নমস্কাৰ!!

গুলমাৰ্গত এতিয়াও শীতৰ প্ৰকোপ থাকিব পাৰে, কিন্তু আপোনালোকৰ উৎসাহ, আপোনালোকৰ শক্তি প্ৰতিজন ভাৰতীয়ই অনুভৱ কৰিছে আৰু প্ৰত্যক্ষ কৰিছে। খেলো ইণ্ডিয়া-শীতকালীন ক্ৰীড়াৰ দ্বিতীয় সংস্কৰণ আজিৰে পৰা আৰম্ভ হৈছে। আন্তঃৰাষ্ট্ৰীয় শীতকালীন ক্ৰীড়াত ভাৰতৰ কাৰ্যকৰী উপস্থিতিৰ সৈতে জম্মু আৰু কাশ্মীৰক এক মুখ্য কেন্দ্ৰ হিচাপে পৰিণত কৰাত ই এক গুৰুত্বপূৰ্ণ পদক্ষেপ হিচাপে বিবেচিত হৈছে। মই জম্মু আৰু কাশ্মীৰ তথা দেশৰ সকলো খেলুৱৈক শুভেচ্ছা জনাইছো।

দেশৰ বিভিন্ন প্ৰান্তৰ পৰা অহা সকলো খেলুৱৈয়ে এক ভাৰত-শ্ৰেষ্ঠ ভাৰতৰ চেতনা শক্তিশালী কৰিছে। মোক কোৱা হৈছে যে এইবাৰ শীতকালীন ক্ৰীড়াত অংশগ্ৰহণ কৰা ৰাজ্য আৰু কেন্দ্ৰীয়শাসিত অঞ্চলৰ সংখ্যা দুগুণতকৈ অধিক হৈছে। ই শীতকালীন ক্ৰীড়াৰ প্ৰতি সমগ্ৰ দেশত বৰ্ধিত প্ৰৱণতা, বৰ্ধিত উৎসাহ প্ৰদৰ্শন কৰিছে। যোৱাবাৰ জম্মু আৰু কাশ্মীৰ দলে সৰ্বশ্ৰেষ্ঠ প্ৰদৰ্শন কৰিছিল। মই বিশ্বাসী যে এইবাৰ অন্য দলৰ তৰফৰ পৰা জম্মু আৰু কাশ্মীৰৰ খেলুৱৈয়ে প্ৰত্যাহ্বান লাব কৰিব আৰু সমগ্ৰ দেশৰ খেলুৱৈসকলে জম্মু-কাশ্মীৰৰ দলৰ দক্ষতা, শক্তিৰ সৈতে পৰিচিত হোৱাৰ লগতে শিকিবও পাৰিব। মই এইটোতো বিশ্বাসী যে খেলো ইণ্ডিয়া শীতকালীন ক্ৰীড়াৰ অভিজ্ঞতা শীতকালীন অলিম্পিকৰ পোডিয়মত ভাৰতৰ গৌৰৱ বৃদ্ধি কৰাত কামত আহিব।

বন্ধুসকল,

গুলমাৰ্গত হৈ থকা খেলবোৰে দেখুৱাইছে যে জম্মু আৰু কাশ্মীৰ শান্তি তথা বিকাশৰ নতুন উচ্চতা স্পৰ্শ কৰিবলৈ কিমান তৎপৰ হৈ পৰিছে। এই শীতকালীন খেলবোৰে জম্মু আৰু কাশ্মীৰত এক নতুন ক্ৰীড়া পৰিৱেশতন্ত্ৰ বিকশিত কৰাত সহায় কৰিব। জম্মু আৰু শ্ৰীনগৰত দুটা খেলো ইণ্ডিয়া উৎকৃষ্টতা কেন্দ্ৰ আৰু ২০ খন জিলাত খেলো ইণ্ডিয়া কেন্দ্ৰ মুকলিৰ জৰিয়তে যুৱ খেলুৱৈসকলৰ বাবে বৃহৎ সুবিধা প্ৰদান কৰা হৈছে। এই কেন্দ্ৰবোৰ সমগ্ৰ দেশৰ প্ৰতিখন জিলাত খোলা হৈছে। তদুপৰি, অনুষ্ঠানটোৱে জম্মু আৰু কাশ্মীৰৰ পৰ্যটনক নতুন শক্তি, নতুন উৎসাহ প্ৰদান কৰিব। আৰু আমি এইটোও দেখি আছো যে ক’ৰোনাৰ ফলত হোৱা অসুবিধাবোৰো ক্ৰমান্বয়ে এৰিবলৈ ধৰিছে।

বন্ধুসকল,

ক্ৰীড়া কেৱল এটা বিনোদন বা টাইম পাছ নহয়। ক্ৰীড়াৰ পৰা আমি দলীয় সত্বা শিকো, পৰাজয়ত এটা নতুন পথ বিচাৰো, বিজয়ৰ পুনৰাবৃত্তি কৰিবলৈ শিকো, প্ৰতিজ্ঞাৱদ্ধ হও। ক্ৰীড়াই প্ৰতিজন ব্যক্তিৰ জীৱন গঢ়ে, তেওঁৰ জীৱনশৈলী গঢ়ে। ক্ৰীড়াই আত্মবিশ্বাস বৃদ্ধি কৰে, যি স্বাৱলম্বীতাৰ বাবে সমানে গুৰুত্বপূৰ্ণ।

বন্ধুসকল,

এইটো নহয় যে বিশ্বৰ এখন দেশ অৰ্থনৈতিক আৰু কৌশলগত শক্তিতকৈ ডাঙৰ হৈ পৰে। আন বহুতো দিশ আছে। এজন বিজ্ঞানীয়ে তেওঁৰ সৰু উদ্ভাৱনেৰে সমগ্ৰ বিশ্বত তেওঁৰ দেশৰ নাম আলোকিত কৰে। এনে বহুতো ক্ষেত্ৰ আছে। কিন্তু এক অতি সংগঠিত ধৰণে, সংৰক্ষিত ধৰণে, আজি ক্ৰীড়া এক ক্ষেত্ৰ হৈ পৰিছে যিয়ে আজিৰ বিশ্বত দেশৰ প্ৰতিচ্ছবি, দেশৰ শক্তিৰ পৰিচয় দিয়ে। বিশ্বৰ বহুতো সৰু দেশে ক্ৰীড়াৰ বাবে, সমগ্ৰ দেশত ক্ৰীড়া, অনুপ্ৰেৰণা আৰু শক্তিত তেওঁলোকৰ বিজয়েৰে বিশ্বত তেওঁলোকৰ পৰিচয় সাব্যস্ত কৰিছে। আৰু, সেয়েহে ক্ৰীড়াক কেৱল এটা হৰা-জিকাৰ প্ৰতিযোগিতা বুলি ক'ব নোৱাৰি। ক্ৰীড়া পদক আৰু প্ৰদৰ্শনৰ ভিতৰত সীমাবদ্ধ, আনকি সেইটোও নহয়। ক্ৰীড়া হৈছে এক বিশ্বব্যাপী ৰূপ। ক্ৰিকেটৰ ক্ষেত্ৰত আমি ভাৰতত অনুভৱ কৰো, কিন্তু ই সকলো আন্তৰ্জাতিক ক্ৰীড়াৰ বাবে প্ৰযোজ্য। এই দৃষ্টিৰে দেশৰ ক্ৰীড়া পৰিৱেশ-প্ৰণালী সংস্কাৰ বহু বছৰ ধৰি কৰি অহা হৈছে।

খেলো ইণ্ডিয়া অভিযানৰ পৰা অলিম্পিক পোডিয়াম আঁচনিলৈ, আমি এক সামগ্ৰিক পদ্ধতিৰে আগবাঢ়ি আছো। চৰকাৰে তৃণমূল পৰ্যায়ৰ পৰা প্ৰতিভা চিনাক্ত কৰিবলৈ আৰু ইয়াক সৰ্ববৃহৎ মঞ্চলৈ আনিবলৈ ক্ৰীড়া পেছাদাৰীসকলৰ হাতত হাত ধৰি আগবাঢ়িছে। প্ৰতিভাৰ পৰিচয়ৰ পৰা দল নিৰ্বাচনলৈ, নিকা ব্যৱস্থা হৈছে চৰকাৰৰ প্ৰাথমিকতা। যিসকল খেলুৱৈয়েসমগ্ৰ জীৱনজুৰি দেশৰ মৰ্যাদা বৃদ্ধি কৰিছে, তেওঁলোকৰো সন্মান বৃদ্ধি হওক, তেওঁলোকৰ অভিজ্ঞতা নতুন খেলুৱৈসকলে লাভ কৰক, ইয়াৰ নিশ্চিতি প্ৰদান কৰা হৈছে।

বন্ধুসকল,

নতুন ৰাষ্ট্ৰীয় শিক্ষা নীতিত ক্ৰীড়াকো যথেষ্ট গুৰুত্ব দিয়া হৈছে। আগতে ক্ৰীড়াবোৰ কেৱল অতিৰিক্ত পাঠ্যক্ৰমৰ কাৰ্যকলাপ বুলি গণ্য কৰা হৈছিল, এতিয়া ক্ৰীড়া পাঠ্যক্ৰমৰ অংশ হ'ব। ক্ৰীড়াৰ গ্ৰেডিং শিশুৰ শিক্ষাতো গণনা কৰা হ'ব। এইটো ক্ৰীড়াৰ বাবে, আমাৰ শিক্ষাৰ্থীসকলৰ বাবে এক ডাঙৰ সংস্কাৰ। বন্ধুসকল, আজি দেশত উচ্চ শিক্ষা আৰু ক্ৰীড়া বিশ্ববিদ্যালয়ৰ ক্ৰীড়া প্ৰতিষ্ঠান মুকলি কৰা হৈছে। কিন্তু এতিয়া ক্ৰীড়া বিজ্ঞান আৰু ক্ৰীড়া ব্যৱস্থাপনাক কেনেকৈ বিদ্যালয় পৰ্যায়লৈ লৈ যোৱা যায় সেই বিষয়ে চিন্তা কৰাৰ সময়। ই আমাৰ যুৱচামক এক উন্নত কেৰিয়াৰৰ সুযোগ প্ৰদান কৰিব আৰু ক্ৰীড়া অৰ্থনীতিত ভাৰতৰ অংশ বৃদ্ধি কৰিব।

মোৰ যুৱ বন্ধুসকল,

যেতিয়া আপুনি খেলো ইণ্ডিয়া-শীতকালীন ক্ৰীড়াত আপোনাৰ প্ৰতিভা দেখুৱাব, আপুনি এইটোও মনত ৰাখিব যে আপুনি কেৱল খেলৰ অংশ নহয়, আপুনি স্বাৱলম্বী ভাৰতৰ ব্ৰেণ্ড এম্বেছেডৰ। আপুনি খেল পথাৰত যি কৰিব তাৰ জৰিয়তে বিশ্বত ভাৰতে স্বীকৃতি লাভ কৰিব। গতিকে যেতিয়াই আপুনি খেলত প্ৰৱেশ কৰে, সদায় ভাৰত দেশক আপোনাৰ মন আৰু আত্মাত ৰাখক। এইটো কেৱল আপোনাৰ খেল নহয়, ইয়াত আপোনাৰ ব্যক্তিত্বও উদ্ভাসিত হ'ব। যেতিয়া আপুনি খেলপথাৰত নামিব, বিশ্বাস কৰক যে আপুনি অকলে নহয়, ১৩০ কোটি দেশবাসী আপোনাৰ সৈতে আছে।

আকৌ এবাৰ, এই মনোৰম পৰিৱেশ আপোনালোকে উপভোগ কৰক আৰু উৎকৃষ্টতা প্ৰদৰ্শন কৰক৷ আপোনালোক সকলোলৈ আকৌ এবাৰ মোৰ শুভেচ্ছা জনালো। মই মাননীয় মনোজ সিন্হাজী, কিৰেন ৰিজিজুজী, আয়োজকসকল তথা জম্মু-কাশ্মীৰৰ জনসাধাৰণক এই সুন্দৰ আয়োজনৰ বাবে অভিনন্দন জনাইছো।

ধন্যবাদ!!

*****

DS/AKJ/BM/MANN