হকশেল অমসুং য়াইফ-য়ুম্বাল মন্ত্রালয়

য়ুনিভর্সেল ইম্ম্যুনাইজেসনদা মীৎয়েং চংবা: দা. হর্শ বর্ধন্না ইন্তেন্সিফাইদ মিসন ইন্দ্রধনুশ (আই.এম.আই.) ৩.০ হৌদোকখ্রে

আই.এম.আই. ৩.০ অসি রাজ্য/য়ু.ই. ২৯দা খঙদোক্লবা জিলা/সহরগী মফম ২৫০দা ফেব্রুৱারী ২২দগী হৌদুনা মার্চ ২২ ফাওবা তাঙ্কক অনি থোক্না পাঙথোক্কনি

“অঙাং অমসুং মীরোনবী নুপী অমা ফাওবা বেক্সিন্না ঙাকথোকপা ঙম্বা লাইনাশিংদগী ঙাকশেল পীদবা তৌহরোই হায়না ঐখোয়না ৱারেপ লৌরসি”

Posted On: 19 FEB 2021 4:53PM by PIB Imphal

হকশেল অমসুং য়াইফ-য়ুম্বাল মন্ত্রালয়গী কেন্দ্রগী মন্ত্রী দা. হর্শ বর্ধন্না ঙসি ইন্তেন্সিফাইদ মিসন ইন্দ্রধনুশ ৩.০ হৌদোকখ্রে। ভিদিও কনফরেন্সকী খুত্থাংদা থৌর অদুদা হকশেল অমসুং য়াইফ-য়ুম্বালগী রাজ্য মন্ত্রী শ্রী অশ্বিনি চৌবে অমসুং বিহারগী হকশেল মন্ত্রী শ্রী মঙ্গল পান্দেসু শরুক য়াখ্রে।

কেন্দ্রগী মন্ত্রীনা আই.এম.আই. ৩.০ পোর্তেলসু হৌদোকখ্রে অমদি আই.এম.আই. ৩.০গী ওপরেস্নেল গাইদলাইনশিং অমসুং কেম্পেন অসিগী শরুক ওইনা শেমখিবা এৱের্নেস মেতরিএল/আই.ই.সি. পেজেক অদুসু ফোঙখ্রে।

https://static.pib.gov.in/WriteReadData/userfiles/image/image001TRE9.png

দা. হর্শ বর্ধন্না মমা ওইবী অমসুং অঙাং খুদিংমক ইম্ম্যুনাইজ তৌনবা শেম শারিবা অসিনা মহাক্না নুংঙাইবা ফোঙদোকখ্রে। ইন্তেন্সিফাইদ মিসন ইন্দ্রধনুশ ৩.০ অসি ফেব্রৱারী ২২দগী হৌরগা মার্চ ২২, ২০২১ ফাওবদা চত্থগনি অমদি তাঙ্ককঅনি লৈগনি অমসুং লৈবাক অসিগী রাজ্য/য়ু.তি. ২৯গী হান্ননা খঙদোক্লবা জিলা/সহরগী মফম ২৫০দা পাঙথোক্কনি। আই.এম.আই. ৩.০না কোবিদ-১৯ লাইচৎ মনুংদা মখোয়গী বেক্সিনগী দোজশিং থকপা/কাপ্পা ৱাৎহৌবা অঙাংশিং অমসুং মীরোনবী নুপীশিংদা মীৎয়েং চংগনি। মখোয় আই.এম.আই. ৩.০গী তাঙ্কক অনি অসিগী মনুংদা মশক খঙদোক্তুনা বেক্সিন থাগনি। তাঙ্কক অমদা নুমিৎ ১৫নি ওইগনি। ময়ুম হোংলকপশিংনা লৈআ মফমশিং অমসুং য়ৌশিনবা ঙমদবা মফমশিংগী বেনিফিসরীশিং তার্গেৎ তৌগনি মরমদি কোবিদ১৯ লাইচৎ মনুংদা মখোয়গী বেক্সিনগী দোজ কাপহৌরমদবা য়াই।

https://static.pib.gov.in/WriteReadData/userfiles/image/image0020TV1.jpg

দা. হর্শ বর্ধন্না হায় আই.এম.আই. ৩.০ অসি কেম্পেনগী মমাংগী ফেসশিংদগী ফংলকপা কান্নবশিংদা য়ুম্ফম ওইগনি অমসুং য়ুনিভর্সেল ইম্ম্যুনাইজেসনদা মতম শাংনা কান্নবা ফংহনগদবা ওইহনগনি। “মিসন ইন্দ্রধনুশনা মাগী অহানবা ফেসতগী হৌরগা জিলা ৬৯০ কভর তৌখি অমসুং অঙাং মিলিয়ন ৩৭.৬৪ অমসুং মীরোনবী নুপী মিলিয়ন ৯.৪৬ বেক্সিন কাপখি। হৌজিক্কী পাঙথোক্কদবা নিপানশুবা কেম্পেন অসিনা লৈবাক অসিগী জিলা পুম্নমক্তা ফুল ইম্ম্যুনাইজেসন কভরেজ (এফ.আই.সি.) ৯০% ফংবা ঙম্নবা পান্দম থমগনি অমসুং ইম্ম্যুনাইজেসন সিস্তেমগী খুত্থাংদা ভারতনা সস্তেনেবল দিবেলপমেন্ত গোলশিংগীদমক চংশিল্লিবা অসি মপাঙ্গল কনখৎহনদুনা চাউনা কভর তৌগনি।” মিসন ইন্দ্রধনুশ অসি লৈবাক অসিগী প্রজা পুম্নমক্তা হোংনা অমসুং লায়না হেল্থকিয়র ফংহন্নবা ইকাই খুম্নরবা প্রধান মন্ত্রী শ্রী নরেন্দ্র মোদীজিগী লুচিং মখাদা ২০১৪দা হৌদোকখি, হায়না কেন্দ্রগী হকশেল মন্ত্রীনা ফোঙদোকখ্রে।

আই.এম.আই. ৩.০গী গাইদলাইনশিংগী মতুং ইন্না জিলাশিং অসি লো রিস্ক ৩১৩; মিদিয়ম রিস্ক ১৫২ অমসুং হায় রিস্ক ২৫০ হায়না খাইদোকখ্রে।

হৌজিক লৈরিবা কোবিদ-১৯গী অকিবা অসি য়েংলগা কেম্পেসন অসিগী থৌদাং হেনগৎহনবগী মতাংদা মহাক্না হায়, “লৈবাক অসিনা কোবিদ১৯ মাই পাক্না লাকশিনখ্রে অমসুং লমদম অসিদা শাজবা বেক্সিন অনিগী দ্রাইভ লৈবাক অসিদা পাঙথোক্লি। মসিগা লোইননা বেক্সিন অমগী মরু ওইবা অদু হেন্না খঙবা ঙমহনখি। চহি খুদিংগী বেক্সিন্না ঙাকথোকহনবা ঙম্বা লাইনা মখল ১২দগী অঙাং করোর ২.৬৫ অমসুং মীরোনবী করোর ২.৯ বেক্সিন কাপতুনা ঙাকথোকহনবগী চহি খুদিংগী য়ুনিভর্সেল ইম্ম্যুনাইজেসন পাঙথোকখি। রাজ্য অমসুং য়ু.তি. পুম্নমক্না হোৎনরিবসু অঙাং অমসুং মীরোনবী খরদি বেক্সিন কাপবদা চিৎথবা য়াওহৌখি। মিসন ইন্দ্রধনুশ অসি কাপহৌদবা খুদিংমক য়ৌশিন্নবা মাই পাক্লবা লালোং অমনি। ইম্ম্যুনাইজেসন কভের অসি রাজ্য ২২গী এন.এফ.ঐচ.এস.৫কী দেতা মতুং ইন্না শিংথানিংঙাই ওইনা ফগৎলকপা উবা ফংখ্রে।”

প্রজা খুদিংমক্তা হকশেলগী কান্নবা ফংহন্নবা চাউনা হোৎনবা অমদা “কোবিদ-১৯ বেক্সিন রোল আউৎ তৌরিঙৈ মনুংদা ইন্তেন্সিফাইদ মিসন ইন্দ্রধনুশ (আই.এম.আই.) ৩.০গুম্বা অচৌবা কেম্পেন ইমপ্লিমেন্ত তৌবা অসিনা ভারতকী হেল্থ সিস্তেম অসি নোংমা নোংমাগী মপাঙ্গল কনখৎলক্লি হায়বা ময়েক শেংনা উখ্রে। ইন্তেন্সিফাইদ মিসন ইন্দ্রধনুশ (আই.এম.আই.) ৩.০না য়ুনিভর্সেল ইম্ম্যুনাইজেসন প্রোগ্রাম (য়ু.আই.পি.)গী মখাদা লৈরিবা বেক্সিন পুম্নমক্কা লোইননা য়ৌশিনবা ঙমদনা লৈরিবা মীওইশিংদা য়ৌশিন্নবা পান্দম থমখি অমসুং অসুম্না ইম্ম্যুনাইজেসন মপুং ফানা তৌদুনা অঙাংশিং অমসুং মীরোনবীশিং মপুং ফানা ইম্ম্যুনাইজেসনগী কভর তৌগনি” হায়না মন্ত্রীনা ফোঙদোকখ্রে। মহাক্না বজেৎ অসিগী প্রোবিজনশিংনা হেল্থ অমসুং ৱেলবিংদা চাউনা মীৎয়েং চংলি হায়নসু ফোঙদোকখ্রে।

শ্রী অশ্বিনি কুমার চৌবেনা হায়, “মিসন ইন্দ্রধনুশ কেম্পেনশিং অসি ভারতকা চান্না শেমখি অমসুং মমাংগী ফেসশিংদা কান্নবা ফলশিং পীবা ঙমখ্রে। মিসন ইন্দ্রধনুশ অমসুং ইন্তেন্সিফাইদ মিসন ইন্দ্রধনুশ অসিনা চেক শাফম, কনস্ত্রক্সন সাইৎশং অমসুং নোমেদিক পোপুলেসন য়াওনা য়ৌশিনবা ৱাবা অমসুং হায়-রিস্ক ওইবা মফমশিংদা ইম্ম্যুনাইজেসন সিস্তেম লৈহনবা ঙমহনখি। মমাংগী কেম্পেনশিং অসিনা মাইক্রো-প্লানিং, ইম্ম্যুনাইজেসন সর্ভিসেসকী দিমান্দ পীবা হেনগৎহনখি অমসুং সপ্পোর্তিং সিস্তেমশিং মপাঙ্গল কনখৎহনবদা মতেং পাংখি।”

মন্ত্রীনা কোবিদকা চুন্নবা চৎন-লোনচৎ অসি আই.এম.আই. ৩.০. কেম্পেনগী শরুক ওইনা পাঙথোক্কদবা ইম্ম্যুনাইজেসনগী থবক-থৌরমশিংদা ঙাক্না চৎকনি হায়বা অসিদা অপেনবা ফোঙদোকখ্রে। সেসন সাইৎশিংদা মী চিনদনবা “স্তেগর্দ এপ্রোচ” ঙাক্না চৎনবা রাজ্যশিংদা খঙহনখ্রে অমসুং করিগুম্বা স্তেগর্দ এপ্রোচনা মী চিনবা লাকশিনবা ঙমদবা তারদি ব্রেক-অপ সেসন থৌরাং তৌনবা হায়খ্রে।  সেসন সাইৎতা অপীবা মতম অমদা অমুক্তা বেনিফিসরী ১০দগী হেনহনদনবা মওংদা সেসনশিং অসি পাঙথোক্নবা মওংদা শিনখ্রে।

নেস্নেল হেল্থ মিসনগী এদিস্নেল সেক্রেতরী অমসুং মিসন দিরেক্তর মিস ভন্দনা গুর্নানি, জোইন্ত সেক্রেতরী (রিপ্রদক্তিব এন্দ চাইল্দ হেল্থ) মিস প্রীতি পান্ত অমসুং মন্ত্রালয় অসিগী অতোপ্পা মকোক থোংবা ওফিসিএলশিংসু থৌরম অসিদা শরুক য়াখ্রে।

https://static.pib.gov.in/WriteReadData/userfiles/image/image003NQUW.jpg

রাজ্য সরকারশিংগী মকোক থোংবা হেল্থ ওফিসিএলশিং অমসুং য়ু.এন.দি.পি., বি.এ.জি.এফ.কুম্বা দিবেলপমেন্ত পার্তনরশিংগী মীহুৎশিংনা ভর্চ্যুএল ওইনা শরুক য়াখ্রে।

****



(Release ID: 1699574) Visitor Counter : 5