প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দল মীফমনা আই.তি. হার্দৱেয়রগী প্রদক্সন লিঙ্ক ইন্সেন্তিব (পি.এল.আই.) স্কীম অয়াবা পীখ্রে। স্কীম অসিনা আই.তি. হার্দৱেয়রদা দোমেস্তিক মেন্যুফেকচরিং থৌগৎনবা অমসুং মাগী ভেল্যু চেন্দা চাউনা ইনবেস্তমেন্তশিং তৌরক্নবা প্রদক্সন লিঙ্ক ইন্সেন্তিব অসি প্রপোজ তৌখি। প্রপোজ তৌখিবা স্কীম অসিগী মখাদা লৈরিবা তর্গেৎ সেগমেন্তদা লেপ্তোপশিং, তেব্লেৎশিং, ওল-ইন-ৱান পি.সি.শিং অমসুং সর্ভরশিং য়াওরি।

স্কীম অসিনা চহি মরি (৪)গী মতম অমগী ওইনা ইলিজিবল ওইবা কম্পনীশিংদা ভারত্তা শাজবা গুদশিং অমসুং তার্গেৎ সেগমেন্তগী মখাদা কভর তৌরিবশিংগী নেৎ ইনক্রিমেন্তেল সেলশিংদা (বেজ ইয়র মদুদি ২০১৯-২০গী মথক) ৪%দগী ২%/১%গী ইন্সেন্তিবন অমা পীরি।

স্কীম অসিনা লেপ্তোপশিং, তেব্লেৎশিং, ওল-ইন-ৱান পি.সি.শিং অমসুং সর্ভরশিং য়াওনা আই.তি. হার্দৱেয়র মেন্যুফেকচরিংগী লমদা মরু ওইবা গ্লোবেল প্লেয়র ৫দা অমসুং দোমেস্তিক চেম্পিয়ন ১০দা কান্নবা ফংহল্লবা য়াই। মসি আত্মানির্ভর ভারতকী মখাদা মেন্যুফেকচরিং থৌগৎনবা মরু ওইনা সেগমেন্ত অমনি মরমদি হৌজিক আইতেমশিং অসি মপালদগী পুশিল্লকপদা চাউনা মীপাল তাংলি।

শেল-থুমগী ওইবা ৱারেপকী ফলশিং:

প্রপোজ তৌখিবা স্কীম অসিগী অপুনবা শেনফম অসি চহি ৪গী ওইনা চাউরাক্না লুপা করোর ৭,৩৫০নি, মসিদা ইন্সেন্তিব আউৎলে লুপা করোর ৭,৩২৫ অমসুং এদমিনিস্ত্রেতিব চার্জশিংগী লুপা করোর ২৫ য়াওরি।

কান্নবশিং:

স্কীম অসিনা লৈবাক অসিদা ইলেক্ত্রোনিক্স ইকোসিস্তেম চাউখৎহল্লগনি। ভারতপু গ্লোবেল ভেল্যু চেনশিংগা ইন্তিগ্রেৎ তৌবগা লোইননা ইলেক্ত্রোনিক্স ইস্তেম দিজাইন এন্দ মেন্যুফেকচরিং (ই.এস.দি.এম.)গী গ্লোবেল হব অমা ওইনা মফম কনবা ঙমহল্লগনি অসুম্না তৌদুনা আই.তি. হার্দৱেয়রগী এক্সপোর্তরশিংগী লমথুংফম অমা ওইরক্লগনি।

স্কীম অসিনা চহি ৪ অসিদা থবক ১,৮০,০০০ (হকথেংননা অমসুং নাকোইননা) পীবা ঙম্বী মপাঙ্গল লৈ।

স্কীম অসিনা আই.তি. হার্দৱেয়রগী দোমেস্তিক ভেল্যু এদিসন্দা শাফু পীগনি মসি ২০২৫ ফাওবদা ২০% - ২৫%দা হেনখৎলবা য়াই।

হৌরকফম:

২৫.০২.২০১৯দা খঙহনখিবা নেস্নেল পোলিসী ওন ইলেক্ত্রোনিক্সকী বিজন অসি ভারতনা চিপসেৎশিং য়াওনা কোর কম্পোনেন্তশিং দিবেলপ তৌনবা অমসুং মালেমগী লম্বা তৌবা ঙম্নবা এনাইর্নমেন্ত ইন্দস্ত্রীদা লৈহন্নবা লৈবাক অসিনা তৌবা ঙম্বশিং অদু থৌগৎতুনা ইলেক্ত্রোনিক্স ইস্তেম দিজাইন এন্দ মেন্যুফেকচরিং (ই.এস.দি.এম.)গী মালেমগী হব অমা ওইনা মফম কনবনি।

হৌজিক্কী ওইনা ২০১৯-২০দা মথং শিৎনবা য়ু.এস.দি. বিলিয়ন ৪.২১ অমসুং য়ু.এস.দি. বিলিয়ন ০.৪১গী ইম্পোর্ত ভেল্যুগী খুত্থাংদা ভারত্তা লেপ্তোপ অমসুং তেব্লেৎকী দিমান্দ চাউনা থুংহল্লি। আই.তি. হার্দৱেয়রগী কৈথেল অসি মালেমগী ওইনা কম্পনী ৬-৭না পান্দুনা লৈরি মসি মালেমগী মার্কেৎ সিয়রগী ৭০% ওইগনি। কম্পনীশিং অসিনা মালেমগী কৈথেলশিংদা লম্বা তৌনবা অচৌবা ইকনোমীশিং শিজিন্নরি। কম্পনীশিং অসিনা মখোয়গী থবক-থৌরমশিং ভারত্তা য়ৌহল্লকপা অমসুং মসিবু আই.তি. হার্দৱেয়রগী মেন্যুফেকচরিংগী মরু ওইবা লমথুংফম অমা ওইহনবা মরু ওই।

হৌজিক মালেমগী ওইরিবা ফীভম অসি য়েংলগা মেন্যুফেকচরিংগী লম অসিদা অহোংবা অমা লাক্লি।  মালেমগী মফম কয়াদা লৈরিবা মেন্যুফেকচরিং কম্পনীশিংনা কৈথেল অমা খক্তগী মখা পোনবগী শিংনবশিং অদু হন্থহন্নবা মখোয়গী মেন্যুফেকচরিংগী মফমশিং চাউথোক্নবা হোৎনরি।

*****