ঙসি ফাইনান্স অমসুং কোর্পোরেত এফেয়ার্সকী য়ুনিয়ন মিনিস্তর শ্রীমতি নিরমালা সিতারমন্না চেন্নাইদা কম্পিতিসন কমিসন ওফ ইন্দিয়াগী সাউথ রিজনেল ওফিস শঙ্গাখ্রে। থৌরম অদুদা ফাইনান্স অমসুং কোর্পোরেত এফেয়ার্সকী রাজ্য মন্ত্রী শ্রী অনুরাগ সিংহ থাকুরশু শরুক য়াখি।

ভর্চুএল ওইনা পাংথোকপা শঙ্গাবগী থৌরম অদুদা কোর্পোরেত এফেয়ার্স মিনিস্ত্রিগী সেক্রেতরি শ্রী রাজেস ভর্মা, সি.সি.আইগী চিয়রপর্সসন দোক্তর শঙ্গিতা ভর্মা অমসুং সি.সি.আইগী মেম্বর শ্রী এস. ঘোস দাস্তিদার, সেক্রেতরি অমসুং ওফিসারশিং শরুক য়াখি।

কম্পিতিসন কমিসন ওফ ইন্দিয়া(সি সি আই)গী চিয়রপর্সন শ্রী অশোক কুমার গুপ্তনা ফাইনান্স মিনিস্তর শ্রীমতি নিরমালা সিতারমন তরাম্না ওকখি অমসুং সি.সি.আইগী চেন্নাই ওফিসি শঙ্গাবগীদমক মহাক্না থাগৎপা ফোঙদোকখি। মহাক্না হায়খি চেন্নাইদা রিজনেল ওফিস হাংদোকপা অসি মফম অসিদা সি.সি.আইগী থবক হেনগৎহন্নবা খোঙথাং অমনি অমসুং ইকোনোমিদা চাংদম্নবা হেনগৎনবা মরুওইবা থৌদাং লৌরিবা রাজ্যশিংগা পুন্না থবক তৌমিন্নদুনা মসিনা ফেদেরেল রিগুলেতর অমা ওইনা মথৌ পাংথোক্কনি।

সি.সি.আইগী চেন্নাই ওফিসনা দিল্লি ওফিসকা খুৎশম্নদুনা নিয়মশিং ঙাক্না চৎনবা, থিজিন্নবা অমসুং অফবা থবকশিং পাংথোক্নবা ওফিস অমা ওইনা থবক তৌগনি। মসিগী রিজনেল ওফিস অসিনা তামিল নাদু, কেরলা, কর্নাতকা, অন্ধ্র প্রদেস, তেলঙ্গানা অমসুং পুদুচেরি অমসুং লাক্ষদ্বিপকী দরকার ওইবশিং ফংহনগনি।

য়ুনিয়ন মিনিস্তর শ্রীমতি নিরমালা সিতারমন্না সি.সি.আইগী থবকশিং অপেনবা ফোঙদোক্লদুনা হায়খি ওফিস অসি শেন-থুমগী ফিবম ফগৎহন্নবা খুদোংচাবশিং পীনবা মফম অমা ওইনা থবক তৌবা দরকার ওই। সি.সি.আইগী সেক্রেতরিনা থাগৎ ৱাহৈশিং পীখি অমসুং ফাইনান্স মিনিস্তর, রাজ্য মন্ত্রী অমসুং এম.সি.এগী সেক্রেতরি থাগৎখি।

*****