মরু ওই মরমদি চহি তরুক্কী মমাংদা ভারত্তা সেন্তর ১০০ ফানা লৈখিদে। মহাক্না সেন্তর ১০০০কী পান্দম থম্নবা হায়রি। লায়রবা অমসুং মিদল ক্লাসকী ইমুংশিংনা হিদাক লৈবদা চহিগী ওইনা চাওরাক্না লুপা করোর ৩৬০০ কনবা ঙম্লি। মহাক্না হায় মদুদি স্কীম অসিনা আত্মানির্ভরাতাদা নুপী কয়া অমা পুক্নিং থৌগৎলি হায়রিবা অসিদা সেন্তর ১০০০ অমা নুপীনা পায়রি। প্রধান মন্ত্রীনা হায় মদুদি স্কীম অসিবু পুখৎনবা ইন্সেন্তিবশিং অসি লুপা লাখ ২.৫তগীনা লাখ ৫ ফাওবা হেনগৎলি লোয়ননা অহেনবা ইন্সেন্তিব ওইনা লুপা লাখ ২ দালিত, আদিবাসি নুপী অমসুং অৱাং নোংপোক্কী মীওইশিংদা পীরি।    

প্রধান মন্ত্রীনা হায় মদুদি ইন্দিয়াদা হিদাক শাবা অমসুং সর্জরী  অসিগী অপাম্বা হেনগৎলক্লি। হেনগৎলক্লিবা অপাম্বা অসিনা পোৎ পুথোকপগী চাং অসিসু হেনগৎলক্লি। মশীং য়াম্লবা থবক্কী খুদোংচাবা অসিসু হেনগৎলক্লি। মহাক্না হায় মদুদি আয়ুশকী হিদাক ৭৫ অমসু হৌজিক জন ঔশাধি সেন্তরদা ফংলে। অনাবশিংনা আয়ুশকী হিদাকশিং অসি য়াম্না হোংনা ফংহন্দুনা কান্নবা পীগনি অমসুং আয়ুর্বেদা অমসুং আয়ুশকী হিদাকশিংদশু কান্নবা ফংলগনি।

প্রধান মন্ত্রীনা হায় মদুদি মতম কুইরবগী মমাংদা সরকার অসিনা লায়না অমসুং মসিবু ফহনবা হায়বা অসিদা খন্দুনা লাক্লি। অদুম ওইনমক, হকশেল অসিনা লায়না খক্তা নত্তনা লৈবাক অসিগী শেন্মিৎলোন্দা শোকহল্লি। মহাক্না থিন্দুনা তাকখি মদুদি হকশেল অসিদা মপুং ফানা চংশিন্নবা। মহাক্না পনখি স্বাচ্চ ভারত আভিয়ান, এল.পি.জি. লেম্না পীবা, আয়ুশমান ভারত, মিসন ইন্দ্রধনুশ, পোশান আভিয়ান অমসুং য়োগাবু খঙবা অসিনা মপুং ফানা সরকারনা হকশেলগী মায়কৈদা চংশিল্লি হায়বা তাক্লি। প্রধান মন্ত্রীনা য়ু.এন.না ২০২৩ চহি অসিবু ইন্তর্নেস্নেল ইয়ার ওফ মিলেৎ শকখঙবগী পনখি। মহাক্না মরু মরাংশিং অসিবু হেন্না চিঞ্জাক্কীদমক কান্নবগী মথক্তা লৌমীশিংগী ইনকম হেনগৎহনবা ঙমগনি হায়না মহাক্না মরুওইবা পীখি।

লায়রবা ইমুংশিংনা লায়েংবগী হিদাক অসিনা পোৎলুম ওইরিবা অসিদা তাক্তুনা প্রধান মন্ত্রীনা হায়খি মদুদি হৌখিবা চহি খর অসিদা লৈবাক অসিদা লৈরিবা লায়রবশিংনা হিদাক্না লায়েংবা অসি লৌথোক্নবা হোৎনরি। মসিগীদমক, চংদবা য়াদবা হিদাকশিং, থম্মোয়গী স্তেন্ত, খুউগী সর্জরীগা মরী লৈনবশিং মমল হনথরি। মহাক্না হায় মদুদি আয়ুশমান য়োজনা অসিনা লৈবাক অসিদা লায়রবা ইমুং করোর ৫০ অমা লেম্না লাখ মঙা ফাওবা লায়েং পীরি। হৌজিক ফাওবদা মীওই করোর ১.৫ অমনা খুদোংচাবা লৌদুনা লুপা করোর ৩০০০০ কনবা ঙমখ্রে।

প্রধান মন্ত্রীনা মেদ ইন ইন্দিয়া কোরোনা ভেক্সিন শেম্বগীদমক সাইন্তিস্তশিংবু থাগৎপা ফোংদোক্লি অমসুং মহাক্না হায়খি মদুদি ঙসিদি ইন্দিয়া অসি মশা মথন্তগী ভেক্সিন শিজিন্নবা খক্তা নত্তনা মালেম অতৈদশু মতেং তৌরি। মহাক্না মরুওইবা পীরদুনা হায় মদুদি ভেক্সিনেসন অসি অখন্ননা লায়রবা অমসুং মিদল ক্লাস্তা সরকারনা থৱায় য়াওরি। ভেক্সিনেসন অসি সরকারগী হোস্পিতালদা লেম্না অমসুং লনাইগী হোস্পিতালদা লুপা ২৫০ ওইদুনা মালেমগী ওইনা খ্বায়দগী নেম্না পীরি।   

প্রধান মন্ত্রীনা মতিক চাবা লায়েং পীনবা অমসুং অফবা মেদিকেল স্তাফ লৈবগী তঙাইফদবা লৈবগী মরুওইবা পীরি। মহাক্না হায় মদুদি সরকার অসিনা মপুং ফাবা ইনফ্রাস্ত্রকচর অমা খুঙ্গংশিংদা প্রাইমারী হোস্পিতালদগী হৌরগা অচৌবা হোস্পিতাল অমসুং এ.আই.আই.আই.এম.এস.গুম্বা মেদিকেল হোস্পিতালশিংদা থম্নবা হোৎনরি হায়খি। চহি তরুক অসিদা মেদিকেল ফগৎনবা সরকারনা হোৎনরিবা অসিদা প্রধান মন্ত্রীনা অমুক হন্না হায়রি। মহাক্না খঙহনখি মদুদি হৌখিবা চহি ৬ অসিদা সিত লিশিং ৩০ অমা হান্ননা ২০১৪দা সিত লিশিং ৫৫ লৈরবা অসিগী মথক্তা হাপচিনখি। মান্ননা, পি.জি.দা সিত লিশিং ৩০ অমা মসিদা সিত লিশিং ২৪ অমা অনৌবা ওইনা হাপচিল্লি। হৌখিবা চহি তরুক অসিদা অনৌবা মেদিকেল কোলেজ ১৮০ লিংখৎখি। খুঙ্গংদা হেলথ অমসুং ৱেলনেস সেন্তর লাখ ১.৫ অমা লিংখৎখি, হায়রিবা অসিদা লিশিং ৫০ অমা হান্ননা মথৌ হৌখ্রবনি। হায়রিবা সেন্তরশিং অসি অরুবা অনাবা অমসু তেস্ত কয়া অমা লোকেল ওইনা ফংলি। শ্রী মোদীনা হায় মদুদি হকশেলগীদমক বজেত কয়া অমা হাপ্লি অমসুং প্রধান মন্ত্রী আত্মানির্ভর স্বাস্তিয়া য়োজনা অসিনা হকশেলগী অৱাবা পুম্বা কোক্নবা অসিগী মতাংদা হায়খি। দিস্ত্রীক্ত খুদিংদা দাইগ্নোস্তিক সেন্তর লৈরি অমসুং অরুবা লায়না লায়েংফম হোস্পিতাল ৬০০ লিংখৎখ্রে। লোক সভা অহুমগী কন্সতিতুয়েন্সিদা মেদিকেল সেন্তর অমা থম্নবা থবক পায়খৎলি।    

প্রধান মন্ত্রীনা হায় মদুদি সরকারনা ঙসি হোৎনরিবা অসি মীপুম খুদিংদা লায়েংবা মমল হোংনা ফংহনবা অসিনি। মসিগা লোননা পোলিসি অমসুং থৌরম কয়া অমা শেম্লে। মহাক্না মখা তানা হায় মদুদি প্রধান মন্ত্রী জন ঔশাধি প্রোজেক্ত নেতৱার্ক অসি য়াম্না থুনা শন্দোরক্লি অমসুং অঙম্বা থাক্তা মীয়ামদা য়ৌশিল্লক্লি।

***