কেমিকেল্স অমসুং ফর্তিলাইজর মন্ত্রালয়

অহুমশুবা জনঔশাধি দিৱস ২০২১ পাল্লন তৌবা হৌখ্রে


জনঔশাধি দিৱস ৱীক মার্চ ১দগী মার্চ ২, ২০২১ ফাওবা পাঙথোক্কনি

৩শুবা জনঔশাধি দিৱসকী হীরম: “সেৱা ভী – রোজগার ভী”

ঙসি হেল্থ চেকঅপ কেম্প ১০০০ হেন্না পাঙথোকখ্রে

Posted On: 01 MAR 2021 5:44PM by PIB Imphal

৩শুবা জনঔশাধ দিৱস ২০২১ ঙসিদগী পাল্লন তৌবা হৌখ্রে। মসি ঙসিদগী হায়বদি মার্চ ১দগী চয়োল অমা চুপ্না মার্চ ৭, ২০২১ ফাওবা পাঙথোক্কনি। লৈবাক অসিদা ঙসি জন ঔশাধি কেন্দ্রশিংনা হেল্থ চেকঅপ কেম্পশিং পাঙথোকখ্রে। তোঙান তোঙানবা জন ঔশাধি কেন্দ্রশিংদা পাঙথোকপা হায়রিবা হেল্থ চেক-অপ কেম্পশিংদা ব্লদ প্রেসর চেকঅপ, সুগর লেবেল চেকঅপ, লেম্না দোক্তর তান্নবা, লেম্না হিদাক-লাংথক য়েন্থোকপা অসিনচিংবা য়াওখি। লৈবাক অসিগী তোঙান তোঙানবা মফমশিংদা ঙসি হেল্থ চেক-অপ কেম্প ১০০০ হেন্না পাঙথোকখ্রে। হেল্থ কেম্পশিং অসিদা লাকখিবা মীচম প্রজাশিংদা জন ঔশাধি কেন্দ্রশিংদা ফংহল্লিবা মমলগী কান্নবশিং অমসুং য়োল্লিবা হিদাক-লাংথকশিংগী ক্বালিতীগী মতাংদা খঙহনখ্রে অমসুং ভাব তাহনখ্রে।

প্রধান মন্ত্রী ভারত্তিয়া জনঔশাধি পরিয়োজনা (পি.এম.বি.জে.পি.)গী ইমপ্লিমেন্তিং এজেনসী, ব্যুরো ওফ ফার্মা পি.এস.য়ু.স ওফ ইন্দিয়া (বি.পি.পি.আই.)না “সেৱা ভী – রোজগার ভী” হায়বা হীরমদা মার্চ ৭, ২০২১দা ৩শুবা জন ঔশাধি দিৱস পাল্লন তৌগনি।

প্রধান মন্ত্রী শ্রী নরেন্দ্র মোদীনা ভারত্তা চহি খুদিংগী মার্চ ০৭ অসি “জনঔশাধি দিৱস” হায়না পাল্লন তৌনবা লাউথোকখি। হৌখিবা চহিগী ২শুবা জনঔশাধি দিৱসতা ভারতকী প্রজা লাখ ১৫গী মথক্না থৱায় শরুক য়াবগা লোইননা প্রধান মন্ত্রী ভারত্তিয়া জনঔশাধি কেন্দ্র ৫৬৯৫না শরুক য়াখি। লৈবাক অসিদা মার্চ ১দগী মার্চ ৭ ফাওবা হেল্থ চেকঅপ কেম্প, জন ঔশাধি পরিচর্চা, তীচ দেম য়ং, জন ঔশাধি কা সাথ অসিগুম্বা তোঙান তোঙানবা থৌরমশিং পাঙথোক্তুনা জন ঔশাধি দিৱাস ৱীক পাল্লন তৌখি।

“প্রধান মন্ত্রী ভারত্তিয়া জনঔশধি পরিয়োজনা” অসি ভারত সরকারগী ফার্মাকোতিকেল্স বিভাগনা পাইখৎপা অফবা খোঙথাং অমনি মসিনা হৌজিক্তি অহোংবা মমলদা ক্বালিতী লৈবা হিদাক-লাংথলশিং পীনবা হোৎনবা ওইনা মীয়ামদা শাফু অমা পীরি। স্তোরশিংগী মশিং ৭৪০০ হেন্না য়ৌখ্রে অমসুং লৈবাক অসিগী জিলা ৭৩৪ য়ৌশিনবা ঙমখ্রে। মখা তানা শেনবা চহি ২০১৯-২০গী মনুংদা পি.এম.বি.জে.পি.না কলুপা করোর ৪৩৩.৬১ (এম.আর.পি.দা) য়োনবা ঙমখি। হায়রিবা হিদাক লাংথকশিং অসি কৈথেলগী মমলদগী চাংচৎতা ৫০%দগী ৯০% হোংনা লৈবাক অসিদা  ফংহনদুনা মীচম প্রজাশিংগী চাউরাক্না লুপা করোর ২৫০০ তুংশিনবা ঙমহনখি। চৎলিবা শেনবা চহি ২০২০-২১ অসিদা ২৮.০২.২০২১ ফাওবদা লুপা করোর ৫৮৬.৫০ য়োনবা ঙমখি, মসিনা ব্রান্দেদ ওইবা হিদাক-লাংথকশিংগা চাংদম্নবদা প্রজাশিংগী লুপা করোর ৩৫০০রোম তুংশিনবা ঙমহনখ্রে। স্কীম অসিনসু সস্তেনেবল ওইবা অমসুং চাং নাইনা শেন্থোক লৈহনদুনা ইশানা ইশাবু থবক পীজনবা অফবা পাম্বৈ অমসু ওইরি।

 

https://static.pib.gov.in/WriteReadData/userfiles/image/image0019BRV.jpg

https://static.pib.gov.in/WriteReadData/userfiles/image/image002AELV.jpg

 

*****

 



(Release ID: 1701815) Visitor Counter : 211