মমা মরোল অসি য়ামদ্রবদা গ্রেদ ৫ ফাওবদা অঙাংশিং তাকপি তম্বিবা মতমদা শিজিন্ননবা ঙসি উপ রাস্ত্রপতি শ্রী এম. ভেনকাইয় নাইদুনা হায়খ্রে৷ ময়ুমদা ঙাংনদবা লোন অমদা অঙাংশিং অসিবু তাকপি তম্বিবা হায়বসি মরু ওইনা প্রাইমরী স্তেজতা লৈরিবা অঙাংশিং অসিনা মহৈ-মশিংদা মমুৎ তানা খঙনবা হোৎনবদা অচৌবা চৈথেং অমা ওইবা য়াই হায়না মহাক্না ফোংদোকখ্রে৷

মল্তিপল স্তদিশিং অসিগী মতাংদা পল্লদুনা মহৈ-মশিং তম্বা হৌরকপা মতমদা অঙাংশিং অসিদা মশাগী মমা মরোলদা অঙাংশিং অসিবু তাকপি তম্বিবা অসিনা অঙাংশিং অসিগী তৌবা ঙম্বা অমসুং ক্রেতিবিতী হেনগৎহনবা ঙম্মী হায়না শ্রী নাইদুনা ফোংদোকখ্রে৷ অনৌবা এদজুকেসন পোলিসী অসিবু ভিজনরী অমসুং প্রোগ্রেসিব ওইবা দোকুমেমন্ত অমনি হায়না পল্লদুনা পোলিসী অসি নিংথীনা ইন্নবগীদমক মহাক্না ফোংদোকখ্রে৷

এদজুকেসন মন্ত্রালয় অমসুং কল্চর মন্ত্রালয়না শিল্লিবা ৱেবিনার অসি হৌদোকপগী থৌরমদা ৱা ঙাংলদুনা উপ রাস্ত্রপতি অসিনা মমা মরোল অসি শিজিন্নবা হেনগৎনবা মরু ওইবা মফম মঙাদা মীয়েং চংলি হায়না ফোংদোকখ্রে৷ প্রাইমরী এদজুকেসনদা মমা মরোল অসি শিজিন্নবা অসিদগী হেন্দোক্তুনা এদমিনিস্ত্রেসন, কোর্ত প্রোসিদিংশিং অমসুং জজমেন্তশিংদা মমা মরোল অসি শিজিন্ননবা খঙহনখ্রে৷ হাইয়র অমসুং তেক্নিকেল এদজুকেসনদা মমা মরোল অসি তপ্না তপ্না শিজিন্নবা হেনগৎহনবসু মহাক্না পাম্মী৷ মমা মরোলশিং অসি মীয়ামশিংনা মশা মশাগী ময়ুমশিংদা চাওথোক্না অমসুং নিংথীজনা ঙাংবা অসিনা মহাক্কী অরোইবা অপাম্বা অমনি৷

লৈঙাক সাসন তৌবা মতমদা মমা মরোলগী শিজিন্নবগী তঙাই ফদবা অদু পল্লদুনা মখোয়শিং অসি মরু ওইনা রাজ্যগী অমসুং লোকেলগী ওইবা থাক্তা ঐখোয়না শিজিন্নবা হেনগৎলে হায়না শ্রী নাইদুনা ফোংদোকখ্রে৷ লৈঙাক সাসন অসিগী মতাংদা ৱা ঙাংলদুনা, “মীয়ামশিং অসিনা খঙবা ঙম্বা লোন অদুদা পাউ ফাওদোক ফাওজিন তৌরবা মতম খক্তদা নুপা নত্রগা নুপী অদু গভর্নেন্স অমসুং দিভেলপমেন্তদা শরুক য়াহনবা ঙমগনি৷ এদমিনিস্ত্রেসনগী লোন অসিনা মীয়ামশিং অসিগী লোন ওইগদবনি” হায়না মহাক্না ফোংদোকখ্রে৷ লেঙ্গুয়েজ অসি হাইয়র লেভেলদসু তপ্না তপ্না হাপচিনগদবনি হায়না ফোংদোক্লদুনা রাজ্য সভাগী মীহুৎশিংনা লৈরিবা স্কেদ্যুল লোন ২২ অসিগী মনুংদা অমা হেক্তদা ফোংদোকপা য়াবগী প্রোভিজন অমা শেমখ্রে হায়না শ্রী নাইদুনা ফোংদোকখ্রে৷

ইন্তরনেস্নেল মাদর লেঙ্গুয়েজ নুমিৎ অসিগী মাংওইননা হায়দ্রবাদকী মুচিন্থালদা স্বর্ন ভারত ত্রস্তনা শিলিল্বা প্রোগ্রাম অমদা ৱা ঙাংদুনা উপ রাস্ত্রপতি অসিনা হাইয়র এদজুকেসন্দসু মমা মরোলশিং অসিগী শিজিন্নবগী তঙাই ফদবা অদু পুথোকখ্রে৷ লৈবাক মীয়ামশিং অসিদা হেন্না গ্যান তাহন্নবগীদমক জুদিসিয়রিদা মমা মরোলশিং শিজিন্নবা য়াবগী তঙাই ফদবা অদুসু মহাক্না পনখ্রে৷

ৱেবিনার অসিদা মতম চুপ্পগী ওইনা মাংখিবা য়ানা লৈরিবা লোনশিং অসিগী মতাংদসু শ্রী নাইদুনা পনখ্রে৷ কল্চরেল অমসুং ইন্তিলেকচুয়েল হেরিতেজকা লোইননা চয়োল অনি খুদিংগী লোন অমমম মাংই হায়না য়ুনাইতেদ নেসন্সনা ৱার্নিং ফীখিবা অদু মহাক্না পনখ্রে৷ লোন ১৯৬ লৈদুনা ভারত লৈবাক অসি মালেম অসিদা মাংবা য়ানা লৈরিবা লোন খ্বাইদগী লৈরিবা লৈবাক অমনি হায়না মহাক্না ফোংদোকখ্রে৷ হায়রিবা হিরম অসিগা মরী লৈননা মাংবা য়ানা লৈরিবা লোনশিং অসি ঙাক শেন্নবা অমসুং য়োকখৎনবা লৈরিবা স্কিম (এস.পি.পি.ই.এল.) শ্রী নাইদুনা থাগৎখ্রে৷

মল্তিলিঙ্গুয়েলিজম অসিগী মরু ওইরিবশিং অসিগী মতাংদা ৱা ঙাংলদুনা ঐখোয়না ইমা লোন অমা খক্তা শিজিন্নদুনা অফবা ফাউন্দেসন অমগা লোইননা হেক ঙম্লিবা মখৈ লোন কয়া অমা তম্লে হায়না উপ রাস্ত্রপতি অসিনা ফোংদোকখ্রে৷ অঙাংশিং অসিদা মমা মরোল অসিদগী হেন্দোক্তুনা নেস্নেল লেঙ্গুয়েজ অমসুং ইন্তরনেস্নেল লেঙ্গুয়েজশিং অসিবুসু মমা মপাশিং, ওজাশিংনা অঙাংশিং অসিদা তাকপি তম্বিনবা মহাক্না ফোংদোকখ্রে৷ স্তদী কয়া অমনা উৎপগী মতুং ইন্না অসিগুম্বা লিঙ্গুইস্তিক স্কিলশিং অসিনা অঙাংশিং অসিবু হেন্না ফবা মাইকৈ অমদা পুরকপা ঙমগনি হায়না শ্রী নাইদুনা ফোংদোকখ্রে৷

অসিগীসু মথক্তা অতোপ্পা লোনশিং অসি নৈনবা অসিনসু কল্চরেল ব্রিজশিং অসি শেমগৎপদা মতেং পাংলগনি অমসুং অনৌবা মালেম অমদগা চংননবগী থোংসু হাংহল্লি হায়না উপ রাস্ত্রপতিনা ফোংদোকখ্রে৷ অতোপ্পা কাংলুপ অমগী লোন অসিবু ইকাই খুম্নবা উৎপা অসিনা ঐখোয়না লৈবাক অসি অমতা ওইনা পুনশিনবা ঙমগনি অমসুং “এক ভারত শ্রেস্থা ভারত”ফংবা ঙমগনি হায়না শ্রী নাইদুনা উবা ফমখ্রে৷

থৌরম অসিদা মল্তিলিঙ্গুয়েল সোসাইতী অমগীদমক সরকারগী তোঙান তোঙানবা ইনিসিয়েতিবশিং খুদম ওইনা নেস্নেল ত্রান্সলেসন মিসন, ভারতবানি প্রোজেক্ত অমসুং ভারতিয়া ভাশা বিস্বাবিদ্যলয়(বি.বি.ভি.) অমসুং ইন্দিয়ন ইন্সতিত্যুত ওফ ত্রান্সলেসন অমসুং ইন্তরপ্রিতেসন(আই.আই.তি.তি.) শেমগৎনবগী প্রপোজেলশিং অদুগীদমক শ্রী নাইদুনা থাগৎখ্রে৷

লোইশিল্লকপগী শরুক্তা লোন হায়বা অসি নুংতি নুমিৎ খুদিংগী শিজিন্নরবা মতম খক্তদা চাওখৎপা ঙমগনি অমসুং নুংতি নুমিৎ খুদিংগী মত্রিভাশা দিৱস ওইগদবনি হায়না উপ রাস্ত্রপতিনা ফোংদোকখ্রে৷ মমা মরোলশিং অসি অমুক হন্না হিংগৎহন্নবা হোৎনগদবনি অমসুং য়ুমশিং, কম্ম্যুনিতী অমসুং এদমিনিস্ত্রতেসনদা ‘মীওই অমগী মমা মরোল অসি ফ্রী ওইনা অমসুং য়াম্না থাজনা ঙাংবা ঙম্লবা মতমদা চাওথোকপা ফাওজগদবনি’ হায়না মহাক্না ফোংদোকখ্রে৷

থৌরম অসিদা শ্রী নাইদুনা ইন্তরনেস্নেল ভর্চুয়েল কেল্লিগ্রাফী এগজিবিসন অদুসু হৌদোকখ্রে৷ ইকাই খুম্নরবা মহৈ-মশিংগী মন্ত্রী দা. রামেশ পোখ্রিয়াল, ইকাই খুম্নরবা কল্চরগী মন্ত্রী শ্রী প্রহলাদ সিংব পতেল অমসুং ইকাই খুম্নরবা মহৈ মশিংগী মন্ত্রী শ্রী স়ঞ্জে ধোত্রি, আই.জি.এন.সি.এ.গী মেম্বর সেক্রেতরী দা. সচিদানন্দ জোশিনা ভর্চুয়েল থৌরম অসি শরুক য়াখিবা মশক নাইবা মীওইশিংনি৷

*****