কেন্দ্রিয়া বিদ্যালয়া সঙ্গথনগী মহৈরোইশিংনা ইন্দিয়া তোই ফেয়র ২০২১দা থৱায় য়াওনা শরুক য়ারি। কে.ভি.এস.তগী রেজিস্ত্রেসনগী অপুনবা মশিং অসি চাউরাক্না লাখ ৩.৫নি।

প্রধান মন্ত্রী শ্রী নরেন্দ্র মোদীনা ২০২১গী ফেব্রুৱারী ২৭তা ইন্দিয়া তোই ফেয়র হৌদোকখি। মেলা অসি হৌদোক্লদুনা প্রধান মন্ত্রীনা হায়খি, ঐখোয়গী লৈবাক অসিগী তোই ইন্দস্ত্রীদা পাঙ্গল শক্তি কয়া অমা লোৎতুনা লৈরি। মসিগী পাঙ্গল শক্তি অসি হেনগৎপা অমদি মসিগী আইদেন্তিতী হেনগৎপা অসি আত্মনির্ভর ভারত কেম্পেনগী অচৌবা শরুক অমনি।  

লৈবাক পুম্বদগী কেন্দ্রিয়া বিদ্যালয়া অহুম্বু মেলাদা মখোয়গী স্তোলশিং দিসপ্লে তৌনবা খনগৎখি। দিল্লী রিজনদগী কে.ভি. জে.এন.য়ু, কে.ভি. নম্বর ১ এ.এফ.এস. গুরুগ্রাম অমসুং কে.ভি. আই.আই.তি. কানপুরনা মেলা অসিদা মখোয়গী তোপ তোপ্পা শান্নপোৎশিং দিসপ্লে তৌরি।

কেন্দ্রিয়া বিদ্যালয়াশিং অসি লর্নিং অমসুং এজুকেস্নেল শান্নপোৎশিং দিসপ্লে তৌরিবা হোল নম্বর ৯দা শরুক য়ারি। কে.ভি. জে.এন.য়ু.গীদমক স্তোল নম্বর আই৩৪৭দা চৎপীবা য়াগনি, কে.ভি. আই.আই.তি. কানপুরনা স্তোল নম্বর আই১৫৫০দা মখোয়গী শান্নপোৎশিং দিসপ্লে তৌরি অমদি কে.ভি. নম্বর ১ এ.এফ.এস. গুরুগ্রামনা স্তোল নম্বর আই৩৬১দা শরুক য়ারি।

কে.ভি. জে.এন.য়ু.না তোঙান তোঙানবা ৱারীশিং লীবদা শিজিন্নবা এনিমেল পপেৎশিং, দান্সিং এক্রোবেৎ স্কেলেতন, লংস বেল্লুন, নোজ বগ অসিনচিংবশিং য়াওনা শান্নপোৎ ২৫ উৎলি।

কে.ভি. আই.আই.তি. কানপুরনা বোর্দ গেমশিং, দিজিতেল গেমশিং, মেকানিকেল গেমশিং অমসুং রোল্লিং জোকর, পেপর পপ্পেৎশিং, দায়নামিক দোল, নোলেজ এক্সপ্রেস, ৱে মেকর, তচিং স্লেৎ, কোবিদ রকশক, তোই পেরাচুৎ অসিনচিংবা য়াওনা এক্তিবিতী গেমশিং য়াওবা শান্নপোৎ ৩৩ মখোয়গী স্তোলদা দিসপ্লে তৌরি।

কে.ভি. নম্বর ১ এ.এফ.এস. গুরুগ্রামনা এদিসন মেছিন, ৱার্দ হাউসি, হাইদ্রোলিক ব্রেক সিস্তেম, জোদ গারি, নাল তরং, প্রোবিনো অসিনচিংবা য়াওবা শান্নপোৎ ১৪ মখোয়গী স্তোলদা লোয়নরি।

ইন্দিয়া তোই ফেয়র অসি ২০২১গী ফেব্রুৱারী ২৭তগী মার্চ ২ ফাওবা পাংথোক্লি। মসি অঙাংশিংগীদমক ত্রেদিস্নেল তোই মেকিংদা ক্রাফ দেমেন্সত্রেসন য়াওনা তোঙান তোঙানবা এক্তিবিতীশিংদা শরুক য়ানবা অমদি তোই ম্যুজিয়মশিং অমসুং ফেক্তরীশিংদা চৎনবা খুদোংচাবা অমনি।

*****